- Игилик игилик бла сингдирилиучю затды.
- Джюрекден джюрекге джол барды.
- Акъыл бла адеб эгизледиле.
- Хар сёзню орну барды.
- Кийим тукъум сордурур.
- Болджал ишни бёрю ашар.
- Къыз келсе, джумуш эте келеди, къатын келсе, ушакъ эте келеди.
- Адеб джокъда, намыс джокъ.
- Джаш къарыу бла кючлю, къарт акъыл бла кючлю.
- Джарлы эскисин джамаса, къууаныр.
- Юй кюйдю да, кюйюз чыкъды, ортасындан тюйюш чыкъды.
- Эм ашхы къайын ана мамукъ бла башынгы тешер.
- Арба аугъандан сора, джол кёргюзтюучю кёб болур.
- Мен да «сен», дейме, сен да «кесим», дейсе.
- Башынга джетмегенни сорма.
- Байлыкъ адамны сокъур этер.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Атлыны ашхысы, ат тизгининден билинир
- Аман киши кеси юйюнде – къонакъ.
- Ач бёрюге мекям джокъ.
- Сабий болмагъан джерде, мёлек болмаз.
- Кюн – узун, ёмюр – къысха.
- Тилде сюек болмаса да, сюек сындырыр.
- Кёбге таш атма.
- Ариу сёзде ауруу джокъ.
- Эте билген, этген этеди, эте билмеген, юретген этеди!
- Тура эдим джата, къайдан чыкъды хата?
- Нёгерсизни джолу узун.
- Адамны артындан къара сабан сюрме.
- Джарлы джети элни сёзюн этер.
- Суу ичген шауданынга тюкюрме.
- Аллахдан тилесенг, кёб тиле.
- Тюзню ётмеги тюзде къалса да, тас болмаз.
- Зар адам ашынгы ашар, кесинги сатар.
- Аджал соруб келмез, келсе, къайтыб кетмез.
- Кенгеш болса, уруш болмаз.
- Эли джокъну – кёлю джокъ.
- Ач келгенни – тойдур, кеч келгенни – къондур.
- Керилген да, ургъан кибикди.
- Къайтырыкъ эшигинги, къаты уруб чыкъма.
- Чёбню кёлтюрсенг, тюбюнден сёз чыгъар.
- Башы джабылгъан челекге, кир тюшмез.
- Садакъачыны джаны – къапчыгъында.
- Акъыл къартда, джашда тюйюлдю – башдады.
- Намыс сатылыб алынмайды.
- Босагъагъа джууукъ орун болса, ашыгъыб тёрге озма.
- Нафысынгы айтханын этме, намысынгы айтханын эт.
- Тил джюрекге джол ишлейди.
- Адамны бетине къарама, адетине къара.
- Кесине гебен этелмеген, биреуге черен эте эди.
Катание верхом
14.06.2008 17:32:24
[b:7ae58def3c]Светлана[/b:7ae58def3c], Если-бы была в пределах досягаемости, то научили бы, без проблем)))
|
||||
|
|
|||
Читают тему (гостей: 1)