- Къууут – джелге, берне – бошха.
- Джарашыу сюйген – джалынчакъ.
- Кимни – тили, тиши онглу, кимни – къолу, иши онглу.
- Малны кют, джерни тюрт.
- Урама да – ёледи, сатама да – келеди.
- «Ёгюз, джаргъа джууукъ барма, меннге джюк боллукъса», - дегенди эшек.
- Аз сёлешген, къайгъысыз турур.
- Кёпюр салгъан кеси ётер, уру къазгъан кеси кетер.
- Тюкюрюк баш джармаз, налат кёз чыгъармаз!
- Тай асырагъан, атха минер.
- Тойгъа алгъа да барма, тойда артха да къалма.
- Экеу тутушса, биреу джыгъылыр.
- Адам сёзге тынгыла, акъыл сёзню ангыла.
- Кюл тюбюндеги от кёрюнмейди.
- Иги джашны ышаны – аз сёлешиб, кёб тынгылар.
- Ишге юренсин къоллары, халкъ бла болсун джоллары.
- Ётген ёмюр – акъгъан суу.
- Къартны сыйын кёрмеген, къартлыгъында сыйлы болмаз.
- Эки ойлашыб, бир сёлешген.
- Ана кёлю – балада, бала кёлю – талада.
- Нёгер болсанг, тенг бол, тенг болмасанг, кенг бол.
- Эл элде бирер малынг болгъандан эсе, бирер тенгинг болсун.
- Намысы джокъну – дуниясы джокъ.
- Эки итни арасына сюек атма, эки адамны арасында сёз чыгъарма.
- Чабар ат – джетген къыз.
- Танг атмайма десе да, кюн къоярыкъ тюйюлдю.
- Ким бла джюрюсенг, аны кёзю бла кёрюнюрсе.
- Аз айтсам, кёб ангылагъыз.
- Ёмюрлюк шохлукъну джел элтмез.
- Кийим тукъум сордурур.
- Бети къызарыучу адамны, джюреги харам болмаз.
- Ачлыкъда тары гырджын халыуадан татлы.
- Онгсузну – джакъла, тенгликни – сакъла.
- Эллинг бла джау болсанг да, юйюнг бла джау болма.
- Кечеси – аяз, кюню – къыш, джарлы къаргъагъа бир аш тюш!
- Джарлы джети элни сёзюн этер.
- Кёзюнде тереги болгъан, чёбю болгъаннга кюле эди.
- Эркишиге тары кебек танг кёрюнюр.
- Эл ауузу – элек, анга ийнаннган – халек.
- Тамбла алтындан бюгюн багъыр ашхы.
- Ауузу аманнга «иги», деме.
- Ата Джуртуму башы болмасам да, босагъасында ташы болайым.
- Джолда аягъынга сакъ бол, ушакъда тилинге сакъ бол.
- Ачны эсинде – аш.
- Ана – юйню кюн джарыгъы.
- Джашны джигитлиги сорулур, къызны джигерлиги сорулур.
- Тюзлюк тас болмайды.
- Къайгъы тюбю – тенгиз.
- Къолу уллу – асыу, аягъы уллу – джарсыу.
- Тойну къарнашы – харс, джырны къарнашы – эжиу.
9 МАЙ!!!!! ХОРЛАМ! ПОБЕДА! VICTORY!, ВСЕЕЕЕЕЕЕЕЕЕЕ НА ПАРАДД!!!!!! ПЕРЁД!!!!
|
Журавли.
слова Расула Гамзатова, музыка Яна Френкеля, исполняет наша Камиля - Алла Бойченко 
Я самая классная на форуме))))))))))))))
|
|
|
|
|
Читают тему (гостей: 1)