- Чыбыкълыкъда бюгюлмеген, къазыкълыкъда бюгюлмей эди.
- Кийимни бичсенг, кенг бич, тар этген къыйын тюлдю.
- Джырчы ёлсе, джыры къалыр.
- Джарлы тюеге минсе да, ит къабар.
- Тау башында, тау болмаз, джангыз терек, бау болмаз.
- Чоюнну башы ачыкъ болса, итге уят керекди.
- Оюмсуз атлагъан, аджалсыз ёлюр.
- Телини эшигин, махтау джабар.
- Акъыл сабырлыкъ берир.
- Рысхы – сют юсюнде кёмюк кибикди.
- Къонакъ аз олтурур, кёб сынар.
- Тил – миллетни джаны.
- Экиндини кеч къылсанг, чабыб джетер ашхам.
- Келлик заман – къартлыкъ келтирир, кетген заман – джашлыкъ ёлтюрюр.
- Эшекге миннген – биринчи айыб, андан джыгъылгъан – экинчи айыб.
- Ариу джол аджал келтирмез.
- Эринчекни аурууу – кёб.
- От этилмеген джерден тютюн чыкъмайды.
- Эрине къаргъыш этген къатын, эрнин къабар.
- Джашда акъыл джокъ, къартда къарыу джокъ.
- Атлыны ашхысы, ат тизгининден билинир
- Сакъалы текени да бар, мыйыгъы киштикни да бар.
- Хатерли къул болур.
- Ханы къызы буюгъа-буюгъа киштик болду.
- Билмезни кёзю кёрмез, этмезни къулагъы эшитмез.
- Иги адам абынса да, джангылмаз.
- Къатын къылыкъсыз, эр тынчлыкъсыз.
- Эллинг бла джау болсанг да, юйюнг бла джау болма.
- Чёбню кёлтюрсенг, тюбюнден сёз чыгъар.
- Айыбны суу бла джууалмазса.
- Байма, деб да, къууанма, джарлыма, деб да, джылама.
- Аман къатын сабий табса, бий болур…
- Термилгенинги табмазса, кюлгенинге тюберсе.
- Накъырданы арты керти болур.
- Ауругъанны сау билмез, ач къарынны токъ билмез.
- Аман хансны – урлугъу кёб.
- Аман къатын алгъан, арыр, иги къатын алгъан джарыр.
- Онгсузну – джакъла, тенгликни – сакъла.
- Ашлыкъны арба юйге келтирир, чана базаргъа элтир.
- Кимни – тили, тиши онглу, кимни – къолу, иши онглу.
- Джогъун бар этген, барын бал этген.
- Къошда джокъгъа – юлюш джокъ.
- Ач къарным, тынч къулагъым.
- Ётюрюкден тюбю джокъ, кёлтюрюрге джиби джокъ.
- Джашлыкъ этмеген, башлыкъ этмез.
- Джангызны оту джарыкъ джанмаз!
- Эл тойса, тоймагъан, эл къойса, къоймагъан.
- Кийимни бир кюнню аясанг, минг кюннге джарар.
- Къар – келтирди, суу – элтди.
- Кёпюр салгъан кеси ётер, уру къазгъан кеси кетер.
История портала
Ответы
21.04.2016 00:04:39
Может создать Антологию НП? Как думаете? Каждый бы мог написать в такой теме самые яркие моменты из форумной жизни.
|
||||
|
|
|||
Читают тему (гостей: 1)