- Игиге айтсанг – билир, аманнга айтсанг – кюлюр.
- Айтханы чапыракъдан ётмеген.
- Тилде сюек болмаса да, сюек сындырыр.
- Адеб джокъда, намыс джокъ.
- Джыланны къуйругъундан басарынг келсе, аны башы болгъанын унутма.
- Тыш элде солтан болгъандан эсе, кесинги элде олтан болгъан игиди!
- Элиб деген, элге болушур.
- Кесинг сынамагъан затны, адамгъа буюрма.
- Эрни эр этерик да, къара джер этерик да, тиширыуду.
- Къарнынг тойгъунчу аша да, белинг талгъынчы ишле.
- Къоркъакъны кёзю экили кёрюр.
- Къарт бла баш аша, джаш бла аякъ аша.
- Ач отунчуну ачыуу – бурнунда.
- Эр сокъур болсун, къатын тилсиз болсун.
- Ариуну – ауруу кёб.
- Къанны къан бла джуума, аманны аман бла къуума.
- Ётген ёмюр – акъгъан суу.
- Тилсиз миллет джокъ болур.
- Ойнай билмеген, уруб къачар.
- Джангыз терек къынгыр ёсер.
- Эки къатын алгъанны къулагъы тынгнгаймаз.
- Билимден уллу байлыкъ джокъду.
- Сакъ юйюне сау барыр.
- Уллу суу бла уллу ауруудан башынгы сакъла.
- Ойнаб айтсанг да, эслеб айт.
- Хансыз джомакъ болмаз.
- Къайгъыны сюйген, къайгъы табар.
- Сабий кёргенин унутмаз.
- Иги джашны ышаны – аз сёлешиб, кёб тынгылар.
- Окъуусуз билим – джокъ, билимсиз кюнюнг – джокъ.
- Чакъырылмагъан къонакъ тёрге атламаз.
- Башы ишлегенни, ауузу да ишлер.
- Къуру гыбыт бек дыгъырдар.
- Баш болса, бёрк табылыр.
- Байлыкъдан саулукъ ашхыды.
- Къыз чыгъаргъан – къызыл къымжа.
- Бир онгсуз адам адет чыгъарды, деб эштирик тюлсе.
- Ашхы – джыяр, аман – джояр.
- Кёзю сокъурдан – къоркъма, кёлю сокъурдан – къоркъ.
- Уруну арты – къуру.
- Ёгюзню мюйюзлери ауурлукъ этмейдиле.
- Ишин билген, аны сыйын чыгъарады.
- Тойчу джашха къарама, къойчу джашха къара.
- Чабакъсыз кёлге къармакъ салгъанлыкъгъа, чабакъ тутмазса.
- Сёз сёзню айтдырыр.
- Кюл тюбюндеги от кёрюнмейди.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ариу – кёзге, акъыл – джюрекге.
- Акъыл сабырлыкъ берир.
- Байлыкъ адамны сокъур этер.
Сделай свой выбор.
Читают тему (гостей: 1)