- Зарда марда джокъ.
- Кёл ашады да, кеси ашады.
- Къарнынг бла ёч алма.
- Биреуге аманлыкъны тилеме да, кесинге ашхылыкъны тиле.
- Хантына кёре тузу, юйюне кёре къызы.
- Къыз келсе, джумуш эте келеди, къатын келсе, ушакъ эте келеди.
- Къартха ушагъан джаш – акъыллы, джашха ушагъан къарт – тели.
- Суу да къайтады чыкъгъан джерине.
- Намыс болмагъан джерде, насыб болмаз.
- Байлыкъ келсе, акъыл кетер.
- Ач да бол, токъ да бол – намысынга бек бол.
- Артына баргъанны, къатына барма.
- Этим кетсе да, сюегим къалыр.
- Къыз тиширыу кеси юйюнде да къонакъды.
- Къая джолда джортма, ачыкъ сёзден къоркъма.
- Кёзю сокъурдан – къоркъма, кёлю сокъурдан – къоркъ.
- Алтыда кюлмеген, алтмышда кюлмез.
- Аз айтсам, кёб ангылагъыз.
- Ана кёлю – балада, бала кёлю – талада.
- Тёрени джагъы джокъ.
- Хаухну атма, ёнгкючню сатма.
- Юреннген ауруу къалмаз.
- Ауузу аманнга «иги», деме.
- Джюрекге ариу – кёзге да ариу.
- Тойгъан джерден туугъан джер игиди.
- Ишлемеген – тишлемез.
- Керти сёзге тёре джокъ.
- Тилчи тилден къаныкъмаз.
- Иги адамны бир сёзю эки болмаз.
- Баланы адам этген анады.
- Юре билмеген ит, къонакъ келтирир.
- Джиби бир къат джетмей эди да, эки къат тарта эди.
- Суугъа – таянма, джаугъа – ийнанма.
- Аман адамны тепсинге олтуртсанг, къызынгы тилер.
- Ашарыкъда сайлагъаннга – чий гырджын.
- Берекет берсин деген джерде, берекет болур.
- Джыйырма къойну юч джыйырма эбзе кюте эди.
- Тешик этген тынчды, аны джамагъан къыйынды.
- Тойгъа алгъа да барма, тойда артха да къалма.
- Аз сёлеш, кёб ишле.
- Ёзденликни кёбю ётюрюк.
- Гыдай эчки суугъа къараб, мюйюзле кёрмесе, джашма алкъын, дегенди.
- Орундукъ тюбюнде атылсам да, орта джиликме, де да айлан.
- Кюлме джашха – келир башха.
- Ишленмеген джаш – джюгенсиз ат, ишленмеген къыз – тузсуз хант.
- Бозанг болмагъан джерге, къалагъынгы сукъма.
- Къар – келтирди, суу – элтди.
- Ариу сёз – джаннга азыкъ, аман сёз – башха къазыкъ.
- Ауурну тюбю бла, дженгилни башы бла джюрюген.
- Бети – къучакълар, джюреги – бычакълар.
БИЛАЛ ЛАЙПАН. ЁМЮРЛЮКНЮ КЪЫБЫЛА ДЖАНЫНДА
08.09.2011 19:16:57
ШАТ! Саубол!
Форум / Поздравлялки / С днем рождения, БИЛЯЛ! http://www.elbrusoid.org/phorum/index.php?action=v thread&forum=4&topic=9836&page=0#msg943824 Бейбарс Эльбрусоид # Дата: 13 Апр 2009 20:05 [GIS] Ответить Цитата [Translit] [Кириллица] Билал, сен Къарачай-Малкъарны Закий поэтисе, керти уланы! Назмучугъа халкъына къуллукъ этгенден уллу насыб а бармыды?! Угъай! Болур амалы да жокъду.Сен кесинги таныгъанлы бери кюрешесе халкъынгы жалгъан дауладан бла сатхычладан азат этер ючюн. Аллах айтса, тутхан ишинг къаран къалмаз. Азат, бирлешген Къарачай-Малкъарны намысына этген къушкъанат назмуларынгы да окъурбуз алыкъа!Аллах санга тюгенмезлик саулукъ берсин. Къалгъаны уа кесингде артыгъы бла да барды. Туугъан кюнюнг халкъ байрамы болур кюн да келир шам тауларыбызгъа! Инша-Аллах! ------------------------------------ ЛАЙПАНЛАНЫ БИЛАЛ ... Бу назмучукъ да, 1970-чи джыллада мен школну таууса, джазылгъанды. Ол заманда элибизге кёб хайырым тиерикди деб тура эдим. Элни чачылыб кетерин, школгъа джюрюрге да хазна сабий табылмай къаллыгъын билмей эдим... КЪЫЗЫЛ-КЪАЛА Кюнбетни ташлары ушайла нечик Шыпан къойлагьа, джайылыб тургьан. Къаялары да ? къонгур ёгюзлеге, "Пуф" деб джатыб, кюушене тургьан. Былайда къарт-джаш да таныйды мени, Хансха-ташха да къууанады джюрек. Кесими Сосуркъача кёреме мында, Балакъ тюбюм бла ёталмаса да джюджек. Терсими, тюзюмю да кёргюзтген кюзгю, Тау элим турады мени къучакълай. Къара ханслай джагъылады аппаны сёзю, Амманы сёзю да ? ит тил чапыракълай. Эсимдеди: къаягьа ёрлей, джыгъылыб, Мен аягъымы сындыргьанымда, Аппа сылаб, къара ханс джагьыб Байлагьан эди, сора къатымда Эски джырланы джырлай эди ол: Джукъласанг, илгенмезге амал джокъ, Илгенсенг а ? сыланнгандан хайыр джокъ, Дей, сыннганымы тюз къайнатхан эди ол. Джюреги ачыгьаннга, кёлю сыннганнга Мени назмум да джараса алай, Андан уллу насыб керек тюл эди манга, Не этсенг да эт, джоралаб алай... ...Хар зат да турады мени эсимде, Гошаях къала къаяда тургьанча. Къарайма къууанч берген элиме, Бола, дуниягъа джангыдан туугьанча. Маллагъа суу иче турургьа тегене Джарашдыргьан чакълы бир затха ? Не бла джарадынг туугьан элинге?? Деб, меннге тюбеб соргьан къартха, Не джууаб къайтаралайым мен? Бери келишмейле ууакъ сылтаула... Мында туурады ишинг, иннетинг, Къаяла тургьанча кёзге туура. Хоу, мени айтырча этгеним джокъ, Мени ишимден заман хапар айтыр. Кёлде сюймеклигим туугьан элиме Эртде кеч болса да туура къайтыр. Булут болгьан суу джауум болуб Къайтхан кибик туугьан джерине. ... Къызгьан бетими турама тутуб, Кесмезни салкъын ургьан джелине. |
|
|
|
08.09.2011 19:50:20
Браво, Билял!
Одним словом, Къызыл Къалачы!!!!!!!!!!!!!!!!!!!!!!! |
|
|
|
10.09.2011 23:07:24
Кергелен
Аллах разы болсун, Сау бол ! |
|
|
|
11.09.2011 01:05:34
ШАТ
Sabr |
|
|
|
11.09.2011 01:45:24
Sabr
Тема джангы башлана турады, не джабхан хапар айтаса. Былайда махтау да, башхасы да, творчествону юсюнден барады. Былайда джазылгъан, сеннге деб, джазылмайды, халкъгъады, Билал. |
|
|
|
Читают тему (гостей: 1)