- Тыш элде солтан болгъандан эсе, кесинги элде олтан болгъан игиди!
- Аууз сакълагъан – джан сакълар.
- Хунаны тюбюн къазсанг, юсюнге ауар.
- Атадан ёксюз – бир ёксюз, анадан ёксюз – эки ёксюз.
- Байлыкъ келсе, акъыл кетер.
- Къартны бурнун сюрт да, оноугъа тут.
- Къонагъынгы артмагъын алма да, алгъышын ал.
- Тюзлюк тас болмайды.
- Уллу сёзде уят джокъ.
- Зар адамны насыбы болмаз.
- Уллу атлама – абынырса, уллу къабма – къарылырса.
- Ач – эснер, ат – кишнер.
- Халкъны юйю – туугъан джери.
- Сабыр джетер муратха, сабырсыз къалыр уятха.
- Ургъан суудан башынгы сакъла.
- Акъыллы башны – тили къысха.
- Ат да турмайды бир териде.
- Къарт айтханны этмеген, къартаймаз.
- Чакъырылгъанны аты, чакъырылмагъанны багъасы болур.
- Ашда – бёрю, ишде – ёлю.
- Кийимни бичсенг, кенг бич, тар этген къыйын тюлдю.
- Борчунг бар эсе, хурджунунга ойлаб узал.
- Рысхы – сют юсюнде кёмюк кибикди.
- Огъурлуну сёзю – суу, огъурсузну сёзю – уу.
- Ашыкъгъанны этеги бутуна чырмалыр.
- Ана къойну – балагъа джандет.
- Кёл ашады да, кеси ашады.
- Ариу сёз аурууунгу алыр.
- Ачыкъ джюрекге джол – ачыкъ.
- Акъыл бла адеб эгизледиле.
- Айтхан сёзюне табылгъан.
- Билимли ёлмез, билимсиз кёрмез.
- Этек чакъмакълары баш джаргъан, сёлешген сёзлери таш джаргъан.
- Айтылгъан сёз ызына къайтмаз.
- Къазанда болса, чолпугъа чыгъар.
- Аз сёлеш, кёб ишле.
- Керек ташны ауурлугъу джокъ.
- Тойгъан джерден туугъан джер игиди.
- Окъ къызбайны джокълайды.
- Бек анасы джыламаз.
- Тойгъанлыкъ къойгъа джарашады.
- Биреу къой излей, биреу той излей.
- Къалгъан ишге къар джауар.
- Джыйырма къойну юч джыйырма эбзе кюте эди.
- Джюз элде джюз ёгюзюм болгъандан эсе, джюз джууугъум болсун.
- Адебсиз адам – джюгенсиз ат.
- Ёпкелегенни ашы татлы болады.
- Соргъан айыб тюлдю, билмеген айыбды.
- Къарнынг бла ёч алма.
- Кёбге таш атма.
напоминание о переходе на летнее время...(временная тема)
30.03.2010 12:43:09
Уважаемые пользователи... для удобства пользования просьба в своем профиле исправить... зимнее время на летнее...
|
|
|
|
27.03.2011 23:26:13
год прошел...пора время переводить...))на форуме тоже))
|
||||
|
|
|||
Читают тему (гостей: 1)