- Кюн – узун, ёмюр – къысха.
- Асхат ашлыкъ сата, юйдегиси ачдан къата.
- Кёбню кёрген – кёб билир.
- Байлыкъ келсе, акъыл кетер.
- Аллахдан тилесенг, кёб тиле.
- Тенги кёбню джау алмаз, акъылы кёбню дау алмаз.
- Уллу къазанда бишген эт, чий къалмаз.
- Кюл тюбюндеги от кёрюнмейди.
- Ач – эснер, ат – кишнер.
- Эртде тургъан бла эртде юйленнген сокъуранмаз.
- Сёлеш деб шай берген, тохта деб, сом берген.
- Аз айтсам, кёб ангылагъыз.
- Къайгъыны сюйген, къайгъы табар.
- Тешик этген тынчды, аны джамагъан къыйынды.
- Айырылмаз джууугъунга, унутмаз сёзню айтма.
- Ач келгенни – тойдур, кеч келгенни – къондур.
- Адамны сыфатына къарама, сёзюне къара.
- Тюкюрюк баш джармаз, налат кёз чыгъармаз!
- Къыз тиширыу кеси юйюнде да къонакъды.
- Джолда аягъынга сакъ бол, ушакъда тилинге сакъ бол.
- Эм уллу байлыкъ – джан саулукъ.
- Чакъырылмай келген къонакъ сыйланмай кетер.
- Чомарт бергенин айтмаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Акъыллы эркиши атын махтар, акъылсыз эркиши къатынын махтар.
- Сёз сёзню айтдырыр.
- Сакъламагъан затынга джолукъсанг, не бек къууанаса, не бек ачыйса.
- Юйюнг бла джау болгъандан эсе, элинг бла джау бол.
- Джиби бир къат джетмей эди да, эки къат тарта эди.
- Ашхылыкъ джерде джатмайды, аманлыкъ суугъа батмайды.
- Тёгюлген тюгел джыйылмайды.
- Урунуу – насыбны анасы.
- Джол бла сёзню къыйыры джокъ.
- Сууда джау джокъ, кёб сёзде магъана джокъ.
- Къарын къуру болса, джюрек уру болур.
- Чомартха хар кюн да байрамды.
- Зар адам ашынгы ашар, кесинги сатар.
- Башда акъыл болмаса, эки аякъгъа кюч джетер.
- Джолунга кёре – джюрюшюнг, джагъанга кёре – юлюшюнг.
- Хунаны тюбюн къазсанг, юсюнге ауар.
- Билим – акъылны чырагъы.
- Насыб бютеу халкъны юлюшюдю.
- Ауузу аманнга «иги», деме.
- Ёзденликни джайгъан – джокълукъ.
- Айтханы чапыракъдан ётмеген.
- Босагъа таш юйге кирмей эди, тыбыр таш эшикге чыкъмай эди.
- Джогъун бар этген, барын бал этген.
- Ёлген ийнек сютлю болур.
- Чакъырылмагъан къонакъ – орунсуз.
- Бозаны арты дауур болур.
Узденов Султан Азнорович, погиб в Афганистане
Читают тему (гостей: 1)