Расширенный поиск
28 Апреля 2024 года
Логин: Регистрация
Пароль: Забыли пароль?
Навигация
Словарь
  • Сёлеш деб шай берген, тохта деб, сом берген.
  • Агъач халкъгъа алтынды, иссиликге салкъынды.
  • Нарт сёз къарт болмаз.
  • Ариуну – ауруу кёб.
  • Айтханы чапыракъдан ётмеген.
  • Хар зат кесини орнуна иги.
  • Къызын тута билмеген, тул этер, джашын тута билмеген, къул этер.
  • Ач да бол, токъ да бол – намысынга бек бол.
  • Малны кют, джерни тюрт.
  • Адамны адамлыгъы къыйынлыкъда айгъакъланады.
  • Магъанасыз сёз – тауушсуз сыбызгъы.
  • Къарыусузгъа кюлме, онгсузгъа тийме.
  • Чыкълы кюнде чыкъмагъан, чыкъса къуру кирмеген.
  • Тамчы таш тешер.
  • Акъыл къартда, джашда тюйюлдю – башдады.
  • Джарлыны тону джаз битер.
  • Эки ойлашыб, бир сёлешген.
  • Джашынгы кесинг юретмесенг, джашау юретир.
  • Кютгени беш эчки, сызгъыргъаны уа, джерни джарады.
  • Сагъыш – къартлыкъгъа сюйюмчю.
  • Адеб этмеген, адеб кёрмез.
  • Къартны сыйын кёрмеген, къартлыгъында сыйлы болмаз.
  • Джылар джаш, атасыны сакъалы бла ойнар.
  • Аджаллыгъа окъсуз шкок атылыр.
  • Элиб деген, элге болушур.
  • Билген билмегенни юретген адетди.
  • Аджашхан тёгерек айланыр.
  • Суу ичген шауданынга тюкюрме.
  • Къыйынлы джети элни къайгъысын этер.
  • Эркишини аманы тиширыуну джылатыр.
  • Чакъырылмай келген къонакъ сыйланмай кетер.
  • Атадан ёксюз – бир ёксюз, анадан ёксюз – эки ёксюз.
  • Баргъанынга кёре болур келгенинг.
  • Босагъагъа джууукъ орун болса, ашыгъыб тёрге озма.
  • Хазыр ашха – терен къашыкъ.
  • Дуния мал дунияда къалады.
  • Бойнуму джети джерден кессенг да, мен ол ишни этеллик тюлме.
  • Джуртун къоругъан озар.
  • Сескекли кесин билдирир.
  • Билимден уллу байлыкъ джокъду.
  • Чабакъ башындан чирийди.
  • Тойгъа барсанг, тоюб бар, эски тонунгу къоюб бар.
  • Олтуруб кёрюнмей эди да, ёрге туруб кёрюне эди.
  • Окъдан джара эртде-кеч болса да бителир, сёз джара, ёмюрге къалыр.
  • Джолда аягъынга сакъ бол, ушакъда тилинге сакъ бол.
  • Ишленмеген джаш – джюгенсиз ат, ишленмеген къыз – тузсуз хант.
  • Кёбге таш атма.
  • Эки итни арасына сюек атма, эки адамны арасында сёз чыгъарма.
  • Къазанчы аман болса, къазаны къайнамаз.
  • Арбаз къынгырды да, ийнек сауалмайма.

Фотографии

+ Создать галерею
Альбомы Эльбрусоида / Землячества

Вечер первокурсников КЗ "Измайловский" 27.02.10г.

Фотографий - 130