- Кёб къычыргъандан – къоркъма, тынч олтургъандан – къоркъ.
- Алтыда кюлмеген, алтмышда кюлмез.
- Шапа кёб болса, аш татымсыз болур.
- Айырылгъанланы айю ашар, бёлюннгенлени бёрю ашар.
- Аман къатын алгъан, арыр, иги къатын алгъан джарыр.
- Башсыз урчукъ тюзюне айланмаз.
- Таш бла ургъанны, аш бла ур.
- Тёрдеги кюлсе, эшикдеги ышарыр.
- Юреннген ауруу къалмаз.
- Тойгъан джерге джети къайт.
- Билим къая тешер.
- Окъуусуз билим – джокъ, билимсиз кюнюнг – джокъ.
- Асхат ашлыкъ сата, юйдегиси ачдан къата.
- Ач да бол, токъ да бол – намысынга бек бол.
- Акъыл бла адеб эгизледиле.
- Сакъалы текени да бар, мыйыгъы киштикни да бар.
- Джарлы джети элни сёзюн этер.
- Айран тёгюлсе, джугъусу къалыр.
- Узун джолну барсанг, бюгюн келирсе, къысха джолну барсанг, тамбла келирсе.
- Адамны адамлыгъы къыйынлыкъда айгъакъланады.
- Накъырда – кертини келечиси.
- Ауругъанны сау билмез, ач къарынны токъ билмез.
- Ёксюзню тилеги къабыл болур.
- Эрине къаргъыш этген къатын, эрнин къабар.
- Баш болса, бёрк табылыр.
- Нёгер болсанг, тенг бол, тенг болмасанг, кенг бол.
- Кёзю сокъурдан – къоркъма, кёлю сокъурдан – къоркъ.
- Татлы тилде – сёз ариу, чемер къолда – иш ариу.
- Къыз келсе, джумуш эте келеди, къатын келсе, ушакъ эте келеди.
- Къолунгдан къуймакъ ашатсанг да, атаны борчундан къутулмазса.
- Ач къалгъандан, кеч къалгъан къолай.
- Адам туугъан джеринде, ит тойгъан джеринде.
- Джюрек кёзден алгъа кёрюр.
- Намыс сатылыб алынмайды.
- Ёлюр джаннга, ёкюл джокъ.
- Алгъанда – джууукъ, бергенде – джау.
- Ишни аллы бла къууанма да, арты бла къууан.
- Джаханимни кёрмей, джандетге кёл салмазса.
- Ауузу бла къуш тута айланады.
- Башланнган иш битер, къымылдагъан тиш тюшер.
- Битмегеннге сакъал – танг.
- Тынгылагъан тынгы бузар.
- Керти сёзге тёре джокъ.
- Эки къатын алгъан – эки ташны ортасына башын салгъан.
- Ачыкъ джюрекге джол – ачыкъ.
- Аджал соруб келмез, келсе, къайтыб кетмез.
- Чабакъгъа акъыл, табагъа тюшсе келеди.
- Къошда джокъгъа – юлюш джокъ.
- Тили узунну, намысы – къысха.
- Хатерли къул болур.
Сила судебной практики
Читают тему (гостей: 1)