- Аман хансны – урлугъу кёб.
- Келинин тута билмеген, къул этер, къызын тута билмеген, тул этер.
- Эм ашхы къайын ана мамукъ бла башынгы тешер.
- Биреу къой излей, биреу той излей.
- Къобан да къуру да къобханлай турмайды, адам да къуру да патчахлай турмайды.
- Ариу – кёзге, акъыл – джюрекге.
- Тиширыусуз юй – отсуз от джагъа.
- Джерни букъусу кёкге къонмаз.
- Иесиз малны бёрю ашар.
- Аман киши кеси юйюнде – къонакъ.
- Гугурук къычырмаса да, тангны атары къалмаз.
- Джети тилни билген джети кишиди.
- Джылкъыдан – ат чыгъар, тукъумдан – джаш чыгъар.
- Тойгъан антын унутур.
- Экеу тутушса, биреу джыгъылыр.
- Сёлеш деб шай берген, тохта деб, сом берген.
- Дженгил джетерикме деб, узун джолну къоюб, къысхасын барма.
- Чомартха хар кюн да байрамды.
- Келлик заман – къартлыкъ келтирир, кетген заман – джашлыкъ ёлтюрюр.
- Иги джашны ышаны – аз сёлешиб, кёб тынгылар.
- Къарт бла баш аша, джаш бла аякъ аша.
- Босагъагъа джууукъ орун болса, ашыгъыб тёрге озма.
- Къызгъанчдан ычхыныр, мухардан ычхынмаз.
- Окъдан джара эртде-кеч болса да бителир, сёз джара, ёмюрге къалыр.
- Хантына кёре тузу, юйюне кёре къызы.
- Игини сыйлагъан адетди.
- Билген билмегенни юретген адетди.
- Адамны артындан къара сабан сюрме.
- Эл тойса, тоймагъан, эл къойса, къоймагъан.
- Эркишиге тары кебек танг кёрюнюр.
- Акъыл сабырлыкъ берир.
- Ач отунчуну ачыуу – бурнунда.
- Чомарт къолда мал къалмаз.
- Сууда джау джокъ, кёб сёзде магъана джокъ.
- Тюзлюк шохлукъну бегитир.
- Атлыны кёрсе, джаяуну буту талыр.
- Бир онгсуз адам адет чыгъарды, деб эштирик тюлсе.
- Адебсиз адам – джюгенсиз ат.
- Игилик игилик бла сингдирилиучю затды.
- Аманнга алтын чыдамаз.
- Оюмсуз атлагъан, аджалсыз ёлюр.
- Сакъалы текени да бар, мыйыгъы киштикни да бар.
- Ата Джуртуму башы болмасам да, босагъасында ташы болайым.
- Джаз бир кюнню джатсанг, къыш талай кюнню абынырса.
- Ёнгкюч къууана барыр, джылай келир.
- Бетинги сатма, малынгы сат.
- Аз айтсам, кёб ангылагъыз.
- Бет бетге къараса, бет да джерге къарар.
- Соргъан айыб тюлдю, билмеген айыбды.
- Джашда акъыл джокъ, къартда къарыу джокъ.
Катание верхом
14.06.2008 17:32:24
[b:7ae58def3c]Светлана[/b:7ae58def3c], Если-бы была в пределах досягаемости, то научили бы, без проблем)))
|
||||
|
|
|||
Читают тему (гостей: 1)