- Экеу тутушса, биреу джыгъылыр.
- Эки итни арасына сюек атма, эки адамны арасында сёз чыгъарма.
- Аллахха ийнаннган кишини, Аллах онгдурур ишин.
- Тюз сёз баргъан сууну тыяр.
- Мал тутхан – май джалар.
- Акъылсызны джууукъгъа алма, акъыллыны кенгнге салма.
- Келлик заман – къартлыкъ келтирир, кетген заман – джашлыкъ ёлтюрюр.
- Акъыл неден да кючлюдю.
- Эринчекни эр алмаз, эр алса да, кёл салмаз, кёл салса да, кёб бармаз!
- Бал ашаргъа сюе эсенг, чибин ургъаннга тёз.
- Тил – миллетни джаны.
- Экиндини кеч къылсанг, чабыб джетер ашхам.
- Таш ата билмеген, башына урур.
- Атынг аманнга чыкъгъандан эсе, джанынг тамагъынгдан чыкъсын.
- Ашарыкъда сайлагъаннга – чий гырджын.
- Эл ауузу – элия.
- Джети тилни билген джети кишиди.
- Адамны бетине къарама, адетине къара.
- Ашлыкъ – бюртюкден, джюн – тюкден.
- Тенгни тенглиги джашай барсанг билинир.
- Телиге акъыл салгъандан эсе, ёлгеннге джан салырса.
- Кенгеш болса, уруш болмаз.
- Намыс болмагъан джерде, насыб болмаз.
- Накъырданы арты керти болур.
- Арпа, будай – ащды, алтын, кюмюш а – ташды.
- Хазыр ашха – терен къашыкъ.
- Сабыр джетер муратха, сабырсыз къалыр уятха.
- Кимни – тили, тиши онглу, кимни – къолу, иши онглу.
- Ачылгъан эт джабылыр, кёрген кёз унутмаз.
- Асхат ашлыкъ сата, юйдегиси ачдан къата.
- Орну джокъну – сыйы джокъ.
- Аджаллыгъа окъсуз шкок атылыр.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ишлегенден, къарагъан уста.
- Ачны эсинде – аш.
- Джолда аягъынга сакъ бол, ушакъда тилинге сакъ бол.
- Джылар джаш, атасыны сакъалы бла ойнар.
- Тойну къарнашы – харс, джырны къарнашы – эжиу.
- Мадар болса, къадар болур.
- Тиширыусуз юй – отсуз от джагъа.
- Уруну арты – къуру.
- Намыс сатылыб алынмайды.
- Хата – гитчеден.
- Элде адам къалмаса, ит тахтагъа минер.
- Тёрде – темир таякълы, къаяда – чыпчыкъ аякълы.
- Арыгъан къош чамчы болур.
- Келинин тута билмеген, къул этер, къызын тута билмеген, тул этер.
- Азыкъ аз болса, эртде орун сал.
- Окъугъан – асыу, окъумагъан – джарсыу.
- Ана къолу ачытмаз.
Список карачаевцев ? офицеров российской армии (до 1917 г)
07.07.2011 13:39:27
Вся королевская конница, вся королевская рать...
|
||||
|
|
|||
Читают тему (гостей: 1)