Бюгюн дуния кибик, тамбла ахыратды.
Ариу сёз – джаннга азыкъ, аман сёз – башха къазыкъ.
Ата Джуртун танымагъан, атасын да танымаз.
Байны оноуу, джарлыгъа джарамаз.
Билмезни кёзю кёрмез, этмезни къулагъы эшитмез.
Адам къыйынлыгъын кёлтюрюр, зауукълугъун кёлтюрмез.
Аманны эки битли тону болур, бирин сеннге кийдирир, бирин кеси киер.
Тиширыусуз юй – отсуз от джагъа.
Джарлы джети элни сёзюн этер.
Къарны аманнга къазан такъдырма, къолу аманнга от джакъдырма.
Джашлыкъ этмеген, башлыкъ этмез.
Джаз бир кюнню джатсанг, къыш талай кюнню абынырса.
Аджалсыз ёлюм болмаз.
Къулакъдан эсе, кёзге ышан.
Къууут – джелге, берне – бошха.
Нарт сёз къарт болмаз.
Босагъа таш юйге кирмей эди, тыбыр таш эшикге чыкъмай эди.
Ёмюрлюк шохлукъну джел элтмез.
Ариуну – ауруу кёб.
Биреу ашаб къутулур, биреу джалаб тутулур.
Уллу къашыкъ эрин джыртар.
Кирсизни – саны таза, халалны – къаны таза.
Айныгъанлы алты кюн, тогъайгъанлы тогъуз кюн.
Ётюрюкню башын керти кесер.
Къошда джокъгъа – юлюш джокъ.
Чомарт бергенин айтмаз.
Кийиминг бла танылма, адамлыкъ бла таныл.
Мал ёлсе, сюек къалыр, адам ёлсе, иши къалыр.
Ётген ёмюр – акъгъан суу.
Кёпюр салгъан кеси ётер, уру къазгъан кеси кетер.
Тёрени джагъы джокъ.
Къарнынг бла ёч алма.
Эл ауузу – элек, анга ийнаннган – халек.
Арба аугъандан сора, джол кёргюзтюучю кёб болур.
Эки итни арасына сюек атма, эки адамны арасында сёз чыгъарма.
Эртде тургъан джылкъычыны эркек аты тай табар.
Илму – джашауну джолу.
Ашхы адам – халкъ байлыгъы, ашхы джер – джашау байлыгъы.
Азыгъы аз, алгъа къабар, аты аман, алгъа чабар.
Ачыкъ джюрекге джол – ачыкъ.
Аш иеси бла татлыды.
Къумурсхала джыйылсала, пилни да джыгъадыла.
Насыблы элин сюер, насыбсыз кесин сюер.
Ата – билек, ана – джюрек!
Элиб деген, элге болушур.
Арбаз сайлама да, хоншу сайла.
Байма, деб да, къууанма, джарлыма, деб да, джылама.
Хоншуну тауугъу къаз кёрюнюр, келини къыз кёрюнюр.
Уллу атлама – абынырса, уллу къабма – къарылырса.
Нафысынгы айтханын этме, намысынгы айтханын эт.
Сдаюсь. А это откуда? :
"а из этого следует,- продолжал он,-что каждое реальное тело должно обладать четырьмя измерениями: оно должно иметь длину, ширину, высоту и продолжительность существования,....."