Форум

Презентациягъа Тюркден келген делегацияны арасында ТЮРКСОЙ-ну келечиси да бар эди. Ол www.turksoy.org.tr сайтда мында болгъан ишлени юсюнден къысха хапар билдиргенди. Ол тюрк тилде болсада окъургъа боллкъду.

БЕРЕКЕТге да бу махтау салгъанына бюсюреу эте сау бол дейме.
SABR Аллах айтса сен айтхан китабла да къысха заманны ичинде басмаланыб чыгъарла. Семенланы Исмаилны "Зикирле" китабы кърал дараджада, 120-джыллыгъына джораланыб чыкъгъанды. Бу китаб республиканы кърал басмасында къаралыб чыкъгъанды.

Презентацияда «Бизни Джырчы Исмаил Семен улу» деген аты бла КъЧР-ни Джазычуларыны союзу бардыргъан конкурсда энчи ёчлеге ие болгъанланы конкурсну председатели, джазычу РФ-ны культурасыны махтаулу къуллукъчусу Аппаланы Билял алгъышлагъан эди. Къууанч халда конкурша къошулгъанланы Акъбайланы Азретни (Москвадан), Биттирланы Тамараны, Бегийланы Абдуллахны, Берберланы Бурханны (КъМР-ден), Лайпанланы Билялны (Норвегиядан), Сюйюнчланы Азаматны, Хубийланы Назирни, Тоторкулланы Къазий-Магометни, Лайпанланы Нюр-Магометни, Лепшокланы Хусейни, Каппушланы Шагъабанны, Доюнланы Абдурахманы, Джанибекланы Сосланбекни, Эбзеланы Абу-Юсуфну, Тебуланы Шукурну, Ёзденланы Сапарны, Чомаланы Фатиманы (КъЧР-ден), Мехмет Арбатлыны (Тюркден) эмда башхаланы сыйлы грамотала бла саугъалагъан эди. Аланы барына да бюсюреу-спас эте, джангы творчество джетишимле емда насыб, саулуукъ, берекет теджеген эди.
Мен да Билялны эмда къалгъан джазыучуларыбызны алгъышлайма!