- Джюз элде джюз ёгюзюм болгъандан эсе, джюз джууугъум болсун.
- Къарнынг ауруса, ауузунгу тый
- Тюз сёз баргъан сууну тыяр.
- Билимсиз иш бармаз.
- Рысхысына кёре, джаш ёсер, къышлыгъына кёре, мал ёсер.
- Хата – гитчеден.
- Кимни – тили, тиши онглу, кимни – къолу, иши онглу.
- Хар адамгъа кеси миннген тау кибик.
- Борчунг бар эсе, хурджунунга ойлаб узал.
- Эринчекге кюн узун.
- Агъач – джерни чырайы, кийим – эрни чырайы.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Суу да къайтады чыкъгъан джерине.
- Сакъалы текени да бар, мыйыгъы киштикни да бар.
- Окъуу – билимни ачхычы, окъуу – дунияны бачхычы.
- Урунуу – насыбны анасы.
- Къан бла кирген, джан бла чыгъар.
- Тойгъа алгъа да барма, тойда артха да къалма.
- Къыз тиширыу кеси юйюнде да къонакъды.
- Танг атмайма десе да, кюн къоярыкъ тюйюлдю.
- Итли къонакъ джарашмаз.
- Хунаны тюбюн къазсанг, юсюнге ауар.
- Биреу къой излей, биреу той излей.
- Акъыл неден да кючлюдю.
- Къазанны башы ачыкъ болса, итге уят керекди.
- Юй кюйдю да, кюйюз чыкъды, ортасындан тюйюш чыкъды.
- Тёрдеги кюлсе, эшикдеги ышарыр.
- Айтханы чапыракъдан ётмеген.
- Адеби болмагъан къыз – тузсуз хант.
- Ёпкелегенни ашы татлы болады.
- Ашхылыкъ джерде джатмайды, аманлыкъ суугъа батмайды.
- Къонагъы джокъну – шоху джокъ.
- Гырджын – тепсини тамадасы.
- Адамны аманы адамны бети бла ойнар.
- Бир онгсуз адам адет чыгъарды, деб эштирик тюлсе.
- Аманнга игилик этсенг, юйюнге сау бармазса.
- Атынг аманнга чыкъгъандан эсе, джанынг тамагъынгдан чыкъсын.
- Босагъа таш юйге кирмей эди, тыбыр таш эшикге чыкъмай эди.
- Къарны аманнга къазан такъдырма, къолу аманнга от джакъдырма.
- Ауурну тюбю бла, дженгилни башы бла джюрюген.
- Бети – къучакълар, джюреги – бычакълар.
- Ауругъаннга – кийик саулукъ, джетген къызгъа – чилле джаулукъ.
- Гугурук къычырмаса да, тангны атары къалмаз.
- Чомарт къолда мал къалмаз.
- Джюрекден джюрекге джол барды.
- Ким бла джюрюсенг, аны кёзю бла кёрюнюрсе.
- Джиби бир къат джетмей эди да, эки къат тарта эди.
- Къалгъан ишге къар джауар.
- Бетинги сатма, малынгы сат.
- Джарлы тюеге минсе да, ит къабар.
Къарачаим- Малкъарым!
17.04.2006 04:41:37
Эски форумдан артха къалмаикъда бизда къарачай-малкъарча селешеик. Оюн, чам, ушакъ, назму, алгъыш-къаргъыш, не сюйсегизда кесибизни тилде джазаикъ. :smt017
|
|
|
|
17.04.2006 12:29:43
))) къаргышла керек болсала къычырыкъ этерсиз)))) аннямы маджал-маджалларындан уретирме)))
|
|
|
|
18.04.2006 17:21:50
|
|||
|
|
18.04.2006 17:38:37
|
|||
|
|
20.04.2006 00:25:52
[color=green:5a35fe2665][b:5a35fe2665][size=18:5a35fe2665]Сора айтыгъыз тёгерек сёз[/size:5a35fe2665][/b:5a35fe2665][/color:5a35fe2665] :smt111
|
|
|
|
20.04.2006 01:37:32
КъарачаЙЫм - Малкъарым :smt016
|
|
|
|
21.04.2006 14:55:39
Мен сизни блайгъа кърал джарсыуну юсюнден сёлеширге чакъырмагъанма, тюкенге къурт-къатапа къумач келтиргенле, отрезчикле аллыкъ бармысыз? Кюбюрге алыб салыб къойсагъыз, бара баргъан джашауда бир джугъугъузгъа джарареди. :smt002
|
|
|
|
05.05.2006 03:07:53
Джамагъат, мени бир сорурум барды. Орусча: мама, бабушка, прабабушка... Къарачайча тюз къалай айтырыкъты сабий кесини анасына - ання, къарт анасына - анам?
Кесим анама мама дейме, анам бла атамы аналарына ання. Энди сабийледа менге мама, къартлагъа ання (мени анняларыма къарт ання). Аталарына аття дейдиле, аны атасынада черкесскийде аття.
|
|
|
|
08.05.2006 22:40:35
|
|||
|
|
11.05.2006 15:34:43
|
|||
|
|
21.05.2006 15:57:55
дайте перевод плиз))) :smt003
|
|
|
|
22.05.2006 03:40:39
мама- ана, бабушк- ання, прабабушка- къарт ання. Андан арысын билмейме :smt003 . Кесим сау кюнню орусча селещалмайма, бир кере школда окъугъан заманымда, Эртемля кетиб, сора къарачай къызла уа келмеин къалгъанедиле. Аныбла орус-черкес къызлабла къарачайча селещеедим :smt005
|
|
|
|
22.05.2006 14:55:18
ооо...... :smt115
|
|
|
|
25.05.2006 03:19:10
|
|||
|
|
25.05.2006 17:12:48
:smt023
|
|
|
|
15.07.2006 12:56:41
къарайма да... былайда ата-ана...аття-ання... сезлени магъанасын табыб симсиреб къалдыгъыз... селешеик дей эсегиз селешеик... алай а... мен бюгюнге дери кере келгениме таяныб айтырыкъ болсам... тилни билген...кеб сез билген тюлдю...тилни билеме деб айтыр ючюн ол тилде сагъыш этерге керекди... кесим ючюн айтырыкъ болсам...мени башымда бусагъатда къатышды не да... сагъыш къайсы тилде этесе деб сорлукъ болсагъыз... джууабым "билмейме" боллукъду... къарачайча, орусча, тюркче къатышыб турады... былай сагъышларымы къагъытха тёгерик болсам... башхала къой... кесимда къыйналыб ангыларма не джазгъанымы...))
|
|
|
|
15.07.2006 17:01:22
Ай иги джаным, башинга сый тарта болурмуса, бек ариу сёлешесе тилибизде. Не сеирэседа къызладан эсе джашла кирсиз сёлеше болурламы тилде? Не тилде сагъыш этгенинги бек уллу магъанасы барды, башха джердеда бир окъугъанем къайсы тилде сёлешсем ол тилде сагъыш этеме дегенинги. Кесимда алайма деб турама, алая орусча сёлешсем омакъланыргъа кёб артыкъ сёз къошуб къояма, кесибизни тилде сёлешсем къысха кереклими айтыб омакъ сёлеширге тил джетмей къалады. Сёзючюн: къуанчда (кёб болмай келгеними биле болурсуз) алгъыш этерге джетгенинде (этигиз айыб) орусча айтдым, къарачайча хар кимда айтханны айтыргъа сюймейме, кёлюмдегин айтама десем тилим джетмей орусча чалдыра башларыгъем, аны ючюн орусчагъа кёчдюм, алая къарачай сёзлеча джюрекден джылы келмей бек тюрлю суукъ сёзлеге санадым. Бизни сёзлерибизни магъанасын орусча айтхан бек къыйынды.
Тушканчикге уллу Салам Кавказда тургъан чычхан (грызуны) маталлыладан бир къарнашингдан, алай кемсиз сюйюб эркелетееди атынгы. Аллах бир биригизден айырмасын. Бек тилесенг картларында ийерме сенге.
|
|
|
|
15.07.2006 17:25:33
Аллах сакъласын...башыма къургъакъ сый тартхандан... дагъыда мени сагъышым...адам кесин къарыусузракълагъа тенг этиб...аладан а такъылма, деб кесине кёл салыб турмай...онглуракълагъа къараб...алача бир болалсам, деб...къайдам...ала тенгли, тил юсюнден айтсакъ, селеширге... башха затны айтсакъ, аллай болургъа тырмашыргъа керекди... сез да джокъду... тилни бир себебден билмегенлеге кере суу устама... былай тил джауум къуругъунчу сёлешелирме... алай а... ол керти усталаны къатында... джангы селеширге юренге бала кибик..ынгычхай къалыб кетеме... чам-оюн болсун... алгъыш айтыу болсун... тюз ушакъ болсун... айыблыма дагъыда..къарт атамы къой... атамы айтханларынг англамай къойгъаным бола эди...
алгъыш айтханны юсюнден селеширик болсакъ... мен орусча алгъыш айта башласам дынг болуб къалама... къарачайчагъа тартыб...къарачай тилден кёчюреме айтырыкъларымы...тылмачлыгъым былайда да къоймайды...
ана тилде сагъышны юсюнден... айтырыгъым эсе... сагъыш этерге да юренирге боллукъду...дагъыда аны юренир ючюн кесинге бой салыб, сабыр этим... кюреширге керекди... хаман китаб окъуб... къайдам...ески джырлагъа тынгылаб...ана тилингде кесинги къыйнарыкъ болсангда селешиб...уялмай...этген халатынг болса адамладан тюзюн юрениб... бу затла этилгенден сора... сагъыш этиб башларыкъ болур эдик...
хех... орус тилде окъугъан китабларымы терт этиб бирин къарачайча окъуса эдим...чырт уялмай... къарачай тилни иги билеме дерге боллукъ эди...)))
|
|
|
|
15.07.2006 22:23:48
|
|||
|
|
16.07.2006 02:31:09
Аппаланы Билялны китабы "Биринчи сюймеклик", болур эди...мен эштгенме ол китабны юсюнден..дагъыда окъурча къолума тюшмегенди...
назму дегенинг алайды...къысхады... магъаналыды... эски сезле да кеб чыгъадыла... менде да чот туура сендечады... эринчеклик дегенинги айтама... дагъыда сезлюкге къараргъа атам юретб къойгъанды да... аны бла ол затха эринмеученме...)))сабий сагъатымда сорсам... къолума сезлюкню туттуруб..."изле, юрен, бил.."..деб къоюучан эди...
менге сорлукъ болсанг...не окъугъанса деб... айтырыгъым... Къара Кюбюр...Таулада Таууш... Къарчай-Малкъар халк фольклор... Нарты деген китаб...бир джартысы къарачайча..ол бири орусча... дагъыда назмула... Байрамукъланы Халимат... Семенланы Исмаил...Къочхарланы Къасбот...андан сора.....Омар Хайям "Рубаи"си бла Вильям Шекспирни "Отелло"сун...окъугъанма....
тил юсюнде..эм бек неге сокъуранаса десенг а.... школ заманымда...къарачай тил... къарачай адабият...дерслеге берилирге керегича сый бермегенимди...
|
|
|
|
17.07.2006 14:27:05
АППАЛАНЫ БИЛЯЛНЫ КИТАБЫ ("БИРИНЧИ СЮЙМЕКЛИК") МЕНДЕ БАРДЫ, БИЛЯЛ КЪОЛ САЛЫБ БЕРГЕНДИ. КЪАРАЧАЙ КИТАБЛА ДА КЁБДЮЛЕ (КЪУРУ НАЗМУЛА БОЛМАЙ, ТАУРУХЛА ДА, ХАПАРЛАДА),БЕК СЮЕМЕ ОКЪУРГЪА.АЛАЙ БОСАДА, НЕ ДЖАШЫРУУ, ОРУСЧА ИЗЛЕГЕНИМИ ИГИРЕК АНГЫЛАТАМА, КЪАРАЧАЙ СЁЗЛЕНИ КЁБЮН БИЛМЕГЕНГЕ САНАЙМА КЕСИМИ. ШКОЛДА ОКЪУМАГЪАНМА ТИЛНИ, ОРУСЛАНЫ ИЧИНДЕ ЁСГЕНМЕ (НАРСАНАДА). ЮЙЮБЮЗДЕ КЪУРУДА КЕСИБИЗНИ ТИЛДЕ СЁЛЕШЕЙЕК.
СОРА ДА, АТАЛА-АНАЛАГЪА КЪАЛАЙ АЙТАМА ДЕСЕГИЗ:
АНАМА,АТАМА-МАМА, ПАПА.
АЛАНЫ АТАЛАРЫНА-АНАЛАРЫНА - АММА, АТТЯ.
АЛАНЫ АТА-АНАЛАРЫНА (ПРАБАБУШКА БЛА ПРАДЕДУШКАЛАГЪА- ОЛ НАСЫБНЫ АЛЛАХ БЕРГЕНДИ, КЁРГЕНМЕ)- АРЮУ АММА , АТАМ ДЕБ СЁЛЕШЕЕК.
МЕНГЕ АТ ДА АТАМ АТАГЪАНДЫ (ПАПАНЫ ДЕДУШКАСЫ)!ОЛ ДУНИЯСЫ ДЖАРЫКЪ БОЛСУН.
ТИЛИБИЗНИ УА БИЛИРГЕ КЕРЕКБИЗ!
|
|
|
|
18.07.2006 16:09:45
тилни юсюнден...селешебиз да селешебиз...алай эсе...сагъышларымы айтайым...тил деген зат..джанлы...хаман джангы зат къошуб...келиштириб...бармасакъ унутулуб барлыкъды...сез ючюн айтрыгъа... ол биягъы китаб окъугъаннга къайтсакъ...
тюнене китаб алыб окъуб кердюм...тышымдан окъуб кердюм... эки сезню бир бирине джалгъаялмай къалса боламыды... сора кесиме да айыб этиб... сагъышха кирдим...
...къыйналмай ана тилимде окъуяллыкъма деб... кекрекге уруб... махтыныб айлланнган заманчыкъ келди сора эсиме...бар эди аллай заманлада... сора ангыладым... былай бир джыл чакълы бирни...биргеме къарачай-малкъар халкъдан киши болмай...китаб табар мадарым болмай къалса... тилни бютеу да унутурукъма....
|
|
|
|
18.07.2006 16:39:31
ол сиз айтхан китапланы къайда табаргъа боллукъду?
|
||||
|
|
|||
Читают тему (гостей: 1)