- Тилчи тилден къаныкъмаз.
- Джумушакъ сёз къаты таякъны сындырыр.
- Этни да ашады, бетни да ашады.
- Ёлген ийнек сютлю болур.
- Кесинг сынамагъан затны, адамгъа буюрма.
- Ёзденликни кёбю ётюрюк.
- Этим кетсе да, сюегим къалыр.
- Эринчекни эр алмаз, эр алса да, кёл салмаз, кёл салса да, кёб бармаз!
- Хар ишни да аллы къыйынды.
- Эшекни не къадар тюйсенг да, ат болмаз.
- Кесинге джетмегенни, кёб сёлешме.
- Биреуню къыйынлыгъы бла кесинге джол ишлеме.
- Эл ауузу – элек, анга ийнаннган – халек.
- Ана кёлю – балада, бала кёлю – талада.
- Тешик этген тынчды, аны джамагъан къыйынды.
- Адеби болмагъан къыз – тузсуз хант.
- Нарт сёз къарт болмаз.
- Ашатыргъа иш – ашхы, ишлетирге аш – ашхы.
- Билимли ёлмез, билимсиз кёрмез.
- Ашхылыкъ джерде джатмайды, аманлыкъ суугъа батмайды.
- От кюйдюрген, сау болса да, тот кюйдюрген, сау болмаз.
- Ышармагъан – кюлмез, кюлмеген – къууанчны билмез.
- Биреуню тёрюнден, кесинги эшик артынг игиди.
- Кёзню ачылгъаны – иги, ауузну джабылгъаны – иги.
- Билмезни кёзю кёрмез, этмезни къулагъы эшитмез.
- Баш – акъыл ючюн, акъылман – халкъ ючюн.
- Аман хансны – урлугъу кёб.
- Къарт бла баш аша, джаш бла аякъ аша.
- Джангыз торгъай джырламаз.
- Ишленмеклик адамлыкъды.
- Аджашханны ызындагъы кёреди, джангылгъанны джанындагъы биледи.
- Терек ауса, отунчу – кёб.
- Ёлюк кебинсиз къалмаз.
- Уллу атлама – абынырса, уллу къабма – къарылырса.
- Кёрмегеннге кебек – танг, битмегеннге сакъал – танг.
- Кёбге таш атма.
- Бети къызарыучу адамны, джюреги харам болмаз.
- Къатын байлыкъны сюер, эр саулукъну сюер.
- Мухарны эси – ашарыкъда.
- Кечеси – аяз, кюню – къыш, джарлы къаргъагъа бир аш тюш!
- Къарын къуру болса, джюрек уру болур.
- Игиге айтсанг – билир, аманнга айтсанг – кюлюр.
- Кесине гебен этелмеген, биреуге черен эте эди.
- Тенги кёбню джау алмаз, акъылы кёбню дау алмаз.
- Ачлыкъда тары гырджын халыуадан татлы.
- Уясында не кёрсе, учханында аны этер.
- Тыш элде солтан болгъандан эсе, кесинги элде олтан болгъан игиди!
- Ач бёрюге мекям джокъ.
- Тюз сёз баргъан сууну тыяр.
- Уллу къазанда бишген эт, чий къалмаз.
Катание верхом
14.06.2008 17:32:24
[b:7ae58def3c]Светлана[/b:7ae58def3c], Если-бы была в пределах досягаемости, то научили бы, без проблем)))
|
||||
|
|
|||
Читают тему (гостей: 1)