- Иги бла джюрюсенг, джетерсе муратынга, аман бла джюрюсенг, къалырса уятха.
- Аманнга да, игиге да оноусуз къатышма.
- Биреуню къыйынлыгъы бла кесинге джол ишлеме.
- Джумушакъ сёз къаты таякъны сындырыр.
- Акъыл сабырлыкъ берир.
- Ата – баланы уясы.
- Джырчы ёлсе, джыры къалыр.
- Тенги кёбню джау алмаз, акъылы кёбню дау алмаз.
- Мухар, кеси тойса да, кёзю тоймаз.
- Таугъа чыгъаллыкъ эсенг, тюзде къалма.
- Магъанасыз сёз – тауушсуз сыбызгъы.
- Кимни – тили, тиши онглу, кимни – къолу, иши онглу.
- Джылар джаш, атасыны сакъалы бла ойнар.
- Тёрдеги кюлсе, эшикдеги ышарыр.
- Тилчи тилден къаныкъмаз.
- Чомарт къонакъ юй иесин сыйлар.
- Иги болса, тамадама – махтау, аман болса, меннге – айыб.
- Телиге акъыл салгъандан эсе, ёлгеннге джан салырса.
- Хар ишни да аллы къыйынды.
- Юй ишлеген балта эшикде къалыр.
- Ётюрюкчюню шагъаты – къатында.
- Ётюрюк хапар аякъ тюбю бла джюрюйдю.
- Баланы адам этген анады.
- Окъуусуз билим – джокъ, билимсиз кюнюнг – джокъ.
- Адам къыйынлыгъын кёлтюрюр, зауукълугъун кёлтюрмез.
- Ачыу алгъа келсе, акъыл артха къалады.
- Булут кёкге джарашыу, уят бетге джарашыу.
- Кёл – къызбай, къол – батыр.
- Байма, деб да, къууанма, джарлыма, деб да, джылама.
- Тюзлюк шохлукъну бегитир.
- Ашлыкъ – бюртюкден, джюн – тюкден.
- Терслик кетер, тюзлюк джетер.
- Акъыллы эркиши атын махтар, акъылсыз эркиши къатынын махтар.
- Тёрде – темир таякълы, къаяда – чыпчыкъ аякълы.
- Арба аугъандан сора, джол кёргюзтюучю кёб болур.
- Берекет берсин деген джерде, берекет болур.
- Хазыр ашха – терен къашыкъ.
- Къарнынг бла ёч алма.
- Онгсузну – джакъла, тенгликни – сакъла.
- Алтыда кюлмеген, алтмышда кюлмез.
- Ата Джуртуму башы болмасам да, босагъасында ташы болайым.
- Джырчы джырчыгъа – къарнаш.
- Аманнга игилик этсенг, юйюнге сау бармазса.
- Шапа кёб болса, аш татымсыз болур.
- Джыгъылгъанны сырты джерден тоймаз.
- Эшекни не къадар тюйсенг да, ат болмаз.
- Аманны тукъумуна къарама, игини тукъумун сорма.
- Ана къойну – балагъа джандет.
- Ата Джуртча джер болмаз, туугъан элча эл болмаз.
- Сабыр джетер муратха, сабырсыз къалыр уятха.
Сделай свой выбор.
Читают тему (гостей: 1)