- Джогъун бар этген, барын бал этген.
- Билмезни кёзю кёрмез, этмезни къулагъы эшитмез.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Джашынгы кесинг юретмесенг, джашау юретир.
- Дуния мал дунияда къалады.
- Олтуруб кёрюнмей эди да, ёрге туруб кёрюне эди.
- Эрине къаргъыш этген къатын, эрнин къабар.
- Игини сыйлагъан адетди.
- Айтхан – тынч, этген – къыйын.
- Ашда – бёрю, ишде – ёлю.
- Чакъырылмай келген къонакъ сыйланмай кетер.
- Агъач – джерни чырайы, кийим – эрни чырайы.
- Дуния аламаты сен эсенг да, игиме деб айтма.
- Зар адамны насыбы болмаз.
- Джумушакъ сёз къаты таякъны сындырыр.
- Келгинчи, къонакъ уялыр, келгенден сора, къонакъбай уялыр.
- Сагъышы джокъ – джукъучу, акъылы джокъ – къаугъачы.
- Акъыл неден да кючлюдю.
- Биреуню тёрюнден, кесинги эшик артынг игиди.
- Билим ат болуб да чабар, къуш болуб да учар.
- Харам къарнашдан, халал тенг ашхы.
- Намысы джокъну – дуниясы джокъ.
- Къонакъ кёб келюучю юйню, къазаны отдан тюшмез.
- Джюрекден джюрекге джол барды.
- Хар сёзню орну барды.
- Хар адамгъа кеси миннген тау кибик.
- Арба аугъандан сора, джол кёргюзтюучю кёб болур.
- Кёкдеги болмаса, джердегин кёрмейди.
- Ашхы болсанг, атынг чыгъар, аман болсанг, джанынг чыгъар.
- Адеб базарда сатылмаз.
- Юйюнгден чыкъдынг – кюнюнгден чыкъдынг.
- Джюрекге ариу – кёзге да ариу.
- Хата – гитчеден.
- Арбаз сайлама да, хоншу сайла.
- Нарт сёз къарт болмаз.
- Тойгъан антын унутур.
- Сакъ юйюне сау барыр.
- Мухар, кеси тойса да, кёзю тоймаз.
- Босагъагъа джууукъ орун болса, ашыгъыб тёрге озма.
- Чомарт бергенин айтмаз.
- Кёз – сюйген джерде, къол – ауругъан джерде.
- Этни бети бла шорпасы.
- Ашына кёре табагъы, балына кёре къалагъы.
- Аш берме да, къаш бер.
- Эки ойлашыб, бир сёлешген.
- Къарт бла баш аша, джаш бла аякъ аша.
- Ёгюзню мюйюзлери ауурлукъ этмейдиле.
- Къартха ушагъан джаш – акъыллы, джашха ушагъан къарт – тели.
- Билим къая тешер.
- Юй ишлеген балта эшикде къалыр.
Узденов Султан Азнорович, погиб в Афганистане
Читают тему (гостей: 1)