Войти на сайт
19 Апреля 2024 года

 

  • Адеби болмагъан къыз – тузсуз хант.
  • Сагъыш – къартлыкъгъа сюйюмчю.
  • Къарны аманнга къазан такъдырма, къолу аманнга от джакъдырма.
  • Ашаса, ашамаса да, бёрюню ауузу – къан.
  • Ёзденликни кёбю ётюрюк.
  • Бир абыннган – минг сюрюнюр.
  • Акъыллы – эл иеси, тели – эл баласы.
  • Уллу суу бла уллу ауруудан башынгы сакъла.
  • Къарт бла баш аша, джаш бла аякъ аша.
  • Аманны къуугъан, аманлыкъ табар.
  • Тынгылагъан тынгы бузар.
  • Ачыу алгъа келсе, акъыл артха къалады.
  • Нёгер болсанг, тенг бол, тенг болмасанг, кенг бол.
  • Ашхылыкъ джерде джатмайды, аманлыкъ суугъа батмайды.
  • Дуния малгъа сатылма, кесингден телиге къатылма.
  • Сёз къанатсыз учар.
  • Джолунга кёре – джюрюшюнг, джагъанга кёре – юлюшюнг.
  • Этни бети бла шорпасы.
  • Уллу къазанда бишген эт, чий къалмаз.
  • Байлыкъ тауусулур, билим тауусулмаз.
  • Айтхан сёзюне табылгъан.
  • Айтхан – тынч, этген – къыйын.
  • Джюрекге ариу – кёзге да ариу.
  • Ачлыкъ отха секиртир.
  • Юйюнгден чыкъдынг – кюнюнгден чыкъдынг.
  • Адеб этмеген, адеб кёрмез.
  • Суу да къайтады чыкъгъан джерине.
  • Тамчы таш тешер.
  • Айранын берсенг, челегин да къызгъанма.
  • Эшекни не къадар тюйсенг да, ат болмаз.
  • Арбаз къынгырды да, ийнек сауалмайма.
  • Къолунгдан къуймакъ ашатсанг да, атаны борчундан къутулмазса.
  • Эл бла кёргенинг эрелей.
  • Джан саулукъ бермей, сан саулукъ бермезсе.
  • Адамгъа аман кюн соруб келмейди.
  • Ачлыкъда тары гырджын халыуадан татлы.
  • Мени джылытмагъан кюн, меннге тиймесин!
  • Айтханы чапыракъдан ётмеген.
  • Айранны сюйген, ийнек тутар.
  • Аман эсирсе, юйюн ояр.
  • Онгсузну – джакъла, тенгликни – сакъла.
  • Бал чибинни ургъаны – ачы, балы – татлы.
  • Ишлерге уял да, ашаргъа табма.
  • Битмегеннге сакъал – танг.
  • Сёз садакъдан кючлюдю.
  • Адеб джокъда, намыс джокъ.
  • Къазанчы аман болса, къазаны къайнамаз.
  • Джюрек кёзден алгъа кёрюр.
  • Телиге акъыл салгъандан эсе, ёлгеннге джан салырса.
  • Эрни эр этерик да, къара джер этерик да, тиширыуду.

 

Архив Форума » Новый Форум [архив] » - НФ - Карачаево-балкарская культура и история
Страницы: 1 2 3 4 5 6 След.
RSS
Къарачаим- Малкъарым!
 
#1
Джаратама0
17.04.2006 04:41:37
Эски форумдан артха къалмаикъда бизда къарачай-малкъарча селешеик. Оюн, чам, ушакъ, назму, алгъыш-къаргъыш, не сюйсегизда кесибизни тилде джазаикъ. :smt017
 
 
 
#2
Джаратама0
17.04.2006 12:29:43
))) къаргышла керек болсала къычырыкъ этерсиз)))) аннямы маджал-маджалларындан уретирме)))
 
 
 
#3
Джаратама0
17.04.2006 17:19:06
Инанырыкъ тююлсюз - менге кёре быллай темала ,эм джарарыкъладан дыла. Себеби - къайдам, кесибизни тилибизни юренейик, ансы хаманда орус сёзлени къошуп сёлешебиз, тил унутулуп барады... ............Хайда алгъа!...................
 
 
 
#4
Джаратама0
18.04.2006 02:46:17
Цитата
))) къаргышла керек болсала къычырыкъ этерсиз)))) аннямы маджал-маджалларындан уретирме)))
Аллах игилик берсин, ол чотха кесибизда устабыз, алгъышха урет ансын. Не сеир эседа, Москвада орусча селеширге къыйналама, къайинлагъа барсам къарачайча бла орусчаны чалыштырама :smt002 Тынглаб тургъандан игиси джокъ, Аллах менге буйюрмагъанды аны.
 
 
 
#5
Джаратама0
18.04.2006 17:21:50
Цитата
Тынглаб тургъандан игиси джокъ, Аллах менге буйюрмагъанды аны.
Къыйналма , китабланы кёбюрек окъусакъ(!) бир затла келиштирикбиз. Бир бир орус сёзлени къарачайча къалай болгъанында билмесем осагъатда къачтырыб башлайма((
 
 
 
#6
Джаратама0
18.04.2006 17:38:37
Цитата
Аллах игилик берсин, ол чотха кесибизда устабыз, алгъышха урет ансын. Не сеир эседа, Москвада орусча селеширге къыйналама, къайинлагъа барсам къарачайча бла орусчаны чалыштырама Тынглаб тургъандан игиси джокъ, Аллах менге буйюрмагъанды аны.
гЪы... мен а орус тилге джангыдан урене турама диплом заманга)) бу джылны окъуга джюрюмейин))) оруслуланы кермейин турганмада))) Къарачайда бир кере "къырпыч" деб миллетни кюлдюрткенем))) "марина сен а омюрюнг эльде джашаган къатынчыкълача айтып къойдунг да" деп къозуелле))) мен а эслегенда этмегенем.... ишетип да айтмаганем)) тилим КЪга уренип къалганды) орус сезленида жумушакъ айталмайма))
 
 
 
#7
Джаратама0
20.04.2006 00:25:52
[color=green:5a35fe2665][b:5a35fe2665][size=18:5a35fe2665]Сора айтыгъыз тёгерек сёз[/size:5a35fe2665][/b:5a35fe2665][/color:5a35fe2665] :smt111
 
 
 
#8
Джаратама0
20.04.2006 01:37:32
КъарачаЙЫм - Малкъарым :smt016
 
 
 
#9
Джаратама0
21.04.2006 14:55:39
Мен сизни блайгъа кърал джарсыуну юсюнден сёлеширге чакъырмагъанма, тюкенге къурт-къатапа къумач келтиргенле, отрезчикле аллыкъ бармысыз? Кюбюрге алыб салыб къойсагъыз, бара баргъан джашауда бир джугъугъузгъа джарареди. :smt002
 
 
 
#10
Джаратама0
05.05.2006 03:07:53
Джамагъат, мени бир сорурум барды. Орусча: мама, бабушка, прабабушка... Къарачайча тюз къалай айтырыкъты сабий кесини анасына - ання, къарт анасына - анам? Кесим анама мама дейме, анам бла атамы аналарына ання. Энди сабийледа менге мама, къартлагъа ання (мени анняларыма къарт ання). Аталарына аття дейдиле, аны атасынада черкесскийде аття.
 
 
 
#11
Джаратама0
08.05.2006 22:40:35
Цитата
Джамагъат, мени бир сорурум барды. Орусча: мама, бабушка, прабабушка... Къарачайча тюз къалай айтырыкъты сабий кесини анасына - ання, къарт анасына - анам? Кесим анама мама дейме, анам бла атамы аналарына ання. Энди сабийледа менге мама, къартлагъа ання (мени анняларыма къарт ання). Аталарына аття дейдиле, аны атасынада черкесскийде аття.
Наоборот(а бу сёзге уа Къарачайча къалай дейдиле :smt004 ), кесини анасына-анам, а къарт анасына-ання или къарт анам :smt001
 
 
 
#12
Джаратама0
11.05.2006 15:34:43
Цитата
Наоборот(а бу сёзге уа Къарачайча къалай дейдиле ), кесини анасына-анам, а къарт анасына-ання или къарт анам
"Нооборот" къалай болгъанын билмейме, алайда "или" къарачайча "огъесе" эди! :smt018
 
 
 
#13
Джаратама0
21.05.2006 15:57:55
дайте перевод плиз))) :smt003
 
 
 
#14
Джаратама0
22.05.2006 03:40:39
мама- ана, бабушк- ання, прабабушка- къарт ання. Андан арысын билмейме :smt003 . Кесим сау кюнню орусча селещалмайма, бир кере школда окъугъан заманымда, Эртемля кетиб, сора къарачай къызла уа келмеин къалгъанедиле. Аныбла орус-черкес къызлабла къарачайча селещеедим :smt005
 
 
 
#15
Джаратама0
22.05.2006 14:55:18
ооо...... :smt115
 
 
 
#16
Джаратама0
25.05.2006 03:19:10
Цитата
дайте перевод плиз))) :smt003
Боюсь перевода здесь не будет, так как эта страничка посвящена именно языку. А выше речь шла о правильном расположении слов мама-бабушка-прабабушка по карачаевски :smt001
 
 
 
#17
Джаратама0
25.05.2006 17:12:48
:smt023
 
 
 
#18
Джаратама0
15.07.2006 12:56:41
къарайма да... былайда ата-ана...аття-ання... сезлени магъанасын табыб симсиреб къалдыгъыз... селешеик дей эсегиз селешеик... алай а... мен бюгюнге дери кере келгениме таяныб айтырыкъ болсам... тилни билген...кеб сез билген тюлдю...тилни билеме деб айтыр ючюн ол тилде сагъыш этерге керекди... кесим ючюн айтырыкъ болсам...мени башымда бусагъатда къатышды не да... сагъыш къайсы тилде этесе деб сорлукъ болсагъыз... джууабым "билмейме" боллукъду... къарачайча, орусча, тюркче къатышыб турады... былай сагъышларымы къагъытха тёгерик болсам... башхала къой... кесимда къыйналыб ангыларма не джазгъанымы...))
 
 
 
#19
Джаратама0
15.07.2006 17:01:22
Ай иги джаным, башинга сый тарта болурмуса, бек ариу сёлешесе тилибизде. Не сеирэседа къызладан эсе джашла кирсиз сёлеше болурламы тилде? Не тилде сагъыш этгенинги бек уллу магъанасы барды, башха джердеда бир окъугъанем къайсы тилде сёлешсем ол тилде сагъыш этеме дегенинги. Кесимда алайма деб турама, алая орусча сёлешсем омакъланыргъа кёб артыкъ сёз къошуб къояма, кесибизни тилде сёлешсем къысха кереклими айтыб омакъ сёлеширге тил джетмей къалады. Сёзючюн: къуанчда (кёб болмай келгеними биле болурсуз) алгъыш этерге джетгенинде (этигиз айыб) орусча айтдым, къарачайча хар кимда айтханны айтыргъа сюймейме, кёлюмдегин айтама десем тилим джетмей орусча чалдыра башларыгъем, аны ючюн орусчагъа кёчдюм, алая къарачай сёзлеча джюрекден джылы келмей бек тюрлю суукъ сёзлеге санадым. Бизни сёзлерибизни магъанасын орусча айтхан бек къыйынды. Тушканчикге уллу Салам Кавказда тургъан чычхан (грызуны) маталлыладан бир къарнашингдан, алай кемсиз сюйюб эркелетееди атынгы. Аллах бир биригизден айырмасын. Бек тилесенг картларында ийерме сенге.
 
 
 
#20
Джаратама0
15.07.2006 17:25:33
Аллах сакъласын...башыма къургъакъ сый тартхандан... дагъыда мени сагъышым...адам кесин къарыусузракълагъа тенг этиб...аладан а такъылма, деб кесине кёл салыб турмай...онглуракълагъа къараб...алача бир болалсам, деб...къайдам...ала тенгли, тил юсюнден айтсакъ, селеширге... башха затны айтсакъ, аллай болургъа тырмашыргъа керекди... сез да джокъду... тилни бир себебден билмегенлеге кере суу устама... былай тил джауум къуругъунчу сёлешелирме... алай а... ол керти усталаны къатында... джангы селеширге юренге бала кибик..ынгычхай къалыб кетеме... чам-оюн болсун... алгъыш айтыу болсун... тюз ушакъ болсун... айыблыма дагъыда..къарт атамы къой... атамы айтханларынг англамай къойгъаным бола эди... алгъыш айтханны юсюнден селеширик болсакъ... мен орусча алгъыш айта башласам дынг болуб къалама... къарачайчагъа тартыб...къарачай тилден кёчюреме айтырыкъларымы...тылмачлыгъым былайда да къоймайды... ана тилде сагъышны юсюнден... айтырыгъым эсе... сагъыш этерге да юренирге боллукъду...дагъыда аны юренир ючюн кесинге бой салыб, сабыр этим... кюреширге керекди... хаман китаб окъуб... къайдам...ески джырлагъа тынгылаб...ана тилингде кесинги къыйнарыкъ болсангда селешиб...уялмай...этген халатынг болса адамладан тюзюн юрениб... бу затла этилгенден сора... сагъыш этиб башларыкъ болур эдик... хех... орус тилде окъугъан китабларымы терт этиб бирин къарачайча окъуса эдим...чырт уялмай... къарачай тилни иги билеме дерге боллукъ эди...)))
 
 
 
#21
Джаратама0
15.07.2006 22:23:48
Цитата
орус тилде окъугъан китабларымы терт этиб бирин къарачайча окъуса эдим...чырт уялмай... къарачай тилни иги билеме дерге боллукъ эди...)))
Мен джюз этиб бирин окъусамда джетереди менге))) Сагъыш этемеда 2 китабдан кёб эсиме тюшюрермейме. Бир "Къара кюбюр" Аппаланы Хасанны, экинчиси Аппаланы Билялны атын нетиб эсиме тюшюралмайма, орус шахарда джашагъан терсеиб тургъан бир тышырыуну юсюнден. Джашны сюймеклиги бла къызда тюзелиб юй-кюн болуб къалгъанелле. Кёбюсюне назмула окъуйма, къысхаракъ болгъаллары ючюн болур, ким билед. Мени бир аманлыгъым эринчекликден болур англамагъан сёзюме магъана излеб къараб айланмайма, къатымда сорур адамым болса сордум, соргъанлыгъымада кюнсаин эште тургъан сёзле болмасала эсимде чыртда къалмайла.
 
 
 
#22
Джаратама0
16.07.2006 02:31:09
Аппаланы Билялны китабы "Биринчи сюймеклик", болур эди...мен эштгенме ол китабны юсюнден..дагъыда окъурча къолума тюшмегенди... назму дегенинг алайды...къысхады... магъаналыды... эски сезле да кеб чыгъадыла... менде да чот туура сендечады... эринчеклик дегенинги айтама... дагъыда сезлюкге къараргъа атам юретб къойгъанды да... аны бла ол затха эринмеученме...)))сабий сагъатымда сорсам... къолума сезлюкню туттуруб..."изле, юрен, бил.."..деб къоюучан эди... менге сорлукъ болсанг...не окъугъанса деб... айтырыгъым... Къара Кюбюр...Таулада Таууш... Къарчай-Малкъар халк фольклор... Нарты деген китаб...бир джартысы къарачайча..ол бири орусча... дагъыда назмула... Байрамукъланы Халимат... Семенланы Исмаил...Къочхарланы Къасбот...андан сора.....Омар Хайям "Рубаи"си бла Вильям Шекспирни "Отелло"сун...окъугъанма.... тил юсюнде..эм бек неге сокъуранаса десенг а.... школ заманымда...къарачай тил... къарачай адабият...дерслеге берилирге керегича сый бермегенимди...
 
 
 
#23
Джаратама0
17.07.2006 14:27:05
АППАЛАНЫ БИЛЯЛНЫ КИТАБЫ ("БИРИНЧИ СЮЙМЕКЛИК") МЕНДЕ БАРДЫ, БИЛЯЛ КЪОЛ САЛЫБ БЕРГЕНДИ. КЪАРАЧАЙ КИТАБЛА ДА КЁБДЮЛЕ (КЪУРУ НАЗМУЛА БОЛМАЙ, ТАУРУХЛА ДА, ХАПАРЛАДА),БЕК СЮЕМЕ ОКЪУРГЪА.АЛАЙ БОСАДА, НЕ ДЖАШЫРУУ, ОРУСЧА ИЗЛЕГЕНИМИ ИГИРЕК АНГЫЛАТАМА, КЪАРАЧАЙ СЁЗЛЕНИ КЁБЮН БИЛМЕГЕНГЕ САНАЙМА КЕСИМИ. ШКОЛДА ОКЪУМАГЪАНМА ТИЛНИ, ОРУСЛАНЫ ИЧИНДЕ ЁСГЕНМЕ (НАРСАНАДА). ЮЙЮБЮЗДЕ КЪУРУДА КЕСИБИЗНИ ТИЛДЕ СЁЛЕШЕЙЕК. СОРА ДА, АТАЛА-АНАЛАГЪА КЪАЛАЙ АЙТАМА ДЕСЕГИЗ: АНАМА,АТАМА-МАМА, ПАПА. АЛАНЫ АТАЛАРЫНА-АНАЛАРЫНА - АММА, АТТЯ. АЛАНЫ АТА-АНАЛАРЫНА (ПРАБАБУШКА БЛА ПРАДЕДУШКАЛАГЪА- ОЛ НАСЫБНЫ АЛЛАХ БЕРГЕНДИ, КЁРГЕНМЕ)- АРЮУ АММА , АТАМ ДЕБ СЁЛЕШЕЕК. МЕНГЕ АТ ДА АТАМ АТАГЪАНДЫ (ПАПАНЫ ДЕДУШКАСЫ)!ОЛ ДУНИЯСЫ ДЖАРЫКЪ БОЛСУН. ТИЛИБИЗНИ УА БИЛИРГЕ КЕРЕКБИЗ!
 
 
 
#24
Джаратама0
18.07.2006 16:09:45
тилни юсюнден...селешебиз да селешебиз...алай эсе...сагъышларымы айтайым...тил деген зат..джанлы...хаман джангы зат къошуб...келиштириб...бармасакъ унутулуб барлыкъды...сез ючюн айтрыгъа... ол биягъы китаб окъугъаннга къайтсакъ... тюнене китаб алыб окъуб кердюм...тышымдан окъуб кердюм... эки сезню бир бирине джалгъаялмай къалса боламыды... сора кесиме да айыб этиб... сагъышха кирдим... ...къыйналмай ана тилимде окъуяллыкъма деб... кекрекге уруб... махтыныб айлланнган заманчыкъ келди сора эсиме...бар эди аллай заманлада... сора ангыладым... былай бир джыл чакълы бирни...биргеме къарачай-малкъар халкъдан киши болмай...китаб табар мадарым болмай къалса... тилни бютеу да унутурукъма....
 
 
 
#25
Джаратама0
18.07.2006 16:39:31
ол сиз айтхан китапланы къайда табаргъа боллукъду?
 
 
 
Страницы: 1 2 3 4 5 6 След.
Читают тему (гостей: 1)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2024 Elbrusoid.org  |  Все права защищены Законами Гор.