- Акъыллы эркиши атын махтар, акъылсыз эркиши къатынын махтар.
- Ханы къызы буюгъа-буюгъа киштик болду.
- Ариу сёз – къылычдан джити.
- Аманны тукъумуна къарама, игини тукъумун сорма.
- Къарт бла баш аша, джаш бла аякъ аша.
- Айтылгъан сёз ызына къайтмаз.
- Адебсиз адам – джюгенсиз ат.
- Къыз келсе, джумуш эте келеди, къатын келсе, ушакъ эте келеди.
- Къарнынг бла ёч алма.
- Байлыкъ адамны сокъур этер.
- Гугурук къычырмаса да, тангны атары къалмаз.
- Ауругъан – джашаудан умутчу.
- Ата Джуртча джер болмаз, туугъан элча эл болмаз.
- Джарлы тюеге минсе да, ит къабар.
- Тели турса – той бузар.
- Ёпкелегенни ашы татлы болады.
- Джаш болсун, къыз болсун, акъылы, саны тюз болсун.
- Тёрде – темир таякълы, къаяда – чыпчыкъ аякълы.
- Ашлыкъны арба юйге келтирир, чана базаргъа элтир.
- Келгинчи, къонакъ уялыр, келгенден сора, къонакъбай уялыр.
- Башсыз урчукъ тюзюне айланмаз.
- Кесинг сынамагъан затны, адамгъа буюрма.
- Джангыз терек къынгыр ёсер.
- Аджалсыз ёлюм болмаз.
- Ат басханны джер билед.
- Ашда уялгъан – мухар, ишде уялгъан – хомух.
- Ёлген аслан – сау чычхан.
- Терслик кетер, тюзлюк джетер.
- Харам къарнашдан, халал тенг ашхы.
- Биреуге аманлыкъны тилеме да, кесинге ашхылыкъны тиле.
- Къарнынг ауруса, ауузунгу тый
- Ушамагъан – джукъмаз.
- Джумушакъ сёз къаты таякъны сындырыр.
- Эрни эр этерик да, къара джер этерик да, тиширыуду.
- Адам сёзге тынгыла, акъыл сёзню ангыла.
- Мураты болгъанны джюрек тебюую башхады.
- Ойнаб айтсанг да, эслеб айт.
- Айран тёгюлсе, джугъусу къалыр.
- Бозанг болмагъан джерге, къалагъынгы сукъма.
- Ашыкъгъан cуу, тенгизге джетмез.
- Таш ата билмеген, башына урур.
- Сакъалы текени да бар, мыйыгъы киштикни да бар.
- Юйлю уругъа ит чабмаз.
- Джети тилни билген джети кишиди.
- Кийимни бир кюнню аясанг, минг кюннге джарар.
- Чомартха Тейри да борчлуду.
- Аууз сакълагъан – джан сакълар.
- Тилчиден кери бол.
- Джигер – джаннга къыйынлыкъ.
- Сабыр джетер муратха, сабырсыз къалыр уятха.
Анкета Пруста
07.11.2006 22:19:08
...
|
|
|
|
08.11.2006 14:46:32
***
|
|
|
|
20.11.2006 16:18:01
|
|||
|
|
25.11.2006 01:21:03
повтор))
|
|
|
|
25.11.2006 01:39:29
[b:2d22f322d7]девиз хороший)надо его на заметку)[/b:2d22f322d7]
|
|
|
|
25.11.2006 02:15:30
пока нет диль диваны мона поболтать....так вот мне тааак скушна....что я даже заполнила эту длинючую анкету....как жеж скушна...где все?)
|
|
|
|
Читают тему (гостей: 1)