Ашда уялгъан – мухар, ишде уялгъан – хомух.
Этни да ашады, бетни да ашады.
Тилчиден кери бол.
Джангыз терек къынгыр ёсер.
Иги болса, тамадама – махтау, аман болса, меннге – айыб.
Кийимни бир кюнню аясанг, минг кюннге джарар.
Джаралыны джастыгъында сау ёлюр.
Уясында не кёрсе, учханында аны этер.
Джарашыу сюйген – джалынчакъ.
Биреуню тёрюнден, кесинги эшик артынг игиди.
Экеулен сёлеше тура эселе, орталарына барыб кирме.
Адам къыйынлыгъын кёлтюрюр, зауукълугъун кёлтюрмез.
Тёрдеги кюлсе, эшикдеги ышарыр.
Кёлю джокъну – джолу джокъ.
Башы джабылгъан челекге, кир тюшмез.
Мадар болса, къадар болур.
Аман адам этегингден тутса, кес да къач.
Къызын тута билмеген, тул этер, джашын тута билмеген, къул этер.
Джеринден айырылгъан – джети джылар, джуртундан айырылгъан – ёлгюнчю джылар.
Къоркъакъны кёзю экили кёрюр.
Къатыны харакетли болса, эри къымсыз болур.
Адеб этмеген, адеб кёрмез.
Тёгюлген тюгел джыйылмайды.
Эрине къаргъыш этген къатын, эрнин къабар.
Джарлы джети элни сёзюн этер.
Билгенни къолу къарны джандырыр.
Асхат ашлыкъ сата, юйдегиси ачдан къата.
Юйюнгден чыкъдынг – кюнюнгден чыкъдынг.
Тойгъандан сора, ашны сёкме.
Туз, гырджын аша, тюзлюк бла джаша.
Махтаннган къыз, тойда джукълар.
Мал тутхан – май джалар.
Къонакъ кёб келюучю юйню, къазаны отдан тюшмез.
Джетген къыз джерли эшекни танымаз.
Окъумагъан сокъурду, сокъур ташха абыныр!
Нарт сёз – тилни бети.
Эл тойса, тоймагъан, эл къойса, къоймагъан.
Ата – билек, ана – джюрек!
Чомартны къолун джокълукъ байлар.
Джюрекден джюрекге джол барды.
Бети къызарыучу адамны, джюреги харам болмаз.
Бир онгсуз адам адет чыгъарды, деб эштирик тюлсе.
Ауузу аманнга «иги», деме.
Ашлыкъ – бюртюкден, джюн – тюкден.
Эм уллу байлыкъ – джан саулукъ.
Бети – къучакълар, джюреги – бычакълар.
Эр абынмай, эл танымаз.
Акъыллы айтыр эди, акъылсыз къоймайды.
Тюкюрюк баш джармаз, налат кёз чыгъармаз!
Сагъышы джокъ – джукъучу, акъылы джокъ – къаугъачы.
Сдаюсь. А это откуда? :
"а из этого следует,- продолжал он,-что каждое реальное тело должно обладать четырьмя измерениями: оно должно иметь длину, ширину, высоту и продолжительность существования,....."