- Эски джаугъа ышанма.
- Байлыкъ болгъан джерде, тынчлыкъ джокъду.
- Джогъун бар этген, барын бал этген.
- Къартха ушагъан джаш – акъыллы, джашха ушагъан къарт – тели.
- Бек ашыкъгъан меннге джетсин, дегенди аракъы.
- Кеси юйюмде мен да ханма.
- Кёрмегеннге кебек – танг, битмегеннге сакъал – танг.
- Эл тойса, тоймагъан, эл къойса, къоймагъан.
- Къумурсхала джыйылсала, пилни да джыгъадыла.
- Ач да бол, токъ да бол – намысынга бек бол.
- Рысхысына кёре, джаш ёсер, къышлыгъына кёре, мал ёсер.
- Болджал ишни бёрю ашар.
- Аджалсыз ёлюм болмаз.
- Кийиминг бла танылма, адамлыкъ бла таныл.
- Эринчекни эр алмаз, эр алса да, кёл салмаз, кёл салса да, кёб бармаз!
- Джумушакъ сёз къаты таякъны сындырыр.
- Тюкюрюк баш джармаз, налат кёз чыгъармаз!
- Тенгинг джокъ эсе – изле, бар эсе – сакъла!
- Экиндини кеч къылсанг, чабыб джетер ашхам.
- Билмегенинги, билгеннге сор.
- Адеб этмеген, адеб кёрмез.
- Кёпюр салгъан кеси ётер, уру къазгъан кеси кетер.
- Къан бла кирген, джан бла чыгъар.
- Ашарыкъда сайлагъаннга – чий гырджын.
- Аман эсирсе, юйюн ояр.
- Аллахха ийнаннган кишини, Аллах онгдурур ишин.
- Чабар ат – джетген къыз.
- Кёл – къызбай, къол – батыр.
- «Ёгюз, джаргъа джууукъ барма, меннге джюк боллукъса», - дегенди эшек.
- Юй ишлеген балта эшикде къалыр.
- Джарлыны эшигин махтагъан джабар.
- Кирсизни – саны таза, халалны – къаны таза.
- Ачлыкъда тары гырджын халыуадан татлы.
- Ашда – бёрю, ишде – ёлю.
- Биреуню эскиси биреуге джангы болмайды.
- Аллахдан тилесенг, кёб тиле.
- Билгенни къолу къарны джандырыр.
- Аман къатын сабий табса, бий болур…
- Къызгъанчдан ычхыныр, мухардан ычхынмаз.
- Сууда джау джокъ, кёб сёзде магъана джокъ.
- Ата – билек, ана – джюрек!
- Тулпарлыкъ, билекден тюл – джюрекден.
- Ашда уялгъан – мухар, ишде уялгъан – хомух.
- Аурууну келиую тынч, кетиую – къыйын.
- Хазыр ашха – терен къашыкъ.
- Ачылгъан эт джабылыр, кёрген кёз унутмаз.
- Ётюрюкчюню шагъаты – къатында.
- Ойнаб айтсанг да, эслеб айт.
- Сёз – кюмюш, джыр – алтын.
- Келгинчи, къонакъ уялыр, келгенден сора, къонакъбай уялыр.
Сделай свой выбор.
Читают тему (гостей: 1)