Расширенный поиск
19 Августа 2019 года
Логин: Регистрация
Пароль: Забыли пароль?
Навигация
Словарь
  • Аманны тукъумуна къарама, игини тукъумун сорма.
  • Аджашхан тёгерек айланыр.
  • Кютгени беш эчки, сызгъыргъаны уа, джерни джарады.
  • Кёб джат да, бек чаб.
  • Къаллай салам берсенг, аллай джууаб алырса.
  • Къая джолда джортма, ачыкъ сёзден къоркъма.
  • Баш – акъыл ючюн, акъылман – халкъ ючюн.
  • Ёнгкюч къууана барыр, джылай келир.
  • Къайтырыкъ эшигинги, къаты уруб чыкъма.
  • Кёзден кетген, кёлден да кетеди.
  • Ач отунчуну ачыуу – бурнунда.
  • Кёл ашады да, кеси ашады.
  • Джаханимни кёрмей, джандетге кёл салмазса.
  • Адеби болмагъан къыз – тузсуз хант.
  • Адамны аты башхача, акъылы да башхады.
  • Джарлы джети элни сёзюн этер.
  • Къарнынг къанлынга кийирир.
  • Атлыны кёрсе, джаяуну буту талыр.
  • Экиндини кеч къылсанг, чабыб джетер ашхам.
  • Хоншуну тауугъу къаз кёрюнюр, келини къыз кёрюнюр.
  • Джашда акъыл джокъ, къартда къарыу джокъ.
  • Арбаз сайлама да, хоншу сайла.
  • Къарнынг тойгъунчу аша да, белинг талгъынчы ишле.
  • Айныгъанлы алты кюн, тогъайгъанлы тогъуз кюн.
  • Къарнынг бла ёч алма.
  • Къайгъы тюбю – тенгиз.
  • Эркиши – от, тиширыу – суу.
  • Айтылгъан сёз ызына къайтмаз.
  • Кюлме джашха – келир башха.
  • Мени джылытмагъан кюн, меннге тиймесин!
  • Билимсиз иш бармаз.
  • Баш болса, бёрк табылыр.
  • Чыбыкълыкъда бюгюлмеген, къазыкълыкъда бюгюлмей эди.
  • Аман хансны – урлугъу кёб.
  • Кенгеш болса, уруш болмаз.
  • Aдам боллукъ, сыфатындан белгили.
  • Адам къаллай бир ишленмесе, аллай бир кесин уллу кёреди.
  • Иги джашны ышаны – аз сёлешиб, кёб тынгылар.
  • Босагъагъа джууукъ орун болса, ашыгъыб тёрге озма.
  • Атадан ёксюз – бир ёксюз, анадан ёксюз – эки ёксюз.
  • Иги бла джюрюсенг, джетерсе муратынга, аман бла джюрюсенг, къалырса уятха.
  • Кеси юйюмде мен да ханма.
  • Ат басханны джер билед.
  • Ёпкелегенни ашы татлы болады.
  • Къатыны харакетли болса, эри къымсыз болур.
  • Юйюнг бла джау болгъандан эсе, элинг бла джау бол.
  • «Ма», - дегенни билмесенг, «бер», - дегенни билмезсе.
  • Къызын тута билмеген, тул этер, джашын тута билмеген, къул этер.
  • Бал – татлы, балдан да бала – татлы.
  • Джырчы ёлсе, джыры къалыр.

Фотографии

+ Создать галерею
Альбомы Эльбрусоида / Землячества

Вечер выпускников вузов (18 июня 2005 г.) Москва

Фотографий - 147