- Ашатыргъа иш – ашхы, ишлетирге аш – ашхы.
- Алгъанда – джууукъ, бергенде – джау.
- Джырчы джырчыгъа – къарнаш.
- Билгенни къолу къарны джандырыр.
- Иги джашны ышаны – аз сёлешиб, кёб тынгылар.
- Суу ичген шауданынга тюкюрме.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Аууз сакълагъан – джан сакълар.
- Сангырау къулакъ эл бузар.
- Керти сёзге тёре джокъ.
- Ётюрюкню къуйругъу – бир тутум.
- Чёбню кёлтюрсенг, тюбюнден сёз чыгъар.
- Аджалсыз ёлюм болмаз.
- Аман адамны тепсинге олтуртсанг, къызынгы тилер.
- Эшекни не къадар тюйсенг да, ат болмаз.
- Юй кюйдю да, кюйюз чыкъды, ортасындан тюйюш чыкъды.
- Джырына кёре эжиую.
- Окъугъанны бети джарыкъ.
- Къарын къуру болса, джюрек уру болур.
- Акъыл неден да кючлюдю.
- Адамны сыфатына къарама, сёзюне къара.
- Джюрекден джюрекге джол барды.
- Билмейме деген – бир сёз
- Илму – джашауну джолу.
- Къонакъ аман болса, къонакъбай джунчур
- Ишленмеген джаш – джюгенсиз ат, ишленмеген къыз – тузсуз хант.
- Абынмазлыкъ аякъ джокъ, джангылмазлыкъ джаякъ джокъ.
- Сютню башын джалагъан къутулур, тюбюн ичген тутулур.
- Чабакъгъа акъыл, табагъа тюшсе келеди.
- Аман къатын алгъан, арыр, иги къатын алгъан джарыр.
- Бозаны арты дауур болур.
- Хата – гитчеден.
- Къайгъы тюбю – тенгиз.
- Къыйынлы джети элге оноу этер.
- Малны кют, джерни тюрт.
- Бал чибинни ургъаны – ачы, балы – татлы.
- Джумушакъ сёз къаты таякъны сындырыр.
- Ёксюзню тилеги къабыл болур.
- Баргъанынга кёре болур келгенинг.
- Ойнай билмеген, уруб къачар.
- Къарт бла баш аша, джаш бла аякъ аша.
- Ишлегенден, къарагъан уста.
- Дуния мал дунияда къалады.
- Сагъышы джокъ – джукъучу, акъылы джокъ – къаугъачы.
- Кёб джашагъан – кёб билир.
- Тас болгъан бычакъны сабы – алтын.
- Къанны къан бла джуума, аманны аман бла къуума.
- Гырджын – тепсини тамадасы.
- Башы джабылгъан челекге, кир тюшмез.
- Ач келгенни – тойдур, кеч келгенни – къондур.
Познай себя, и ты познаешь весь мир. Со старого форума
Читают тему (гостей: 1)