были у меня где то, эт самые тексты....
НАСЫБ (одна из любимых)) )
?Насыбынгы табалдынгмы, муратынга джеталдынг мы??
Деб сорадыла, тюбеселе, тенглерим.
Ол соруугъа джууаб табмай ышарама ачыкъ келден,
Насыбны уа билдирелле кезлерим.
Онглума деб махтанмайма, онгсузма деб джыламайма,
Инан анга, халим тюйюлд гинасу,
Сайлаб сени сюйген эсем, сюймекликден кюйген эсем,
Болаллыкъса джюрегиме сен асыу.
Джазыу саныз сейир болгъанд, хур джукъудан ичи толгъанды,
Сагъышладан заман табмам ичерге,
Мен болайым баш сагъышынг, джюрегинде нюр алгъышынг.
Ышар менге, ышаргъанча кюн джерге.
Сагъышынг бла сен мийиксе, халинг бла уа сен кийиксе,
Къурумасын ол кийиклик элингде.
Сени сюйдюм ма аны ючюн, миллетими намыс кючю,
Кергенме деб, ариу, сени халингде.
?Насыбынгы табалдынгмы, муратынга джеталдынг мы??
Деб сорадыла, тюбеселе, тенглерим.
Ол соруугъа джууаб табмай ышарама ачыкъ келден,
Насыбны уа билдирелле кезлерим.
ИНАНМА СЕН (просто нравится)
Джулдуз джанады, кез къамата кечеде,
Танг атханлай, тас боллугъун билсе да.
Чыкъ да тюшеди мынчакъ кибик ингирде,
Кюн чыкъгъанлай думп боллугъун сезсе да.
Инанма сен, джолунг джартыды деселе,
Инанма сен, дуния тарды десле,
Инанма сен, джюрек тотту деселе,
Инанма сен, насыб джокъду деселе.
Чыпчыкъ бала уясындан къарайды,
Термиледи дженгил ёсюб учаргъа.
Боз булутда кюн аманны марайды,
Джангур болуб джерни юсюн джууаргъа.
Инанма сен, джолунг джартыды деселе,
Инанма сен, дуния тарды десле,
Инанма сен, джюрек тотту деселе,
Инанма сен, насыб джокъду деселе.
Джан излейди оюнланы ашхысын,
Тууар кюнню бачхыч этиб кесине.
Бир джагъадан бир джагъагъа ашыгъыб,
Атлайды ол умут тюшсе эсине.
Инанма сен, мурат толмайды деселе,
Инанма сен, джукъда къалмайды деселе,
Инанма джурт кирленгенди деселе,
Адеб-намыс кирленгенди деселе.
Таулу атын тас этмезин унутма,
Аты джокъну тауусулур къарыуу,
Джюрегинге джанган отну суутма,
Батхан кюнню кебге бармаз джылыуу.
Инанма сен, мурат толмайды деселе,
Инанма сен, джукъда къалмайды деселе,
Инанма джурт кирленгенди деселе,
Адеб-намыс кирленгенди деселе.
КЪУРМАН БОЛАЙЫМ ХАЛКЪЫМА (патриотичная)
Сюйген халкъыма келир джыллада
Не зат теджеим саугъагъа,
Сын таш болайым шеит джанлагъа,
Къурман болайым саулагъа.
Энди таулагъа бушуу джетмезча,
Буруу болайым къаугъагъа.
Ата-баба да эсден кетмезча,
Къурман болайым саулагъа.
Эээй, къурман болайым халкъыма,
Керек заманда, чеб да терек да
Болуб къалайым джуртума.
Адеб намыс да бирден атларча,
Хурмет салырча таулагъа.
Ёсген уланла тарих сакъларча
Къурман болайым саулагъа.
Къушла сюзюлюб кекден къарарча
Шоркъулдаб баргъан суулагъа.
Тыбыр отубуз джарыкъ джанарча,
Къурман болайым саулагъа.
Эээй, къурман болайым халкъыма,
Керек заманда, чеб да терек да
Болуб къалайым джуртума.