Филиалы
Альбомов - 365
Фотографий - 28773
Сортировать по:
| 26 Апреля | 2024 года |
Навигация
- Къуру гыбыт бек дыгъырдар.
- Къазанчы аман болса, къазаны къайнамаз.
- Насыблы элин сюер, насыбсыз кесин сюер.
- Байма, деб да, къууанма, джарлыма, деб да, джылама.
- Джарлыны тону джаз битер.
- Эртде тургъан бла эртде юйленнген сокъуранмаз.
- Чакъырылгъанны аты, чакъырылмагъанны багъасы болур.
- Узун джолну барсанг, бюгюн келирсе, къысха джолну барсанг, тамбла келирсе.
- Айранны сюйген, ийнек тутар.
- Аманны къуугъан, аманлыкъ табар.
- Кенгеш болса, уруш болмаз.
- Джаханимни кёрмей, джандетге кёл салмазса.
- Кёбню кёрген – кёб билир.
- От кюйдюрген, сау болса да, тот кюйдюрген, сау болмаз.
- Азыгъы аз, алгъа къабар, аты аман, алгъа чабар.
- Тулпарлыкъ, билекден тюл – джюрекден.
- Зар адамны насыбы болмаз.
- Ким бла джюрюсенг, аны кёзю бла кёрюнюрсе.
- Уллу атлама – абынырса, уллу къабма – къарылырса.
- Кёб къычыргъандан – къоркъма, тынч олтургъандан – къоркъ.
- Джукъу тёшек сайламайды.
- Ачлыкъда тары гырджын халыуадан татлы.
- Сабий кёргенин унутмаз.
- Билгенни къолу къарны джандырыр.
- Хаухну атма, ёнгкючню сатма.
- Сууда джау джокъ, кёб сёзде магъана джокъ.
- Ёмюрлюк шохлукъну джел элтмез.
- Азыкълы ат арымаз, къатыны аман джарымаз.
- Эски джаугъа ышанма.
- Эм ашхы къайын ана мамукъ бла башынгы тешер.
- Сыфатында болмагъаны, суратында болмаз.
- Ёгюзню мюйюзлери ауурлукъ этмейдиле.
- Башланнган иш битер, къымылдагъан тиш тюшер.
- Сабийни джумушха джибер да, ызындан бар.
- Джыйырма къойну юч джыйырма эбзе кюте эди.
- Акъдан къара болмаз.
- Джангызны оту джарыкъ джанмаз!
- Адеб базарда сатылмаз.
- Ана къолу ачытмаз.
- Аманны эки битли тону болур, бирин сеннге кийдирир, бирин кеси киер.
- Айтхан сёзюне табылгъан.
- Баш – акъыл ючюн, акъылман – халкъ ючюн.
- Кёрмегеннге кебек – танг, битмегеннге сакъал – танг.
- Къызбайны юйюне дери сюрсенг, батыр болур.
- Къулакъдан эсе, кёзге ышан.
- Кийимни бир кюнню аясанг, минг кюннге джарар.
- Дуния малгъа сатылма, кесингден телиге къатылма.
- Эл тойса, тоймагъан, эл къойса, къоймагъан.
- Иги сёз – джаннга азыкъ, аман сёз башха – къазыкъ.
- Рысхы – насыбха къор.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
