Расширенный поиск
17 Июля 2025 года
Логин: Регистрация
Пароль: Забыли пароль?
Навигация
Словарь
  • Аш хазыр болса, иш харам болур.
  • Иги – алгъыш этер, аман – къаргъыш этер.
  • Аджал соруб келмез, келсе, къайтыб кетмез.
  • Тилсиз миллет джокъ болур.
  • Сабийни джумушха джибер да, ызындан бар.
  • Эшекни не къадар тюйсенг да, ат болмаз.
  • Ариуну – ауруу кёб.
  • Рысхы джалгъанды: келген да этер, кетген да этер.
  • Айтхан сёзюне табылгъан.
  • Сютню башын джалагъан къутулур, тюбюн ичген тутулур.
  • Къарыусузгъа кюлме, онгсузгъа тийме.
  • Тик ёргени, тик энгишгеси да болады.
  • Тешигини къатында, чычхан да батыр болур.
  • Адамгъа аман кюн соруб келмейди.
  • Мал тутхан – май джалар.
  • Экиндини кеч къылсанг, чабыб джетер ашхам.
  • Тюзлюк шохлукъну бегитир.
  • Ауурну тюбю бла, дженгилни башы бла джюрюген.
  • Къайгъы тюбю – тенгиз.
  • Ауузу бла къуш тута айланады.
  • Бир онгсуз адам адет чыгъарды, деб эштирик тюлсе.
  • Баланы адам этген анады.
  • Чабар ат – джетген къыз.
  • Игини сыйлагъан адетди.
  • Ёлмесенг да, къарт дамы болмазса?
  • Керек ташны ауурлугъу джокъ.
  • Къарны аманнга къазан такъдырма, къолу аманнга от джакъдырма.
  • Ётюрюк хапар аякъ тюбю бла джюрюйдю.
  • Джаз бир кюнню джатсанг, къыш талай кюнню абынырса.
  • Сёз къанатсыз учар.
  • Ач бёрюге мекям джокъ.
  • Хар адамгъа кеси миннген тау кибик.
  • Къайгъыны сюйген, къайгъы табар.
  • Кюн кёрмеген, кюн кёрсе, кюндюз чыракъ джандырыр.
  • Аманнга да, игиге да оноусуз къатышма.
  • Къралынгы – душмандан, башынгы от бла суудан сакъла.
  • Уллу къазанда бишген эт, чий къалмаз.
  • Огъурлуну сёзю – суу, огъурсузну сёзю – уу.
  • Арба аугъандан сора, джол кёргюзтюучю кёб болур.
  • Адеб базарда сатылмаз.
  • Келгинчи, къонакъ уялыр, келгенден сора, къонакъбай уялыр.
  • Чомарт къолда мал къалмаз.
  • Аман хансны – урлугъу кёб.
  • Арпа, будай – ащды, алтын, кюмюш а – ташды.
  • Сибиртки да сыйлы болду, кюрек да кюнлю болду.
  • Ач уят къоймаз.
  • Къызны минг тилер, бир алыр.
  • Аш иеси бла татлыды.
  • Тойгъан антын унутур.
  • Ач къалгъандан, кеч къалгъан къолай.

Форум

Форум / Бёлюмле :: Тематические разделы / Ана тилде :: Ana tilde
Страницы: 1
Поздравим Билала Лайпанова с награждением медалью И. Крымшамхалова, 8-е Крымшамхаловские чтения, лауреат 2015 г. в номинации ЛИТЕРАТУРА
 
#1
Джаратама0
02.04.2016 23:28:28 Translit
Билал Лайпанов награжден медалью Ислама Крымшамхалова. Лауреат в номинации "Литература", за крупное творческое достижение в развитии карачаево - балкарской литературы - романы "Къазауат" и "ЭЛИБ. ЭЛЬ. СЕН"(2015).

Алгъышлайма, Билал, ызы къалын болсун!
Изменено: Айшат - 02.04.2016 23:30:35
Если радость придет, радость прими
И не гордись, будь достоин ее.
Если горе придет, губы сожми
И не страшись, будь достоин его.

К. Кулиев
 
 
 
#2
Джаратама0
03.04.2016 00:24:31 Translit
Алгъышлайма, саулукълу, насыплы бол!
 
 
 
#3
Джаратама0
03.04.2016 00:28:54 Translit
Билял,саугъанг бла алгъышлайма!.Арты къалын болсун!
Изменено: Мусса - 03.04.2016 00:30:08
 
 
 
#4
Джаратама0
03.04.2016 00:44:14 Translit
Цитата
Айшат пишет:
Билал Лайпанов награжден медалью Ислама Крымшамхалова. Лауреат в номинации "Литература", за крупное творческое достижение в развитии карачаево - балкарской литературы - романы "Къазауат" и "ЭЛИБ. ЭЛЬ. СЕН"(2015).

Алгъышлайма, Билал, ызы къалын болсун!

Сау бол, Айшат.

Мени ол медалгъа Малкъар джаны теджегенди - «Минги Тау» журналны редакциясы (журналны редактору - Додуланы Аскер, джууаблы секретары — Ёлмезланы Мурадин).

2015-чи джыл, журналны 6-чы номеринде ( http://www.smikbr.ru/2015/pressa/mingit/06.2015.pdf ) «Къазауат» романымы «Хурриет» атлы бир китабын да басмалагъан эдиле. Малкъар къарнашларыма, къаламдашларыма бек разыма — мени прозама уллу багъа да бериб, басмалагъан да этиб, Кърымшаухал саугъагъа да теджегенлери ючюн.
Аланы сёзлерин тюзге санаб, къабыл этгенлери ючюн, Къарачай илму-излем институтну башчыларына - Шаманланы Ибрахимге, Хатууланы Рашидге да разылыгъымы билдиреме. Чакъырыу къагъыт да ийген эдиле — барырча таблыкъ тюшмеди ансы.

Дагъыда бир айтырым: «Минги Тау» журналны эшиклери къарачай-малкъар фахмулу джаш джазыучулагъа ачыкъ болгъанын билдиргендиле. Айшат, Сен да, къалгъанла да ол мадар бла хайырлансагъыз, аман болмаз. Къарачай джанында журнал болмагъанын, кърал басма хазна китаб чыгъармагъанын да эсге алсакъ, «Минги Тау» бла байламлы болургъа тыйыншлыды. Минги Таулула сау болсунла.
 
 
 
#5
Джаратама0
03.04.2016 00:47:08 Translit
Цитата
Сахадин пишет:
Алгъышлайма, саулукълу, насыплы бол!
Алгъышлыкъ бол, къарнаш.
 
 
 
#6
Джаратама0
03.04.2016 00:53:46 Translit
Цитата
Мусса пишет:
Билял,саугъанг бла алгъышлайма!.Арты къалын болсун!
Мусса тамада, къайсы саугъагъа да Сизден тыйыншлыбыз джокъду. Муратларыгъызгъа Аллах джетдирсин, Халкъыбызгъа бек керекли ишигизде, Сизге болушлукъ этерча, бизге да Аллах ангы, эс, кюч-болум берсин.
 
 
 
#7
Джаратама0
03.04.2016 03:04:27 Translit
Алгъышлайма, Билал! Крымшамхалов атлы саугъагъа керти келишесиз, тыйыншлысыз!
 
 
 
#8
Джаратама0
03.04.2016 03:30:04 Translit
Цитата
Rassel пишет:
Алгъышлайма, Билал! Крымшамхалов атлы саугъагъа керти келишесиз, тыйыншлысыз!
Бек сау бол. Менден тыйыншлыла да болгъанларына ишек джокъду, алай а оноуу манга джетмегенди. Саугъагъа теджегенле да, аны къабыл кёргенле да, алгъышлагъанла да - барыгъыз да къууанч бла кёб джашагъыз.
 
 
 
#9
Джаратама0
03.04.2016 03:34:37 Translit
Алгъышлайма,Билал! Саулукълу бол!
 
 
 
#10
Джаратама0
03.04.2016 03:51:47 Translit
Цитата
Sautulu пишет:
Алгъышлайма,Билал! Саулукълу бол!
Сау бол. Миллет адамыса - муратларынга джет сен да.
 
 
 
#
Джаратама0
  Translit
 
 
 
#11
Джаратама0
03.04.2016 18:09:12 Translit
Ас–саляму алейкум.
Sabr, алгъышлайма, ызы къалын болсун.


Айшат,
сау бол билдиргенинг ючюн.
 
 
 
#12
Джаратама0
03.04.2016 19:53:43 Translit
Цитата
shaudan пишет:
Ас–саляму алейкум.
Sabr, алгъышлайма, ызы къалын болсун.
Shaudan, кесинге да, сёзюнге да, юйюгюзге да Игилик!

"Ызы къалын болсун" дегенни мен къалай ангылайма, билемисе? Айшат да, Сен да, Къара чачлы да, башха фахмулу джашла, къызла да поэзиябызны айнытырыкъдыла, къатларыкъдыла, алгъа элтирикдиле, Ислам Бийни саугъасындан Нобель ёчге дери ие боллукъдула.
Ма алай ангылайма. Манга, джазыучугъача, андан уллу насыб боллукъ тюлдю.
 
 
 
#13
Джаратама0
03.04.2016 21:59:22 Translit
Sabr,
сизни жазгъаныгъызны окъусам, Кязимни «Иги сёзю» тюшеди эсиме.
 
 
 
#14
Джаратама0
04.04.2016 16:37:35 Translit
Тюзлюк бола келгенди бизде, алай артдан артха акъсай бара эди да, Билал, сени юсюнгде ийнандым, эки аягьына угьай, бир аягьына акъсагьанына))))))). Охо, багъарла келлик тёлюле!))))
Билал, ол кюн окъуна эшитген эдим саугъангы хапарын, къууаннганма! Таза жюрекден, кёлюмден да!!! Сен анга бек тийишли эдинг эрттеден да, охо, иги ишни кечиракь болгъаны да аман тюйюлдю))))))))))).
Билал, этген муратынга жет! Къуру манга салгъан къыйынынг мингленип-жюзленип Уллу Аллахдан къайтсын, жюрегинг шош, насыплы болсун хар заманда да, сулугъунг къурч кибик, акъылынг ачыкъ, таза, тюз болуп ёмюрден артыкъ жаша!
Бизге- жаш телюге, жазыу ишге кьайгьыргьанынг ючюн, къайгьы юйюнге кирмесин!!! Аллах сени ачыудан, зарандан, хатадан да сакьласын!
"Къадарны этегинде...","Сени ючюн"...(с)
 
 
 
#15
Джаратама0
05.04.2016 00:12:26 Translit
Цитата
Къара чачлы пишет:
Тюзлюк бола келгенди бизде, алай артдан артха акъсай бара эди да, Билал, сени юсюнгде ийнандым, эки аягьына угьай, бир аягьына акъсагьанына))))))). Охо, багъарла келлик тёлюле!))))
Билал, ол кюн окъуна эшитген эдим саугъангы хапарын, къууаннганма! Таза жюрекден, кёлюмден да!!! Сен анга бек тийишли эдинг эрттеден да, охо, иги ишни кечиракь болгъаны да аман тюйюлдю))))))))))).
Билал, этген муратынга жет! Къуру манга салгъан къыйынынг мингленип-жюзленип Уллу Аллахдан къайтсын, жюрегинг шош, насыплы болсун хар заманда да, сулугъунг къурч кибик, акъылынг ачыкъ, таза, тюз болуп ёмюрден артыкъ жаша!
Бизге- жаш телюге, жазыу ишге кьайгьыргьанынг ючюн, къайгьы юйюнге кирмесин!!! Аллах сени ачыудан, зарандан, хатадан да сакьласын!

Диана, бютеу алгъышларынг эм алгъа да кесинге джетсинле. Мени не санга, не башха джаш къаламчылагъа уллу игилик эталгъаным джокъду. Не этгеним да - «назмуларыгъызда ритми-джюрюшю бузулгъан джери барды, кафиеси-рифмасы къарыусузду, суратлау дараджасы иги тюлдю» дегенча, чурумла табыб. «хыртха ура»-критика эте тургъанма. Сиз да, ичигизден не айта эсегиз да, тышыгъыздан «хо» дей, тюзете да баргъансыз. Сау болугъуз, тынгылагъаныгъыз-ангылагъаныгъыз ючюн.
СизсИз бизни адабиятытызны тамбласы джокъду. СизсИз — сизни аллыгъызда къалам тутхан къауум да сакъланныкъ тюлдю. Сизге болушхан — кесине болушады, тилибизни, адабиятыбызны джашарына себеб болады. Аны себебли, сизге болушхан бар эсе — аны ючюн анга сыпас-бюсюреу этерге да керек болмаз.
Сиз да — джаш авторлагъа болушасыз, Конкурс бардырасыз. Ма олду эм магъаналы иш бюгюн.
Барыгъызгъа да игилик-ашхылыкъ.
 
 
 
#16
Джаратама0
05.04.2016 00:57:29 Translit
Sabr, Алгъышлайма! Культура нашего народа прежде всего сохраняется благодаря нашим писателям и поэтам. Уверен ваш личный пример мотивирует и начинающих писателей и поэтов, на создание трудов на карачаево-балкарском языке.
 
 
 
#17
Джаратама0
05.04.2016 01:16:49 Translit
Мен да Алгъышлайма!!!Аллах болушсун хар тюрлю жаны бла сизге!!!!
Религиозность – это не только нахождение в мечети, но и хорошие взаимоотношения с людьми и благой нрав. Вот на эти качества должна обратить внимание молодежь при выборе второй половинки.
 
 
 
#18
Джаратама0
05.04.2016 01:25:41 Translit
Цитата
Автор пишет:
Sabr , Алгъышлайма! Культура нашего народа прежде всего сохраняется благодаря нашим писателям и поэтам. Уверен ваш личный пример мотивирует и начинающих писателей и поэтов, на создание трудов на карачаево-балкарском языке.
Сау бол.
 
 
 
#19
Джаратама0
05.04.2016 01:28:29 Translit
Цитата
бездушный кролик пишет:
Мен да Алгъышлайма!!!Аллах болушсун хар тюрлю жаны бла сизге!!!!
Сау бол. Аллах болушсун хар не тюрлю джаны бла да - БАРЫБЫЗГЪА ДА!!!
 
 
 
Страницы: 1
Читают тему (гостей: 1)

Форум  Мобильный | Стационарный