- Тенгинг джокъ эсе – изле, бар эсе – сакъла!
- Бозанг болмагъан джерге, къалагъынгы сукъма.
- Ана кёлю – балада, бала кёлю – талада.
- Ётген ёмюр – акъгъан суу.
- Этим кетсе да, сюегим къалыр.
- Чакъырылмагъан къонакъ къачан кетерин сормаз.
- Ойнай билмеген, оюн бузар.
- Тёрдеги кюлсе, эшикдеги ышарыр.
- Аз сёлешген, къайгъысыз турур.
- Бал ашаргъа сюе эсенг, чибин ургъаннга тёз.
- Бюгюн дуния кибик, тамбла ахыратды.
- Кёлю джокъну – джолу джокъ.
- Борчунг бар эсе, хурджунунга ойлаб узал.
- Сакъалы текени да бар, мыйыгъы киштикни да бар.
- Сютден ауузу кюйген, суугъа юфгюре эди.
- Тёрени джагъы джокъ.
- Ата джурт – алтын бешик.
- Ётюрюкню къуйругъу – бир тутум.
- Тешигини къатында, чычхан да батыр болур.
- Келлик заман – къартлыкъ келтирир, кетген заман – джашлыкъ ёлтюрюр.
- От этилмеген джерден тютюн чыкъмайды.
- Къызны минг тилер, бир алыр.
- Уллу сёзде уят джокъ.
- Ач къалгъандан, кеч къалгъан къолай.
- Къыйынлы джети элге оноу этер.
- Тил – миллетни джаны.
- Сёз садакъдан кючлюдю.
- Байма, деб да, къууанма, джарлыма, деб да, джылама.
- Билмегенинги, билгеннге сор.
- Биреуге кёлтюрген таягъынг, кесинги башынга урур.
- Кёб джат да, бек чаб.
- Биреуню тёрюнден, кесинги эшик артынг игиди.
- Джетген къыз джерли эшекни танымаз.
- Байны къызы баймакъ болса да, юйде къалмаз!
- Кесине гебен этелмеген, биреуге черен эте эди.
- Акъылсызны джууукъгъа алма, акъыллыны кенгнге салма.
- Тили узунну, намысы – къысха.
- Олтуруб кёрюнмей эди да, ёрге туруб кёрюне эди.
- Ашхылыкъ джерде джатмайды, аманлыкъ суугъа батмайды.
- Аман киши кеси юйюнде – къонакъ.
- Уллу атлама – абынырса, уллу къабма – къарылырса.
- Мухар, кеси тойса да, кёзю тоймаз.
- Джети тилни билген джети кишиди.
- Ёлюк кебинсиз къалмаз.
- Джаз бир кюнню джатсанг, къыш талай кюнню абынырса.
- Гырджын – тепсини тамадасы.
- Мени джылытмагъан кюн, меннге тиймесин!
- Сабыр джетер муратха, сабырсыз къалыр уятха.
- Ашхы – джыяр, аман – джояр.
- Ачыкъ джюрекге джол – ачыкъ.
Анкета Пруста
07.11.2006 22:19:08
...
|
|
|
|
08.11.2006 14:46:32
***
|
|
|
|
20.11.2006 16:18:01
|
|||
|
|
25.11.2006 01:21:03
повтор))
|
|
|
|
25.11.2006 01:39:29
[b:2d22f322d7]девиз хороший)надо его на заметку)[/b:2d22f322d7]
|
|
|
|
25.11.2006 02:15:30
пока нет диль диваны мона поболтать....так вот мне тааак скушна....что я даже заполнила эту длинючую анкету....как жеж скушна...где все?)
|
|
|
|
Читают тему (гостей: 1)