Расширенный поиск
25 Мая 2024 года
Логин: Регистрация
Пароль: Забыли пароль?
Навигация
Словарь
  • Джауумдан сора, кюн кюйдюрюр, ётюрюкден сора, айыб кюйдюрюр.
  • Ишлегенде эринме, ишде чолакъ кёрюнме.
  • Ышармагъан – кюлмез, кюлмеген – къууанчны билмез.
  • Ишленмеклик адамлыкъды.
  • Аман адам элни бир-бирине джау этер.
  • Кютгени беш эчки, сызгъыргъаны уа, джерни джарады.
  • Мал кёб болса, джууукъ кёб болур.
  • Баш болса, бёрк табылыр.
  • Уллу атлама – абынырса, уллу къабма – къарылырса.
  • Тилчи тилден къаныкъмаз.
  • Эринчекге кюн узун.
  • Айраннга суу къош, телиге джол бош.
  • Бермеген къол, алмайды.
  • Аз сёлешген, къайгъысыз турур.
  • Хар адамгъа кеси миннген тау кибик.
  • Юй ишлеген балта эшикде къалыр.
  • От этилмеген джерден тютюн чыкъмайды.
  • Тамчы таш тешер.
  • Айныгъанлы алты кюн, тогъайгъанлы тогъуз кюн.
  • Акъыллы – эл иеси, тели – эл баласы.
  • Сакъламагъан затынга джолукъсанг, не бек къууанаса, не бек ачыйса.
  • Ашхы сёз таш тешер.
  • Адеб этмеген, адеб кёрмез.
  • Туз, гырджын аша, тюзлюк бла джаша.
  • Ойнаб айтсанг да, эслеб айт.
  • Бал ашаргъа сюе эсенг, чибин ургъаннга тёз.
  • Ётюрюкню башын керти кесер.
  • Тынгылагъан тынгы бузар.
  • Ата Джуртча джер болмаз, туугъан элча эл болмаз.
  • Кюлме джашха – келир башха.
  • Термилгенинги табмазса, кюлгенинге тюберсе.
  • Хата – гитчеден.
  • Джерни букъусу кёкге къонмаз.
  • Окъугъан – асыу, окъумагъан – джарсыу.
  • Тай асырагъан, атха минер.
  • Хазыр ашха – терен къашыкъ.
  • Къалгъан ишге къар джауар.
  • Иши джокъну, сыйы джокъ.
  • Аллахдан тилесенг, кёб тиле.
  • Билим ат болуб да чабар, къуш болуб да учар.
  • Джарлы джети элни сёзюн этер.
  • Тиширыусуз юй – отсуз от джагъа.
  • Къар – келтирди, суу – элтди.
  • Суу ичген шауданынга тюкюрме.
  • Тура эдим джата, къайдан чыкъды хата?
  • Ачыкъ джюрекге джол – ачыкъ.
  • Тойгъа алгъа да барма, тойда артха да къалма.
  • Ашына кёре табагъы, балына кёре къалагъы.
  • Баш – акъыл ючюн, акъылман – халкъ ючюн.
  • Илму – джашауну джолу.

Форум

Форум / Бёлюмле :: Тематические разделы / Ана тилде :: Ana tilde
Страницы: 1
Къарачайдан Малкъаргъа Джол: бек керекли эмда сууаблы иш, Къолларындан келлик адамларыбыз эс бёлсюнле!
 
#1
Джаратама0
08.05.2013 02:15:50 Translit
Чотчаланы Батдал хаджи Джангы Къарачай элден:

Былайда дагъыда джолланы юсюнден да бир-эки сёз айтыргъа излей эдим.

Малкъар таба Басханнга джол алгъын заманлада Минги Тауну джаны бла Садырла сыртны къаты бла ётгенди.

Ол джолну къыйын джери Хыдаланы (Чотчаланы) къошладан ёргерек бир 300 метрни барыб, алайдады. Джол суучукъну юсю бла ётеди. Уллуракъ джангурла джаугъанлай, джуууб, ташын ачыб, улоу ётмезча болуб къалады. Алайы бир джарашдырылса, къалгъан джери табды, таш-агъач джокъду.

Къолларындан келлик джашларыбыз, эс бёлюб, ата-бабаларыбызны бизге къойгъан затларын сакълаб, къыйынларын эсге алсала, аламат иш боллукъ эди - мен аладан тилеген олду.
 
 
 
#2
Джаратама0
08.05.2013 10:48:08 Translit
Къалай аламат боллукъ эди, алай этилсе!!!!! Ин ша Аллах, табылырла аллай адамла...
АЛЛАХ ВСЕВЫШНИЙ сказал:
«Воистину, каждый человек - в убытке, кроме тех, которые УВЕРОВАЛИ, совершали праведные деяния, заповедали друг другу истину и заповедали друг другу терпение!» (КОРАН: сура 103 («аль-'Аср»), аяты 2-3).
 
 
 
#3
Джаратама0
08.05.2013 11:02:28 Translit
Sabr, Ол къуру онглу жашларыбызданмы къалады ? Алай болса, игитда, эм биринчи аны бла кюреширик болур эдиле _)) бизни бирден къалай айырыргъа билмей турадыла, ол къысха жолгъа кюч салыргъа къоярламы? Бек иги онгду ол миллетге эм къаты биригирге, алай бу ишни тынч тындыртырла деб, ышаналмайма )) Аллах умутубузну берир ,Аллах айтса !
"Къадарны этегинде...","Сени ючюн"...(с)
 
 
 
#4
Джаратама0
06.09.2015 13:14:13 Translit
Бек керекли иш боллукъ эди ол бизни миллетибизге, алай хоншула хахай кётюрюп тебирерле тейри биз аны этебиз десек, Аланла бизни бла къазауат этерге, аскерлери терк ары бери ётерче жол ишлейдиле дерле ийнан)))))))
 
 
 
#5
Джаратама0
06.09.2015 15:35:30 Translit
Заман келир - бюгюн болмаса, тамбла. Алай а, хоншула чекде джерлени къабарты районнга бериб. Малкъар бла бизни арабызны кесиб кюрешедиле. Джылы Суу анга шагъатды. Хар нени билиб турургъа керекди, билген бла къалмай, халкъыбызны, джерибизни бёлюб кюрешгенлеге Эл башчыла да, джамагъат организацияла да, тарихчиле да къаршчы кюреширге керекдиле.
 
 
 
Страницы: 1
Читают тему (гостей: 1)

Форум  Мобильный | Стационарный