- Аякъларынгы джууургъанынга кёре узат.
- Чабакъгъа акъыл, табагъа тюшсе келеди.
- Биреуге аманлыкъ этиб, кесинге игилик табмазса.
- Ашхылыкъ джерде джатмайды, аманлыкъ суугъа батмайды.
- Ач, тоймам, дейди, тойгъан, ач болмам, дейди.
- Окъугъанны бети джарыкъ.
- Ата – билек, ана – джюрек!
- Тешигини къатында, чычхан да батыр болур.
- Кирсизни – саны таза, халалны – къаны таза.
- Адамгъа аман кюн соруб келмейди.
- Ёнгкюч къууана барыр, джылай келир.
- Адам боллукъ, атламындан белгили болур.
- Ёлюк кебинсиз къалмаз.
- Нёгер болсанг, тенг бол, тенг болмасанг, кенг бол.
- Адам сёзге тынгыла, акъыл сёзню ангыла.
- Итли къонакъ джарашмаз.
- Ариуну – ауруу кёб.
- Уллу къазанда бишген эт, чий къалмаз.
- Баланы адам этген анады.
- Игиге айтсанг – билир, аманнга айтсанг – кюлюр.
- Гитче джилтин уллу элни джандырыр.
- Чарсда алчыны эл кёреди.
- Миллетни бойну – базыкъ, аны бла кюрешген – джазыкъ.
- Эринчекни аурууу – кёб.
- Джолда аягъынга сакъ бол, ушакъда тилинге сакъ бол.
- Биреу къой излей, биреу той излей.
- Ач уят къоймаз.
- Рысхы – сют юсюнде кёмюк кибикди.
- Къарны аманнга къазан такъдырма, къолу аманнга от джакъдырма.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Къайгъы тюбю – тенгиз.
- Аш иеси бла татлыды.
- Сютден ауузу кюйген, суугъа юфгюре эди.
- Танг атмайма десе да, кюн къоярыкъ тюйюлдю.
- Аш хазыр болса, иш харам болур.
- Чакъырылмагъан къонакъ – орунсуз.
- Аманнга алтын чыдамаз.
- Суу да къайтады чыкъгъан джерине.
- Къаллай салам берсенг, аллай джууаб алырса.
- Кийим тукъум сордурур.
- Таула не мийик болсала да, аууш табылыр.
- Къалгъан ишге къар джауар.
- Къарнынг бла ёч алма.
- Адамны джюреги нени кёрюрге сюйсе, кёзю да аны кёрюрге ёч болады.
- Арба аугъандан сора, джол кёргюзтюучю кёб болур.
- Ётюрюкню къуйругъу – бир тутум.
- Джангыз торгъай джырламаз.
- Чабакъ башындан чирийди.
- Урама да – ёледи, сатама да – келеди.
- Къартны бурнун сюрт да, оноугъа тут.
Сила судебной практики
Читают тему (гостей: 1)