- Аманны тукъумуна къарама, игини тукъумун сорма.
- Телиге от эт десенг, юйюнге от салыр.
- Ёлген ийнек сютлю болур.
- Нафысынгы айтханын этме, намысынгы айтханын эт.
- Джуртун къоругъан озар.
- Бал чибинни ургъаны – ачы, балы – татлы.
- Нёгерсизни джолу узун.
- Сибиртки да сыйлы болду, кюрек да кюнлю болду.
- Аурууну келиую тынч, кетиую – къыйын.
- Иги болса, тамадама – махтау, аман болса, меннге – айыб.
- Окъумагъан сокъурду, сокъур ташха абыныр!
- Аджалсыз ёлюм болмаз.
- Сёлеш деб шай берген, тохта деб, сом берген.
- Джумушакъ сёз къаты таякъны сындырыр.
- Накъырда – кертини келечиси.
- Эшекни не къадар тюйсенг да, ат болмаз.
- Тойгъан джерден туугъан джер игиди.
- Тёзген – тёш ашар!
- Окъугъан – асыу, окъумагъан – джарсыу.
- Ушамагъан – джукъмаз.
- Ышармагъан – кюлмез, кюлмеген – къууанчны билмез.
- Къарыусузгъа кюлме, онгсузгъа тийме.
- Билмегенинги, билгеннге сор.
- Айтылгъан сёз ызына къайтмаз.
- Сёз къанатсыз учар.
- Аякъларынгы джууургъанынга кёре узат.
- Айран ичген – къутулду, джугъусун джалагъан – тутулду.
- Кёрмегеннге кебек – танг, битмегеннге сакъал – танг.
- Кюлме джашха – келир башха.
- Хазыр ашха – терен къашыкъ.
- Джогъун бар этген, барын бал этген.
- Аман адам этегингден тутса, кес да къач.
- Дууулдаса – бал чибин, къонса – къара чибин.
- Джыйырма къойну юч джыйырма эбзе кюте эди.
- Экиндини кеч къылсанг, чабыб джетер ашхам.
- Билген билмегенни юретген адетди.
- Къыз келсе, джумуш эте келеди, къатын келсе, ушакъ эте келеди.
- Тил джюрекге джол ишлейди.
- Уруну арты – къуру.
- Ашарыкъда сайлагъаннга – чий гырджын.
- Аманнга игилик этсенг, юйюнге сау бармазса.
- Тойгъа алгъа да барма, тойда артха да къалма.
- Аман киши кеси юйюнде – къонакъ.
- Сютню башын джалагъан къутулур, тюбюн ичген тутулур.
- Чакъырылмагъан къонакъ – орунсуз.
- Айыбны суу бла джууалмазса.
- Таш бла ургъанны, аш бла ур.
- Намысы болмагъанны, сыйы болмаз.
- Ариу сёз аурууунгу алыр.
- Тыш элде солтан болгъандан эсе, кесинги элде олтан болгъан игиди!
