- Адам къыйынлыгъын кёлтюрюр, зауукълугъун кёлтюрмез.
- Бастасын ашагъан, хантусун да ичер.
- Ариу джол аджал келтирмез.
- Къарнынг тойгъунчу аша да, белинг талгъынчы ишле.
- Мал кёб болса, джууукъ кёб болур.
- Аякъларынгы джууургъанынга кёре узат.
- Кёзню ачылгъаны – иги, ауузну джабылгъаны – иги.
- Ата Джуртуму башы болмасам да, босагъасында ташы болайым.
- Ашыкъгъанны этеги бутуна чырмалыр.
- Биреуге кёлтюрген таягъынг, кесинги башынга урур.
- Джерни букъусу кёкге къонмаз.
- Билимден уллу байлыкъ джокъду.
- Баргъанынга кёре болур келгенинг.
- Аманны тукъумуна къарама, игини тукъумун сорма.
- Ашхы атаны – джашы ашхы, ашхы ананы – къызы ашхы.
- Эки къатын алгъанны къулагъы тынгнгаймаз.
- Тойгъан антын унутур.
- Сакъалы текени да бар, мыйыгъы киштикни да бар.
- Хар адамгъа кеси миннген тау кибик.
- Иесиз малны бёрю ашар.
- Намыс болмагъан джерде, насыб болмаз.
- Эки ойлашыб, бир сёлешген.
- Джарлы джети элни сёзюн этер.
- Байны оноуу, джарлыгъа джарамаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Накъырданы арты керти болур.
- Сютню башын джалагъан къутулур, тюбюн ичген тутулур.
- Урама да – ёледи, сатама да – келеди.
- Намыс сатылыб алынмайды.
- Нёгерсизни джолу узун.
- Къолунгдан къуймакъ ашатсанг да, атаны борчундан къутулмазса.
- Сабийликде юретмесенг, уллу болса – тюзелмез.
- Адебни адебсизден юрен.
- Чомарт къонакъ юй иесин сыйлар.
- Тыш элде солтан болгъандан эсе, кесинги элде олтан болгъан игиди!
- Хата – гитчеден.
- Ариу сёз джыланны орнундан чыгъарыр.
- Ариу – кёзге, акъыл – джюрекге.
- Къарны аманнга къазан такъдырма, къолу аманнга от джакъдырма.
- Ачылгъан эт джабылыр, кёрген кёз унутмаз.
- Телини эшигин, махтау джабар.
- Чёбню кёлтюрсенг, тюбюнден сёз чыгъар.
- Келлик заман – къартлыкъ келтирир, кетген заман – джашлыкъ ёлтюрюр.
- Чомарт къолда мал къалмаз.
- Бетинги сатма, малынгы сат.
- Къайтырыкъ эшигинги, къаты уруб чыкъма.
- Джюз элде джюз ёгюзюм болгъандан эсе, джюз джууугъум болсун.
- Сёз – кюмюш, джыр – алтын.
- Ашлыкъ – бюртюкден, джюн – тюкден.
- Ач бёрюге мекям джокъ.