- Бир абыннган – минг сюрюнюр.
- Ишлегенде эринме, ишде чолакъ кёрюнме.
- Алма терегинден кери кетмез.
- Къайгъы тюбю – тенгиз.
- Билеги кючлю, бирни джыгъар, билими кючлю, мингни джыгъар.
- Мухар, кеси тойса да, кёзю тоймаз.
- Тас болгъан бычакъны сабы – алтын.
- Джюрекден джюрекге джол барды.
- Тин – байлыгъынг, терен саулугъунг.
- Баргъанынга кёре болур келгенинг.
- Къарт бла баш аша, джаш бла аякъ аша.
- Байны къызы баймакъ болса да, юйде къалмаз!
- Ач уят къоймаз.
- Ашыкъгъанны этеги бутуна чырмалыр.
- Ач къалгъандан, кеч къалгъан къолай.
- Тойчу джашха къарама, къойчу джашха къара.
- Джашынгы кесинг юретмесенг, джашау юретир.
- Эр сокъур болсун, къатын тилсиз болсун.
- Акъыллы – эл иеси, тели – эл баласы.
- Джюрекге ариу – кёзге да ариу.
- От этилмеген джерден тютюн чыкъмайды.
- Хаухну атма, ёнгкючню сатма.
- Ойнай билмеген, уруб къачар.
- Джол бла сёзню къыйыры джокъ.
- Намысы джокъну – дуниясы джокъ.
- Тюзлюк тас болмайды.
- Кёб джат да, бек чаб.
- Аджашханны ызындагъы кёреди, джангылгъанны джанындагъы биледи.
- Айтылгъан сёз ызына къайтмаз.
- Ашын ашагъанынгы, башын да сыйла.
- Ауругъанны сау билмез, ач къарынны токъ билмез.
- Керилген да, ургъан кибикди.
- Тау башында, тау болмаз, джангыз терек, бау болмаз.
- Къарын къуру болса, джюрек уру болур.
- Тойгъан джерге джети къайт.
- Тёзген – тёш ашар!
- Ханы къызы буюгъа-буюгъа киштик болду.
- Эрни эр этерик да, къара джер этерик да, тиширыуду.
- Накъырданы арты керти болур.
- Кюл тюбюндеги от кёрюнмейди.
- Кёзню ачылгъаны – иги, ауузну джабылгъаны – иги.
- Этни да ашады, бетни да ашады.
- Элде адам къалмаса, ит тахтагъа минер.
- Суугъа – таянма, джаугъа – ийнанма.
- Хата – гитчеден.
- Джаш къарыу бла кючлю, къарт акъыл бла кючлю.
- Телиге от эт десенг, юйюнге от салыр.
- Урама да – ёледи, сатама да – келеди.
- Босагъа таш юйге кирмей эди, тыбыр таш эшикге чыкъмай эди.
- Аджашхан тёгерек айланыр.
Сила судебной практики
Читают тему (гостей: 1)