- Айран тёгюлсе, джугъусу къалыр.
- Ачыу алгъа келсе, акъыл артха къалады.
- Киштикге къанат битсе, чыпчыкъ къалмаз эди.
- Байны оноуу, джарлыгъа джарамаз.
- Джюрекге ариу – кёзге да ариу.
- Арыгъан къош чамчы болур.
- Къарнынг ауруса, ауузунгу тый
- Атадан ёксюз – бир ёксюз, анадан ёксюз – эки ёксюз.
- Джангыз терек къынгыр ёсер.
- Арбаз къынгырды да, ийнек сауалмайма.
- Чомартны къолун джокълукъ байлар.
- Ишге юренсин къоллары, халкъ бла болсун джоллары.
- Сескекли кесин билдирир.
- Нарт сёз – тилни бети.
- Тойгъа алгъа да барма, тойда артха да къалма.
- Башы джабылгъан челекге, кир тюшмез.
- Душманны тышы – акъ, ичи – къара.
- Тамырсыз терекге таянма – джыгъылырса.
- Эр абынмай, эл танымаз.
- Ач къарным, тынч къулагъым.
- Тилчи бир сагъатха айлыкъ хата этер.
- Хоншуну тауугъу къаз кёрюнюр, келини къыз кёрюнюр.
- Гитче джилтин уллу элни джандырыр.
- Арба аугъандан сора, джол кёргюзтюучю кёб болур.
- Адам сёзюнден белгили.
- Берекет берсин деген джерде, берекет болур.
- Тёгюлген тюгел джыйылмайды.
- Элде адам къалмаса, ит тахтагъа минер.
- Адамны бетине къарама, адетине къара.
- Тенгинг джокъ эсе – изле, бар эсе – сакъла!
- Джашынгы кесинг юретмесенг, джашау юретир.
- Джюрек кёзден алгъа кёрюр.
- Чабакъсыз кёлге къармакъ салгъанлыкъгъа, чабакъ тутмазса.
- Алим болгъандан эсе, адам болгъан къыйынды.
- Къатын къылыкъсыз, эр тынчлыкъсыз.
- Хар ишни да аллы къыйынды.
- Ана къолу ачытмаз.
- Кёрмегеннге кебек – танг, битмегеннге сакъал – танг.
- Башда акъыл болмаса, эки аякъгъа кюч джетер.
- Адебни адебсизден юрен.
- Илму – джашауну джолу.
- Ёзденликни джайгъан – джокълукъ.
- Къуллукъчума, деб махтанма, къуллукъ – хаух джамчыды!
- Сибиртки да сыйлы болду, кюрек да кюнлю болду.
- Байлыкъдан саулукъ ашхыды.
- Мал тутхан – май джалар.
- Танг атмайма десе да, кюн къоярыкъ тюйюлдю.
- Билмезни кёзю кёрмез, этмезни къулагъы эшитмез.
- Джашны джигитлиги сорулур, къызны джигерлиги сорулур.
- Иги адам абынса да, джангылмаз.
Болушугъуз,мен назмула джаздымда не этерге билмейме!
|
[b:66955fdeee]Джёгетей-Мара[/b:66955fdeee], :smt006 да бек омакъ назмуларынг бардыла!!! :smt023 Энтда бармыды? Къош бери!
|
|
|
|
|
|
[b:47e66bcfc6]Mingi-Tau[/b:47e66bcfc6], саубол окъугъанынга,бардыла. джаратмагъанларымы атыб къойгъанма,бир-бирлерин а къойгъанма
|
|
|
|
|
|
[b:67f80732cf]Джёгетей-Мара[/b:67f80732cf], прикольнады, афтар, ентта джазъ! :smt003
[img:67f80732cf]http://smiles.dolf.ru/dolf_ru_203.gif[/img:67f80732cf]
|
|
|
|
|
|
[b:b2886dbb93]Джёгетей-Мара[/b:b2886dbb93], Здорово)))
|
||||
|
|
|
|||
Читают тему (гостей: 1)