- Кёл ашады да, кеси ашады.
- Душманны тышы – акъ, ичи – къара.
- Хансыз джомакъ болмаз.
- Тешигини къатында, чычхан да батыр болур.
- Рысхы – сют юсюнде кёмюк кибикди.
- Юйюнг бла джау болгъандан эсе, элинг бла джау бол.
- Эм ашхы къайын ана мамукъ бла башынгы тешер.
- Хоншуну тауугъу къаз кёрюнюр, келини къыз кёрюнюр.
- Окъуусуз билим – джокъ, билимсиз кюнюнг – джокъ.
- Ашыкъгъанны этеги бутуна чырмалыр.
- Тёрде – темир таякълы, къаяда – чыпчыкъ аякълы.
- Садакъачыны джаны – къапчыгъында.
- Ёлген аслан – сау чычхан.
- Ёпкелегенни ашы татлы болады.
- Акъыллы – эл иеси, тели – эл баласы.
- Мал тутхан – май джалар.
- Олтуруб кёрюнмей эди да, ёрге туруб кёрюне эди.
- Бети бедерден, намыс сакълама.
- Джылкъыдан – ат чыгъар, тукъумдан – джаш чыгъар.
- Чомарт къонакъ юй иесин сыйлар.
- Джюрекден джюрекге джол барды.
- Мен да «сен», дейме, сен да «кесим», дейсе.
- Къызын тута билмеген, тул этер, джашын тута билмеген, къул этер.
- Къарны аманнга къазан такъдырма, къолу аманнга от джакъдырма.
- Аманны эки битли тону болур, бирин сеннге кийдирир, бирин кеси киер.
- Джашны джигитлиги сорулур, къызны джигерлиги сорулур.
- Итли къонакъ джарашмаз.
- Ёксюзню къалачы уллу кёрюнюр.
- Мал ёлсе, сюек къалыр, адам ёлсе, иши къалыр.
- Сёз къанатсыз учар.
- Эл ауузу – элия.
- Сибиртки да сыйлы болду, кюрек да кюнлю болду.
- Эм уллу байлыкъ – джан саулукъ.
- Зарда марда джокъ.
- Телиге акъыл салгъандан эсе, ёлгеннге джан салырса.
- Айран ичген – къутулду, джугъусун джалагъан – тутулду.
- Аман эсирсе, юйюн ояр.
- Алим болгъандан эсе, адам болгъан къыйынды.
- Ётюрюкню башын керти кесер.
- Мураты болгъанны джюрек тебюую башхады.
- Чомартны къолу берекет.
- Уллу суу бла уллу ауруудан башынгы сакъла.
- Тили узунну, намысы – къысха.
- Ишге юренсин къоллары, халкъ бла болсун джоллары.
- Зар адам ашынгы ашар, кесинги сатар.
- От этилмеген джерден тютюн чыкъмайды.
- Ариу – кёзге, акъыл – джюрекге.
- Хазыр ашха – терен къашыкъ.
- Дууулдаса – бал чибин, къонса – къара чибин.
- Ёгюзню мюйюзлери ауурлукъ этмейдиле.
Синема,Синема, от тебя мы без от ума!
Читают тему (гостей: 1)