- Адам боллукъ, атламындан белгили болур.
- Кёз – сюйген джерде, къол – ауругъан джерде.
- Ата – билек, ана – джюрек!
- Уллу къашыкъ эрин джыртар.
- Ач къалгъандан, кеч къалгъан къолай.
- Джаханимни кёрмей, джандетге кёл салмазса.
- Къолунгдан къуймакъ ашатсанг да, атаны борчундан къутулмазса.
- Ачлыкъ отха секиртир.
- Олтуруб кёрюнмей эди да, ёрге туруб кёрюне эди.
- Ашыкъгъан cуу, тенгизге джетмез.
- Элни кючю – эмеген.
- «Ёгюз, джаргъа джууукъ барма, меннге джюк боллукъса», - дегенди эшек.
- Джюз элде джюз ёгюзюм болгъандан эсе, джюз джууугъум болсун.
- Ариу сёз – къылычдан джити.
- Ашлыкъны арба юйге келтирир, чана базаргъа элтир.
- Чомарт къонакъ юй иесин сыйлар.
- Адебни адебсизден юрен.
- Аурууну келиую тынч, кетиую – къыйын.
- Адеб базарда сатылмаз.
- Ариуну – ауруу кёб.
- Экеулен сёлеше тура эселе, орталарына барыб кирме.
- Ёлюк кебинсиз къалмаз.
- Къая джолда джортма, ачыкъ сёзден къоркъма.
- Туз, гырджын аша, тюзлюк бла джаша.
- Ёпкелегенни ашы татлы болады.
- Кесине гебен этелмеген, биреуге черен эте эди.
- Кёб джашагъан – кёб билир.
- Биреуге кёлтюрген таягъынг, кесинги башынга урур.
- Къыз чыгъаргъан – къызыл къымжа.
- Орну джокъну – сыйы джокъ.
- Сыфатында болмагъаны, суратында болмаз.
- Джаз бир кюнню джатсанг, къыш талай кюнню абынырса.
- Эл тойса, тоймагъан, эл къойса, къоймагъан.
- Адамны бетине къарама, адетине къара.
- Аманны тукъумуна къарама, игини тукъумун сорма.
- Ашда уялгъан – мухар, ишде уялгъан – хомух.
- Къазанчы аман болса, къазаны къайнамаз.
- Эки элинги тыйсанг, джети элде махталырса.
- Татлы сёз – балдан татлы.
- Къарнынг бла ёч алма.
- Къарыусузгъа кюлме, онгсузгъа тийме.
- Ата Джуртун танымагъан, атасын да танымаз.
- Ашын ашагъанынгы, башын да сыйла.
- Джашынгы кесинг юретмесенг, джашау юретир.
- Акъыллы – эл иеси, тели – эл баласы.
- Тай асырагъан, атха минер.
- Юре билмеген ит, къонакъ келтирир.
- Ашына кёре табагъы, балына кёре къалагъы.
- Къарны аманнга къазан такъдырма, къолу аманнга от джакъдырма.
- Ачлыкъда тары гырджын халыуадан татлы.
напоминание о переходе на летнее время...(временная тема)
|
Уважаемые пользователи... для удобства пользования просьба в своем профиле исправить... зимнее время на летнее...
|
|
|
|
|
|
год прошел...пора время переводить...))на форуме тоже))
|
||||
|
|
|
|||
Читают тему (гостей: 1)