Следы нашей истории (Tarihibizni izlari)
Фотографий - 156
| 28 Мая | 2023 года |
Навигация
- Ашхы атаны – джашы ашхы, ашхы ананы – къызы ашхы.
- Къолу уллу – асыу, аягъы уллу – джарсыу.
- Шекер бла туз – бир болмаз, ушамагъан – юй болмаз.
- Кёб къычыргъандан – къоркъма, тынч олтургъандан – къоркъ.
- Джуртун къоругъан озар.
- Хатерли къул болур.
- Адеби болмагъан къыз – тузсуз хант.
- Айтхан сёзюне табылгъан.
- Огъурлуну сёзю – суу, огъурсузну сёзю – уу.
- Бети къызарыучу адамны, джюреги харам болмаз.
- Чомарт джарлы болмаз.
- Аман эсирсе, юйюн ояр.
- Мураты болгъанны джюрек тебюую башхады.
- Дуния мал дунияда къалады.
- Хар адамгъа кеси миннген тау кибик.
- Берекет берсин деген джерде, берекет болур.
- Эллинг бла джау болсанг да, юйюнг бла джау болма.
- Соргъан айыб тюлдю, билмеген айыбды.
- Этек чакъмакълары баш джаргъан, сёлешген сёзлери таш джаргъан.
- Кийимни бир кюнню аясанг, минг кюннге джарар.
- Чомартны къолу берекет.
- Итли къонакъ джарашмаз.
- Аман адам элни бир-бирине джау этер.
- Кийим тукъум сордурур.
- Кёзю сокъурдан – къоркъма, кёлю сокъурдан – къоркъ.
- Чабар ат – джетген къыз.
- Уруну арты – къуру.
- Къонагъынгы артмагъын алма да, алгъышын ал.
- Билим насыб берир, билим джолну керир.
- Уллу сёзде уят джокъ.
- Чакъырылмагъан къонакъ къачан кетерин сормаз.
- Арбаз къынгырды да, ийнек сауалмайма.
- Таш бла ургъанны, аш бла ур.
- Ишге юренсин къоллары, халкъ бла болсун джоллары.
- Тилчи бир сагъатха айлыкъ хата этер.
- Башда акъыл болмаса, эки аякъгъа кюч джетер.
- Зарда марда джокъ.
- Сакъламагъан затынга джолукъсанг, не бек къууанаса, не бек ачыйса.
- Кёб джашагъан – кёб билир.
- Тюкюрюк баш джармаз, налат кёз чыгъармаз!
- Айыбны суу бла джууалмазса.
- Арпа, будай – ащды, алтын, кюмюш а – ташды.
- Ётген ёмюр – акъгъан суу.
- Айтханы чапыракъдан ётмеген.
- Зар адамны насыбы болмаз.
- Ётюрюкден тюбю джокъ, кёлтюрюрге джиби джокъ.
- Джаз бир кюнню джатсанг, къыш талай кюнню абынырса.
- Къайтырыкъ эшигинги, къаты уруб чыкъма.
- Къанны къан бла джуума, аманны аман бла къуума.
- Хата – гитчеден.
Фонд содействия развитию карачаево-балкарской молодежи «Эльбрусоид»
© 2003-2023 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
