- Аллахдан тилесенг, кёб тиле.
- Тёзген – тёш ашар!
- Ёксюзню тилеги къабыл болур.
- Тас болгъан бычакъны сабы – алтын.
- Халкъгъа джарагъан, джарлы къалмаз.
- Ариуну – ауруу кёб.
- Тешик этген тынчды, аны джамагъан къыйынды.
- Ёгюзню мюйюзюнден тутадыла, адамны сёзюнден тутадыла.
- Азыгъы аз, алгъа къабар, аты аман, алгъа чабар.
- Кёб ант этген, кёб ётюрюк айтыр.
- Кечеси – аяз, кюню – къыш, джарлы къаргъагъа бир аш тюш!
- Иги – алгъыш этер, аман – къаргъыш этер.
- Тил – кесген бычакъ, сёз – атылгъан окъ.
- Ашда – бёрю, ишде – ёлю.
- Билмегенинги, билгеннге сор.
- Къонакъ аман болса, къонакъбай джунчур
- Сыфатында болмагъаны, суратында болмаз.
- Керек ташны ауурлугъу джокъ.
- Юйюнгден чыкъдынг – кюнюнгден чыкъдынг.
- Айныгъанлы алты кюн, тогъайгъанлы тогъуз кюн.
- Айырылгъанланы айю ашар, бёлюннгенлени бёрю ашар.
- Бюгюн дуния кибик, тамбла ахыратды.
- Джогъун бар этген, барын бал этген.
- Баргъанынга кёре болур келгенинг.
- Ойнай билмеген, уруб къачар.
- Ушамагъан – джукъмаз.
- Джюз элде джюз ёгюзюм болгъандан эсе, джюз джууугъум болсун.
- Намысы болмагъанны, сыйы болмаз.
- Татлы тилде – сёз ариу, чемер къолда – иш ариу.
- Эшекге миннген – биринчи айыб, андан джыгъылгъан – экинчи айыб.
- Болджал ишни бёрю ашар.
- Чабакъсыз кёлге къармакъ салгъанлыкъгъа, чабакъ тутмазса.
- Ашхы сёз таш тешер.
- Рысхы – насыбха къор.
- Мал тутхан – май джалар.
- Адам туугъан джеринде, ит тойгъан джеринде.
- Эл элде бирер малынг болгъандан эсе, бирер тенгинг болсун.
- Этек чакъмакълары баш джаргъан, сёлешген сёзлери таш джаргъан.
- Тенгинг джокъ эсе – изле, бар эсе – сакъла!
- Келинни – келгинчи, бёркню кийгинчи кёр.
- Махтаннган къыз, тойда джукълар.
- Хата – гитчеден.
- Къатын байлыкъны сюер, эр саулукъну сюер.
- Тамбла алтындан бюгюн багъыр ашхы.
- Кёзюнде тереги болгъан, чёбю болгъаннга кюле эди.
- Сёз сёзню айтдырыр.
- Джангызны оту джарыкъ джанмаз!
- Дуния аламаты сен эсенг да, игиме деб айтма.
- Эр сокъур болсун, къатын тилсиз болсун.
- Чыбыкълыкъда бюгюлмеген, къазыкълыкъда бюгюлмей эди.
Видеостудия Эльбрусоида. Технические вопросы.
30.08.2011 00:59:29
не голосую, т.к. ни в один из пунктов не ...понимаю)))
|
|
|
|
Читают тему (гостей: 1)