Расширенный поиск
28 Октября  2021 года
Логин: Регистрация
Пароль: Забыли пароль?
  • Джерни букъусу кёкге къонмаз.
  • Къралынгы – душмандан, башынгы от бла суудан сакъла.
  • Намысы джокъну – дуниясы джокъ.
  • Джумушакъ терекни къурт ашар.
  • Азыгъы аз, алгъа къабар, аты аман, алгъа чабар.
  • Ана кёлю – балада, бала кёлю – талада.
  • Адам бла мюлк юлешмеген эсенг, ол адамны билиб бошагъанма, деб кесинги алдама.
  • Нёгер болсанг, тенг бол, тенг болмасанг, кенг бол.
  • Ёлген аслан – сау чычхан.
  • Адам боллукъ, атламындан белгили болур.
  • Ашлыкъ – бюртюкден, джюн – тюкден.
  • Акъыллы эркиши атын махтар, акъылсыз эркиши къатынын махтар.
  • Дуния аламаты сен эсенг да, игиме деб айтма.
  • Аш берме да, къаш бер.
  • Ауругъанны сау билмез, ач къарынны токъ билмез.
  • Тенгинг джокъ эсе – изле, бар эсе – сакъла!
  • Юйюнг бла джау болгъандан эсе, элинг бла джау бол.
  • Къонакъ аз олтурур, кёб сынар.
  • Тынгылагъан тынгы бузар.
  • Къонагъынгы артмагъын алма да, алгъышын ал.
  • Дуния малгъа сатылма, кесингден телиге къатылма.
  • Эм уллу байлыкъ – джан саулукъ.
  • Къайгъы тюбю – тенгиз.
  • Кийиминг бла танылма, адамлыкъ бла таныл.
  • Бек ашыкъгъан меннге джетсин, дегенди аракъы.
  • Атлыны кёрсе, джаяуну буту талыр.
  • Аманнга алтын чыдамаз.
  • Булут кёкге джарашыу, уят бетге джарашыу.
  • Хазыр ашха – терен къашыкъ.
  • Сууда джау джокъ, кёб сёзде магъана джокъ.
  • Бетинги сатма, малынгы сат.
  • Гитче джилтин уллу элни джандырыр.
  • Айтхан сёзюне табылгъан.
  • Ёпкелегенни ашы татлы болады.
  • Хатерли къул болур.
  • Суу кетер, таш къалыр.
  • Къонакъ аман болса, къонакъбай джунчур
  • Ашатыргъа иш – ашхы, ишлетирге аш – ашхы.
  • Юй ишлеген балта эшикде къалыр.
  • Ариу джол аджал келтирмез.
  • Аш кетер да бет къалыр.
  • От этилмеген джерден тютюн чыкъмайды.
  • Адам къаллай бир ишленмесе, аллай бир кесин уллу кёреди.
  • Къарны аманнга къазан такъдырма, къолу аманнга от джакъдырма.
  • Адам сёзге тынгыла, акъыл сёзню ангыла.
  • Джарлы джети элни сёзюн этер.
  • Билген билмегенни юретген адетди.
  • Кёзден кетген, кёлден да кетеди.
  • Тешик этген тынчды, аны джамагъан къыйынды.
  • Уллу суу бла уллу ауруудан башынгы сакъла.

Следы нашей истории (Tarihibizni izlari)

Фотографий - 156