- Бети бедерден, намыс сакълама.
- Аджашханны ызындагъы кёреди, джангылгъанны джанындагъы биледи.
- Аджаллыгъа окъсуз шкок атылыр.
- Адам сёзюнден белгили.
- Ат басханны джер билед.
- Агъач халкъгъа алтынды, иссиликге салкъынды.
- Садакъачыны джаны – къапчыгъында.
- Къумурсхала джыйылсала, пилни да джыгъадыла.
- Мен да «сен», дейме, сен да «кесим», дейсе.
- Биреуге кёлтюрген таягъынг, кесинги башынга урур.
- Зар адам ашынгы ашар, кесинги сатар.
- Джерни букъусу кёкге къонмаз.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ашда – бёрю, ишде – ёлю.
- Джыланны къуйругъундан басарынг келсе, аны башы болгъанын унутма.
- Берекет берсин деген джерде, берекет болур.
- Ариу сёз аурууунгу алыр.
- Зарда марда джокъ.
- Эки къатын алгъанны къулагъы тынгнгаймаз.
- Къонагъынгы артмагъын алма да, алгъышын ал.
- Кёзюнде тереги болгъан, чёбю болгъаннга кюле эди.
- Ашына кёре табагъы, балына кёре къалагъы.
- Къарт болгъан джерде, берекет болур, сабий болгъан джерде, оюн болур.
- Ат да турмайды бир териде.
- Ёлюр джаннга, ёкюл джокъ.
- Ишге юренсин къоллары, халкъ бла болсун джоллары.
- Тыш элде солтан болгъандан эсе, кесинги элде олтан болгъан игиди!
- Къызгъанчдан ычхыныр, мухардан ычхынмаз.
- Орундукъ тюбюнде атылсам да, орта джиликме, де да айлан.
- Тил – миллетни джаны.
- Иги сёз – джаннга азыкъ, аман сёз башха – къазыкъ.
- Кюлме джашха – келир башха.
- Адебни адебсизден юрен.
- Аджашхан тёгерек айланыр.
- Тилчи тилден къаныкъмаз.
- Айран тёгюлсе, джугъусу къалыр.
- Ишлерге уял да, ашаргъа табма.
- Ач – эснер, ат – кишнер.
- Кесинге джетмегенни, кёб сёлешме.
- Байны къызы баймакъ болса да, юйде къалмаз!
- Джаралыны джастыгъында сау ёлюр.
- Кёпюр салгъан кеси ётер, уру къазгъан кеси кетер.
- Бети къызарыучу адамны, джюреги харам болмаз.
- Ашха уста, юйюнде болсун
- Арбаз къынгырды да, ийнек сауалмайма.
- Джол бла сёзню къыйыры джокъ.
- Байны оноуу, джарлыгъа джарамаз.
- Келинин тута билмеген, къул этер, къызын тута билмеген, тул этер.
- Таукел тауну аудурур.
- Джаш болсун, къыз болсун, акъылы, саны тюз болсун.
Къайсы ёзенденсе?
07.03.2011 00:13:58
[b:88e9006e53]Тангны джангыз джашы[/b:88e9006e53], "ты права.. но я правее"?)))
|
|
|
|
07.03.2011 00:21:29
|
|||||
|
|
Читают тему (гостей: 2)