- Джетген къыз джерли эшекни танымаз.
- Таугъа чыгъаллыкъ эсенг, тюзде къалма.
- Къазанчы аман болса, къазаны къайнамаз.
- Намыс болмагъан джерде, насыб болмаз.
- Биреуню эскиси биреуге джангы болмайды.
- Гыдай эчки суугъа къараб, мюйюзле кёрмесе, джашма алкъын, дегенди.
- Кёзюнде тереги болгъан, чёбю болгъаннга кюле эди.
- Гитче джилтин уллу элни джандырыр.
- Билимден уллу байлыкъ джокъду.
- Киштикге къанат битсе, чыпчыкъ къалмаз эди.
- Кёб джашагъан – кёб билир.
- Къоркъакъны кёзю экили кёрюр.
- Ётюрюк хапар аякъ тюбю бла джюрюйдю.
- Таш бла ургъанны, аш бла ур.
- Джумушакъ терекни къурт ашар.
- Эки ойлашыб, бир сёлешген.
- Акъыллы башны – тили къысха.
- Кёбню кёрген – кёб билир.
- Ана къойну – балагъа джандет.
- Къайгъы тюбю – тенгиз.
- Суугъа – таянма, джаугъа – ийнанма.
- Сакъалы текени да бар, мыйыгъы киштикни да бар.
- Тойгъанлыкъ къойгъа джарашады.
- Эринчекге кюн узун.
- Адамны сыфатына къарама, сёзюне къара.
- Сагъыш – къартлыкъгъа сюйюмчю.
- Ач къарным, тынч къулагъым.
- Келгинчи, къонакъ уялыр, келгенден сора, къонакъбай уялыр.
- Оюмсуз атлагъан, аджалсыз ёлюр.
- Баш болса, бёрк табылыр.
- Къарт айтханны этмеген, къартаймаз.
- Джылыгъа джылан илешир.
- Таукел тауну аудурур.
- Къарнынг бла ёч алма.
- Тюзлюк тас болмайды.
- Тилчиден кери бол.
- Илму – джашауну джолу.
- Келлик заман – къартлыкъ келтирир, кетген заман – джашлыкъ ёлтюрюр.
- Тойгъа алгъа да барма, тойда артха да къалма.
- Джырчы ёлсе, джыры къалыр.
- Нёгерсизни джолу узун.
- Шапа кёб болса, аш татымсыз болур.
- Адамны адамлыгъы къыйынлыкъда айгъакъланады.
- Эл элде бирер малынг болгъандан эсе, бирер тенгинг болсун.
- Къолунгдан къуймакъ ашатсанг да, атаны борчундан къутулмазса.
- Сагъышы джокъ – джукъучу, акъылы джокъ – къаугъачы.
- Сибиртки да сыйлы болду, кюрек да кюнлю болду.
- Тай асырагъан, атха минер.
- Эркишиге тары кебек танг кёрюнюр.
- Арбаз къынгырды да, ийнек сауалмайма.
БИЛАЛ ЛАЙПАН. ЁМЮРЛЮКНЮ КЪЫБЫЛА ДЖАНЫНДА
08.09.2011 19:16:57
ШАТ! Саубол!
![]() Форум / Поздравлялки / С днем рождения, БИЛЯЛ! http://www.elbrusoid.org/phorum/index.php?action=v thread&forum=4&topic=9836&page=0#msg943824 Бейбарс Эльбрусоид # Дата: 13 Апр 2009 20:05 [GIS] Ответить Цитата [Translit] [Кириллица] Билал, сен Къарачай-Малкъарны Закий поэтисе, керти уланы! Назмучугъа халкъына къуллукъ этгенден уллу насыб а бармыды?! Угъай! Болур амалы да жокъду.Сен кесинги таныгъанлы бери кюрешесе халкъынгы жалгъан дауладан бла сатхычладан азат этер ючюн. Аллах айтса, тутхан ишинг къаран къалмаз. Азат, бирлешген Къарачай-Малкъарны намысына этген къушкъанат назмуларынгы да окъурбуз алыкъа!Аллах санга тюгенмезлик саулукъ берсин. Къалгъаны уа кесингде артыгъы бла да барды. Туугъан кюнюнг халкъ байрамы болур кюн да келир шам тауларыбызгъа! Инша-Аллах! ------------------------------------ ЛАЙПАНЛАНЫ БИЛАЛ ... Бу назмучукъ да, 1970-чи джыллада мен школну таууса, джазылгъанды. Ол заманда элибизге кёб хайырым тиерикди деб тура эдим. Элни чачылыб кетерин, школгъа джюрюрге да хазна сабий табылмай къаллыгъын билмей эдим... КЪЫЗЫЛ-КЪАЛА Кюнбетни ташлары ушайла нечик Шыпан къойлагьа, джайылыб тургьан. Къаялары да ? къонгур ёгюзлеге, "Пуф" деб джатыб, кюушене тургьан. Былайда къарт-джаш да таныйды мени, Хансха-ташха да къууанады джюрек. Кесими Сосуркъача кёреме мында, Балакъ тюбюм бла ёталмаса да джюджек. Терсими, тюзюмю да кёргюзтген кюзгю, Тау элим турады мени къучакълай. Къара ханслай джагъылады аппаны сёзю, Амманы сёзю да ? ит тил чапыракълай. Эсимдеди: къаягьа ёрлей, джыгъылыб, Мен аягъымы сындыргьанымда, Аппа сылаб, къара ханс джагьыб Байлагьан эди, сора къатымда Эски джырланы джырлай эди ол: Джукъласанг, илгенмезге амал джокъ, Илгенсенг а ? сыланнгандан хайыр джокъ, Дей, сыннганымы тюз къайнатхан эди ол. Джюреги ачыгьаннга, кёлю сыннганнга Мени назмум да джараса алай, Андан уллу насыб керек тюл эди манга, Не этсенг да эт, джоралаб алай... ...Хар зат да турады мени эсимде, Гошаях къала къаяда тургьанча. Къарайма къууанч берген элиме, Бола, дуниягъа джангыдан туугьанча. Маллагъа суу иче турургьа тегене Джарашдыргьан чакълы бир затха ? Не бла джарадынг туугьан элинге?? Деб, меннге тюбеб соргьан къартха, Не джууаб къайтаралайым мен? Бери келишмейле ууакъ сылтаула... Мында туурады ишинг, иннетинг, Къаяла тургьанча кёзге туура. Хоу, мени айтырча этгеним джокъ, Мени ишимден заман хапар айтыр. Кёлде сюймеклигим туугьан элиме Эртде кеч болса да туура къайтыр. Булут болгьан суу джауум болуб Къайтхан кибик туугьан джерине. ... Къызгьан бетими турама тутуб, Кесмезни салкъын ургьан джелине. |
|
|
|
08.09.2011 19:50:20
Браво, Билял!
![]() Одним словом, Къызыл Къалачы!!!!!!!!!!!!!!!!!!!!!!! |
|
|
|
10.09.2011 23:07:24
Кергелен
Аллах разы болсун, Сау бол ! ![]() ![]() ![]() ![]() ![]() ![]() ![]() ![]() ![]() |
|
|
|
11.09.2011 01:05:34
ШАТ
Sabr ![]() ![]() |
|
|
|
11.09.2011 01:45:24
Sabr
Тема джангы башлана турады, не джабхан хапар айтаса. Былайда махтау да, башхасы да, творчествону юсюнден барады. Былайда джазылгъан, сеннге деб, джазылмайды, халкъгъады, Билал. ![]() ![]() ![]() |
|
|
|
Читают тему (гостей: 1)