Джерни букъусу кёкге къонмаз.
Къарт айтханны этмеген, къартаймаз.
Джарашыу сюйген – джалынчакъ.
Сютден ауузу кюйген, суугъа юфгюре эди.
Эки къатын алгъанны къулагъы тынгнгаймаз.
Бети бедерден, намыс сакълама.
Къазанда болса, чолпугъа чыгъар.
Бетинги сатма, малынгы сат.
Тили узунну, намысы – къысха.
Элни кючю – эмеген.
Акъыллы – эл иеси, тели – эл баласы.
Арбаз къынгырды да, ийнек сауалмайма.
Кюн – узун, ёмюр – къысха.
Айраннга суу къош, телиге джол бош.
Къолу уллу – асыу, аягъы уллу – джарсыу.
Окъуусуз билим – джокъ, билимсиз кюнюнг – джокъ.
Насыблы элин сюер, насыбсыз кесин сюер.
Ат басханны джер билед.
Кюн кёрмеген, кюн кёрсе, кюндюз чыракъ джандырыр.
Тенгни тенглиги джашай барсанг билинир.
Ишлегенде эринме, ишде чолакъ кёрюнме.
Шекер бла туз – бир болмаз, ушамагъан – юй болмаз.
Термилгенинги табмазса, кюлгенинге тюберсе.
Аджаллыгъа окъсуз шкок атылыр.
Экиндини кеч къылсанг, чабыб джетер ашхам.
Тюзлюк шохлукъну бегитир.
Билим къая тешер.
Ёгюзню мюйюзлери ауурлукъ этмейдиле.
Къазанчы аман болса, къазаны къайнамаз.
Ёмюрлюк шохлукъну джел элтмез.
Арпа, будай – ащды, алтын, кюмюш а – ташды.
Ётюрюкден тюбю джокъ, кёлтюрюрге джиби джокъ.
Эски джаугъа ышанма.
Тойну къарнашы – харс, джырны къарнашы – эжиу.
Ичимден чыкъды хата, къайры барайым сата?
Къайтырыкъ эшигинги, къаты уруб чыкъма.
Кёл ашады да, кеси ашады.
Тил бла келеди джыр да.
Кютгени беш эчки, сызгъыргъаны уа, джерни джарады.
Элде адам къалмаса, ит тахтагъа минер.
Къозулугъунда тоймагъан, къойлугъунда тоймаз.
Халкъгъа джарагъан, джарлы къалмаз.
Хоншуну тауугъу къаз кёрюнюр, келини къыз кёрюнюр.
Байлыкъ тауусулур, билим тауусулмаз.
Рысхы – сют юсюнде кёмюк кибикди.
Чакъырылмай келген къонакъ сыйланмай кетер.
Адам къаллай бир ишленмесе, аллай бир кесин уллу кёреди.
Орну джокъну – сыйы джокъ.
Айранын берсенг, челегин да къызгъанма.
Сютню башын джалагъан къутулур, тюбюн ичген тутулур.
Сдаюсь. А это откуда? :
"а из этого следует,- продолжал он,-что каждое реальное тело должно обладать четырьмя измерениями: оно должно иметь длину, ширину, высоту и продолжительность существования,....."