Расширенный поиск
3 Декабря 2025 года
Логин: Регистрация
Пароль: Забыли пароль?
Навигация
Словарь
  • Бал – татлы, балдан да бала – татлы.
  • Джигер – джаннга къыйынлыкъ.
  • Чалманны аллы къалай башланса, арты да алай барады.
  • Кёлю джокъну – джолу джокъ.
  • Ханнга да келеди хариблик.
  • Билими азны – ауузунда кирит.
  • Абынмазлыкъ аякъ джокъ, джангылмазлыкъ джаякъ джокъ.
  • Тилде сюек болмаса да, сюек сындырыр.
  • Насыблы элин сюер, насыбсыз кесин сюер.
  • Къарны аманнга къазан такъдырма, къолу аманнга от джакъдырма.
  • Ишни аллы бла къууанма да, арты бла къууан.
  • Аманны къуугъан, аманлыкъ табар.
  • Иги болса, тамадама – махтау, аман болса, меннге – айыб.
  • Чабакъсыз кёлге къармакъ салгъанлыкъгъа, чабакъ тутмазса.
  • Сютню башын джалагъан къутулур, тюбюн ичген тутулур.
  • Тойгъанлыкъ къойгъа джарашады.
  • Аман къатын сабий табса, бий болур…
  • Айныгъанлы алты кюн, тогъайгъанлы тогъуз кюн.
  • Къатыны харакетли болса, эри къымсыз болур.
  • Азыкъ аз болса, эртде орун сал.
  • Окъдан джара эртде-кеч болса да бителир, сёз джара, ёмюрге къалыр.
  • Адам бла мюлк юлешмеген эсенг, ол адамны билиб бошагъанма, деб кесинги алдама.
  • Окъугъанны бети джарыкъ.
  • Ишлемеген – тишлемез.
  • Зар адам ашынгы ашар, кесинги сатар.
  • Джауумдан сора, кюн кюйдюрюр, ётюрюкден сора, айыб кюйдюрюр.
  • Эшекге миннген – биринчи айыб, андан джыгъылгъан – экинчи айыб.
  • Байдан умут эте, джарлыдан ёгюз багъасы къорады.
  • Къалгъан ишге къар джауар.
  • От кюйдюрген, сау болса да, тот кюйдюрген, сау болмаз.
  • Адам сёзге тынгыла, акъыл сёзню ангыла.
  • Джарлыны тону джаз битер.
  • Ариу сёз – къылычдан джити.
  • Чомарт бергенин айтмаз.
  • Къыйынлы джети элни къайгъысын этер.
  • Сабийни джумушха джибер да, ызындан бар.
  • Аман адам элни бир-бирине джау этер.
  • Чабакъ башындан чирийди.
  • Ач къарным, тынч къулагъым.
  • Аз сёлешген, къайгъысыз турур.
  • Биреуню тёрюнден, кесинги эшик артынг игиди.
  • Иги адам абынса да, джангылмаз.
  • Джылыгъа джылан илешир.
  • Aдам боллукъ, сыфатындан белгили.
  • Адеби болмагъан къыз – тузсуз хант.
  • Аджалсыз ёлюм болмаз.
  • Аман адам этегингден тутса, кес да къач.
  • Миллетни бойну – базыкъ, аны бла кюрешген – джазыкъ.
  • Чыкълы кюнде чыкъмагъан, чыкъса къуру кирмеген.
  • Кийимни бир кюнню аясанг, минг кюннге джарар.

Форум

Форум / Администрация / Билдириуле :: Объявления / Помощь
Страницы: 1
АЛАНЛА, бир эс бёлюгюз бу темагъа., 'Къайсын-миллетни бетиди'-дегенди Эфендиланы Салых.
 
#1
Джаратама0
17.10.2013 00:35:56 Translit
Алгъышдан башлайым:
Миллетибизге Къайсынчала туусунла!

Алайды да, мени сизге айтырым...
'Къайсыннга жюз атлам'деп иш башланнганды.
Эл тюбю деген элде, Къайсынны юйюне бурулгъан орамны жаны бла хуна къалана турады, ол хунаны юсюнде жюз плита боллукъду-сыйдам, тёртгюл, сыйлы ташдан. Хар аллай ташны юсюнде уа назмучубузну бир назмусу жазылып барлыкъды, аны бла уа алайда окъуна жюз назму хаманда да турлукъду.
Келлик жыл, Аллах айтса, Къайсыннга жюз жыл толлукъду, ол кюннге бу иш битерге, тындырылыргъа керекди!

Сизден-бизден изленнген:
1. Бу ишле баргъан заманда онгу болгъан барып, таш ташыргъа, башха жумушха жараргъа.
2. Биягъы онгу болгъан ахча жаны бла болушургъа, аз бералгъан аз,кёп бералгъан а кёп.

Ёмюрде быллай ишге къатышмагъанма, хапарлы да тюйюлме, алай кел,къатыш, болуш дегенлеринде, бек къууандым, Мен былайда болмаса,Къайсыннга энди не бла жараялырма?
Къайсын-миллетни адамыды, миллети ючюн, Москба шахарда къалыргъа унамай, туугъан жерине къайтып келгенди, Миллетин сау дуниягъа белгили этгенди.
Айтып турсам,саналып турлукъду. Къайсынны менден ахшы билесиз не этгенин,къаллай инсан болгъанын.

Бу ишге уллу кёллюлюк этмегиз, къол булгъап къоймагъыз, тындырайыкъ, бир тынгылы жукъ къошайыкъ от жагъасыны къыйырына.

'Къайсыннга жюз атлам'проект сизге аманат, сиз Аллаха аманат!

Кёрмегенча, окъумагъанча этип къоймагъан 8 928 706 60 28 - Къара чачлы, сёлешсин!

КЪУРМАНЫГЪЫЗ ДА КЪАБЫЛ БОЛСУН. ЭКИНЧИ БУ ЗАМАННГА КЪУУАНЧ БЛА, САУ-ЭСЕН ЖЕТЕЙИК.
Изменено: Къара чачлы - 17.10.2013 00:38:57
"Къадарны этегинде...","Сени ючюн"...(с)
 
 
 
#2
Джаратама0
17.10.2013 01:37:51 Translit

Къара чачлы, бек иги хапар, бек иги иш. Болушайыкъ, къолдан келгенича. Ачха къайры кёчюрюлюрге керекди?

Алай а, бир айтырым - алайдагъы эл, район тамадала бу ишни къыйналмай баджарыб къоярыкъ эдиле, огъесе ала къошулмаймыдыла?
Джазыучуланы Союзу уа не дейди?
Бу ишни къолгъа алыб, башчылыкъ этген, бардыргъан кимди?
 
 
 
#3
Джаратама0
17.10.2013 01:54:48 Translit
Sabr, Аллах ыразы болсун.
Бу ишни бардыргъан Тетуланы Хадисди.
Эл таматала бу ишге артыкъ къатышмайдыла.
Дазыучулагъа да ётерге деп турама, билмей эселе.
Ахча къайры ётерге керегин, тамбла жазарма.
"Къадарны этегинде...","Сени ючюн"...(с)
 
 
 
#4
Джаратама0
17.10.2013 20:49:17 Translit
Наименование клиента: Фонд помощи сохранению памятников истории и культуры "Сто шагов к Кайсыну"
ИНН 0725990683 КПП 072501001
Банковский счет N 40703810710000000249
Кор.счет 30101810700000000741
БИК 048327741
Банк "Нальчик" ООО

Бюгюн эм биринчи Бурхан Абуюсюфович Берберов кесини чомартлыгъы бла бек къууандыргъанды!
[IMG]БЕК САУ БОЛСУН. Къайсыннга берген сыйын миллетинден кёрсюн!
"Къадарны этегинде...","Сени ючюн"...(с)
 
 
 
#5
Джаратама0
17.10.2013 21:20:41 Translit
Таланнган!
Жетмиш адам окъуду бу теманы....
Тауушсуз кетдиле да...
Жюз сомугъуз жокъмуду, ол жети минг боллукъ эди, сизге ол неди, анга уа талай иш тамам боллукх эди.

Окъуудагъылагъа, бир кюн азыракъ ашасагъыз да боллукъду деп, алай жыйгъанма....
Студентледен!

Тобады.
"Къадарны этегинде...","Сени ючюн"...(с)
 
 
 
Страницы: 1
Читают тему (гостей: 1)

Форум  Мобильный | Стационарный