- Бети – къучакълар, джюреги – бычакълар.
- Ётюрюкчюню шагъаты – къатында.
- Къазанда болса, чолпугъа чыгъар.
- Кёлсюзден сёзсюз тууар.
- Ариу – кёзге, акъыл – джюрекге.
- Мал ёлсе, сюек къалыр, адам ёлсе, иши къалыр.
- Тыш элде солтан болгъандан эсе, кесинги элде олтан болгъан игиди!
- Эркишини аманы тиширыуну джылатыр.
- Тенгинг джокъ эсе – изле, бар эсе – сакъла!
- Кёб джашагъан – кёб билир.
- Тил джюрекге джол ишлейди.
- Босагъагъа джууукъ орун болса, ашыгъыб тёрге озма.
- Ойнай билмеген, оюн бузар.
- Илму – джашауну джолу.
- Келинин тута билмеген, къул этер, къызын тута билмеген, тул этер.
- «Ёгюз, джаргъа джууукъ барма, меннге джюк боллукъса», - дегенди эшек.
- Телиге от эт десенг, юйюнге от салыр.
- Ашхы адам – халкъ байлыгъы, ашхы джер – джашау байлыгъы.
- Тойгъа барсанг, тоюб бар, эски тонунгу къоюб бар.
- Дженгил джетерикме деб, узун джолну къоюб, къысхасын барма.
- Таукел адам тау тешер.
- Башда акъыл болмаса, эки аякъгъа кюч джетер.
- Уллу суу бла уллу ауруудан башынгы сакъла.
- Эрни эр этерик да, къара джер этерик да, тиширыуду.
- Татлы сёз – балдан татлы.
- Ачылгъан эт джабылыр, кёрген кёз унутмаз.
- Билим къая тешер.
- Хазыр ашха – терен къашыкъ.
- Аджашханны ызындагъы кёреди, джангылгъанны джанындагъы биледи.
- Ишлерге уял да, ашаргъа табма.
- Ачны эсинде – аш.
- Дуния малгъа сатылма, кесингден телиге къатылма.
- Аман адам элни бир-бирине джау этер.
- Къолунгдан къуймакъ ашатсанг да, атаны борчундан къутулмазса.
- Таш бла ургъанны, аш бла ур.
- Къар – келтирди, суу – элтди.
- Эринчекни эр алмаз, эр алса да, кёл салмаз, кёл салса да, кёб бармаз!
- Элиб деген, элге болушур.
- Тойчу джашха къарама, къойчу джашха къара.
- Джан саулукъ бермей, сан саулукъ бермезсе.
- Кёпюр салгъан кеси ётер, уру къазгъан кеси кетер.
- Башы джабылгъан челекге, кир тюшмез.
- Иги болса, тамадама – махтау, аман болса, меннге – айыб.
- Этни бети бла шорпасы.
- Аманны тукъумуна къарама, игини тукъумун сорма.
- Адеб базарда сатылмаз.
- Айраннга суу къош, телиге джол бош.
- Огъурлуну сёзю – суу, огъурсузну сёзю – уу.
- Акъыл къартда, джашда тюйюлдю – башдады.
- Тёгюлген тюгел джыйылмайды.
Сила судебной практики
Читают тему (гостей: 1)