- Акъыллы – эл иеси, тели – эл баласы.
- Иесиз малны бёрю ашар.
- Кеси юйюмде мен да ханма.
- Билгенни къолу къарны джандырыр.
- Арбаз сайлама да, хоншу сайла.
- Иги джашны ышаны – аз сёлешиб, кёб тынгылар.
- Къыз келсе, джумуш эте келеди, къатын келсе, ушакъ эте келеди.
- Къызгъанчдан ычхыныр, мухардан ычхынмаз.
- Этим кетсе да, сюегим къалыр.
- Кирсизни – саны таза, халалны – къаны таза.
- Кечеси – аяз, кюню – къыш, джарлы къаргъагъа бир аш тюш!
- Билим къая тешер.
- Тойгъан джерге джети къайт.
- Чыкълы кюнде чыкъмагъан, чыкъса къуру кирмеген.
- Тюз сёз баргъан сууну тыяр.
- Ишге юренсин къоллары, халкъ бла болсун джоллары.
- Кёб джашагъан – кёб билир.
- Гитче джилтин уллу элни джандырыр.
- Джол бла сёзню къыйыры джокъ.
- Келинни – келгинчи, бёркню кийгинчи кёр.
- Экеу тутушса, биреу джыгъылыр.
- Атынг аманнга чыкъгъандан эсе, джанынг тамагъынгдан чыкъсын.
- Эшекни не къадар тюйсенг да, ат болмаз.
- Ишин билген, аны сыйын чыгъарады.
- Ач уят къоймаз.
- Тенгинг джокъ эсе – изле, бар эсе – сакъла!
- Тилде сюек болмаса да, сюек сындырыр.
- Тиширыусуз юй – отсуз от джагъа.
- Адамны артындан къара сабан сюрме.
- Джашынгы кесинг юретмесенг, джашау юретир.
- Бети бедерден, намыс сакълама.
- Келгинчи, къонакъ уялыр, келгенден сора, къонакъбай уялыр.
- Къонагъы джокъну – шоху джокъ.
- Бёрю да ач къалмасын, эчки да ашалмасын.
- Эринчекни аурууу – кёб.
- Нарт сёз къарт болмаз.
- Джиби бир къат джетмей эди да, эки къат тарта эди.
- Акъыл бла адеб эгизледиле.
- Бермеген къол, алмайды.
- Ауурну тюбю бла, дженгилни башы бла джюрюген.
- Тели турса – той бузар.
- Къонагъынгы артмагъын алма да, алгъышын ал.
- Къолунгдан къуймакъ ашатсанг да, атаны борчундан къутулмазса.
- Аманны къуугъан, аманлыкъ табар.
- Тешик этген тынчды, аны джамагъан къыйынды.
- Мен да «сен», дейме, сен да «кесим», дейсе.
- Ишни аллы бла къууанма да, арты бла къууан.
- Тас болгъан бычакъны сабы – алтын.
- Бюгюн дуния кибик, тамбла ахыратды.
- Байлыкъдан саулукъ ашхыды.
Болушугъуз,мен назмула джаздымда не этерге билмейме!
10.09.2009 16:01:26
[b:66955fdeee]Джёгетей-Мара[/b:66955fdeee], :smt006 да бек омакъ назмуларынг бардыла!!! :smt023 Энтда бармыды? Къош бери!
|
|
|
|
13.09.2009 01:06:49
[b:47e66bcfc6]Mingi-Tau[/b:47e66bcfc6], саубол окъугъанынга,бардыла. джаратмагъанларымы атыб къойгъанма,бир-бирлерин а къойгъанма
|
|
|
|
15.09.2009 16:39:22
[b:67f80732cf]Джёгетей-Мара[/b:67f80732cf], прикольнады, афтар, ентта джазъ! :smt003
[img:67f80732cf]http://smiles.dolf.ru/dolf_ru_203.gif[/img:67f80732cf]
|
|
|
|
15.09.2009 19:53:16
[b:b2886dbb93]Джёгетей-Мара[/b:b2886dbb93], Здорово)))
|
||||
|
|
|||
Читают тему (гостей: 1)