Войти на сайт
29 Марта  2024 года

 

  • Ариу сёз – къылычдан джити.
  • Таякъ этден ётер, тил сюекден ётер.
  • Бозаны арты дауур болур.
  • Олтуруб кёрюнмей эди да, ёрге туруб кёрюне эди.
  • Сакъламагъан затынга джолукъсанг, не бек къууанаса, не бек ачыйса.
  • Дуния аламаты сен эсенг да, игиме деб айтма.
  • Накъырданы арты керти болур.
  • Керек ташны ауурлугъу джокъ.
  • Джарлы эскисин джамаса, къууаныр.
  • Харам къарнашдан, халал тенг ашхы.
  • Ёлюр джаннга, ёкюл джокъ.
  • Таукелге нюр джауар.
  • Ат да турмайды бир териде.
  • Эшекни не къадар тюйсенг да, ат болмаз.
  • Адамны адамлыгъы къыйынлыкъда айгъакъланады.
  • Мухардан ач ычхынмаз.
  • Аджал соруб келмез, келсе, къайтыб кетмез.
  • Окъугъан – асыу, окъумагъан – джарсыу.
  • Ачлыкъда тары гырджын халыуадан татлы.
  • Урунуу – насыбны анасы.
  • Акъдан къара болмаз.
  • Къарын къуру болса, джюрек уру болур.
  • Джылар джаш, атасыны сакъалы бла ойнар.
  • Къулакъдан эсе, кёзге ышан.
  • Аууз сакълагъан – джан сакълар.
  • Ойнай-ойнай кёз чыгъар.
  • Джан саулукъ бермей, сан саулукъ бермезсе.
  • Уллу къашыкъ эрин джыртар.
  • Хансыз джомакъ болмаз.
  • Тёрдеги кюлсе, эшикдеги ышарыр.
  • Сибиртки да сыйлы болду, кюрек да кюнлю болду.
  • Чабакъсыз кёлге къармакъ салгъанлыкъгъа, чабакъ тутмазса.
  • Келгинчи, къонакъ уялыр, келгенден сора, къонакъбай уялыр.
  • Атлыны кёрсе, джаяуну буту талыр.
  • Адам къаллай бир ишленмесе, аллай бир кесин уллу кёреди.
  • Аз айтсам, кёб ангылагъыз.
  • Къыз тиширыу кеси юйюнде да къонакъды.
  • Тилчи бир сагъатха айлыкъ хата этер.
  • Джырчы ёлсе, джыры къалыр.
  • Джаным-тиним – окъуу, билим.
  • Алтыда кюлмеген, алтмышда кюлмез.
  • Мал ёлсе, сюек къалыр, адам ёлсе, иши къалыр.
  • Уллу къазанда бишген эт, чий къалмаз.
  • Биреу ашаб къутулур, биреу джалаб тутулур.
  • Эки элинги тыйсанг, джети элде махталырса.
  • Тынгылагъан тынгы бузар.
  • Къая джолда джортма, ачыкъ сёзден къоркъма.
  • Кёлсюзден сёзсюз тууар.
  • Биреу къой излей, биреу той излей.
  • Рысхысына кёре, джаш ёсер, къышлыгъына кёре, мал ёсер.

 

Страницы: 1
RSS
Болушугъуз,мен назмула джаздымда не этерге билмейме!
 
Салам,аланла меннге 18 джыл болгъандыда,мен форумладан джукъ ангыламайма алкъын,сизден болушлукъ тилейме,мен бир-бирледе олтура келемеда, назмула джазыб къояма. Сиз а ана тилни иги билген адамла, дунияны кёргенле. Халатларым бар эсе аланы тюз этигиз, назмуларыма да не сёз айтырсыз?игими,аманмы-эркинлик сизде
 
Бизни арабызда терен тенгиз, Джити къылычны алама, Сюймекликни айтырмы бирибиз? ? Къылычны къынына салырма? Тюбешир кюнлени сакълаб кюеме, Айтыргъа сёзюмю хазырлай? Тауусгъан джерге насыблы келеме ? Джарсыдым анда сени табалмай? Сёзюме джууаб сакълайма, Кёкде джулдузланы инакълай, Ингирде кёзлеринге къарайма ? Насыбны алада табалмай! Ариу кёзлери,таза джюреги ? Насыбны табханма мен алада, Кёксюл джаулугъу,нюр бети ? Унуталмайма аны чыртданда! Джаз келди бизни дуниягъа, Къышны ётдюрдюм сагъышлай? Муратым толурму бу айлада? Айтырмамы сюймекликни шыбырдай? ?Къар эрисе,джюрегида эрирми?? - Деб сагъышха насыблы киреме, ?Арабызгъа сюймекликда келирми?? - Сюймекликни кёзлеринде излейме.. Огъесе,къылычны джалан этгенлей, Думп болайым башха дуниягъа? Неда, ёмюрню насыбда ётгенлей, Салайым къылычны табхагъа?...
 
"Малкъарда автобусда" Назмула джазаргъа фахмумда болмаз, Дагъыда кёлюмдегин айтайым, Бир къыз айтханлай: ?акъылынг табылмаз? Дагъыда джюрекни ачайым Тау джерлеге ? Малкъаргъа ? мен бардым: Ариулукъ акъбашлы таулада, ?Къарачайдан ариу джокъ? - ол сагъышым Энди думпду мени башымда Мийик таулары ? биздеча мийик, Саркъгъан суулары ? Къобандача кенглик, Ёзенлери, кёллери ? бирдта терен, Биченликде джайылыб ? биздеча гебен Халалджюрек адамлары элледе, Тау адетни билиб сакълагъан, Къарачайны бирдта бек сюелле, Анасын сюйгенча улан! Кетерге деб, джолгъа тебредим, Джолда малкъар къызны кёргенме, Юйюме тансыгъымы унутдум, Къараб ол ариу ойнагъан кёзлеге! Къарамы джилтин кибик джылтырай, От тамызды джаш джюрекде, Атын сорургъа ёт табалмай, Сынадым ?бир сеирле? кесекге? Бир ариу ышара кёзлериме къарады, Менда къараб, сюйюб тебредим, Нальчикге блай киргенлей чыкъгъанды, Мен-тели ызындан бара билмедим Бир бек сокъурандым алай этгеннге! Юйге джыйылыб оюмлаб башладым: Бармыд мадар сюйген джюрекге? Энди ол къызны къайдан табайым? Ой Малкъар, кёб сынатдынг игилик! Къайтырма мен ол таулагъа, Излерге джюрегиме сюймеклик Акъбетли малкъар къызны табаргъа? 29 августда 2009 джыл
 
?Оздунг къатымбла? Ма сени табармамы деб, Тёгерекде эллени аулагъанма, Джангыз сени джашайма излеб Ариу кёзлеринги джаратханма! Ингирде, агъачха мен олтуруб? - Джайны ахыр ашхамы, Кюнбатышха эсинги сен бёлюб, Ётюб а кетдинг орамны? Эки кёзюмю сенден алалмай: Ариу балбетли чачларынг, Эсими атдым санга мен алай, Ёмюрде джюрекде сен къалдынг! Сен ётгенли кетди бир сагъат ? Заман барады тохтамай Дунияда алай мы болад? Сюйдюм сени олсагъатлай! Кёрмей сен-ариуну джашайма, Ол кюн тарихге кетгенли, Олтуруб тёгерекге къарайма, Излей сени ариу бетинги? Эсимде къалды джайгъы кюн, Сагъыныб аны джашайма Ким биледи джетерми ётюм, Сени табыб къачыргъа? Къайдан табайым сен-джулдузну, Огъесе ол ишни къояйым? Билемисе тазалыгъын тау суну? Анга ушагъан джюрегинг? Огъай, табарыкъма,сёз береме, Унуталмам ол ариу кёзлени! Дунияда джангыз сени излейме, Айтырма кёлюмдеги сёзлени! 19 майда 2009 джыл
 
[b:66955fdeee]Джёгетей-Мара[/b:66955fdeee], :smt006 да бек омакъ назмуларынг бардыла!!! :smt023 Энтда бармыды? Къош бери!
 
[b:47e66bcfc6]Mingi-Tau[/b:47e66bcfc6], саубол окъугъанынга,бардыла. джаратмагъанларымы атыб къойгъанма,бир-бирлерин а къойгъанма
 
бу назмулагъа не мадар этерге боллукъду??? ким биледи? ма энтда бир джаздымда,не мадар этеим? "Али - ауругъан улан,къалмады дунияда санга адам" Сёзле табмайма мен айтыргъа? Къайдан табайым аланы? Кёлден керек эдиле чыгъыргъа: ?Къалмад дунияда адамы!? Сабий эдим мен ол кюнледе, Али озуб бир айтым сёлешди, Кёрдюм аны биринчи мен кере, Сыпаты кёлюме джерлешди? Сизле мы?да кёргенсиз аны- Джер-джерде айланад ол адам, Базарлада, орамда баргъаны, Кёлюмдегин джазалмайд къалам? Джюн базарда кёргеним, Бир ачыула этди джюрекге: Алини ачха тилегин, Унуталмам чырт кесекге. Ачха орнуна тюкенчи, къарасам, Хычын тутдурду къолуна, Алини бетинде ыспас ча къарам - ?Саубол? дегени ол адамгъа? Бир кюн бизни ормабла ёте, Бара тура эди Али, ?Кимсе? деб айтада кёре, Къарнашым соргъа изледи - Халалджюрекни-сабий сезеди, Алини джанында игилик- Кесини ауурууун ол билмейди, Тёгерекде адамла: ?телилик!? ?Тели Али? - деген сёзлери - Тийребиз алай сёлешед, Аманлыкъ алада белгили! Аманнга аман илешед! Нек сёлешесе алай,о миллет, Керексизге гюнахла аласа! Игилик джанынгдан мы кетед? Огъесе ? ойнаб тоймаса! Ойнада, ойна, къолунга оюнчакъ? Нек къутургъансыз алай? Чюйде тагъылгъан алчы минчакъ, Тиле Аллахдан шыбырдай! Ауругъан адамдан кюлгенле, ?Джокъдула? - деб айтсагъыз - Ётюрюкдю, кесим кёргенме, Кюле баргъанны, ажымсыз! Али уа энди къайдады? Кёрмедим аны эртдеден? Тилин чайнаб мы барады? Неда элибизден мы кетген? Намыс,адеб дегенча ишле Джокъ мы болуб баралла? Нек ийдинг башынгы энишге, Адамлыкъ керек табаргъа! Джюрекледе табайыкъ адамлыкъ, Алича адамланы джокъларгъа, Джаныбызгъа излейик мамырлыкъ, Чюйден минчакъланы алыргъа? 5 сентябрда 2009 джыл
 
[b:67f80732cf]Джёгетей-Мара[/b:67f80732cf], прикольнады, афтар, ентта джазъ! :smt003 [img:67f80732cf]http://smiles.dolf.ru/dolf_ru_203.gif[/img:67f80732cf]
 
[b:b2886dbb93]Джёгетей-Мара[/b:b2886dbb93], Здорово)))
Страницы: 1
Читают тему (гостей: 1)

 

Написать нам