- Тин – байлыгъынг, терен саулугъунг.
- Къыйынлы джети элни къайгъысын этер.
- Кийим тукъум сордурур.
- Къарнынг ауруса, ауузунгу тый
- Арбаз сайлама да, хоншу сайла.
- Тёрени джагъы джокъ.
- Чомартха Тейри да борчлуду.
- Джашда акъыл джокъ, къартда къарыу джокъ.
- Гыдай эчки суугъа къараб, мюйюзле кёрмесе, джашма алкъын, дегенди.
- Ойнай билмеген, оюн бузар.
- Арыгъан къош чамчы болур.
- Ётюрюкден тюбю джокъ, кёлтюрюрге джиби джокъ.
- Къонагъы джокъну – шоху джокъ.
- Миллетни бойну – базыкъ, аны бла кюрешген – джазыкъ.
- Нарт сёз къарт болмаз.
- Ётюрюк хапар аякъ тюбю бла джюрюйдю.
- Башы ишлегенни, ауузу да ишлер.
- Айырылмаз джууугъунга, унутмаз сёзню айтма.
- Ётюрюкню башын керти кесер.
- Ёзденликни кёбю ётюрюк.
- Къайтырыкъ эшигинги, къаты уруб чыкъма.
- Айтхан – тынч, этген – къыйын.
- Джашынгы кесинг юретмесенг, джашау юретир.
- Бети – къучакълар, джюреги – бычакълар.
- Тойну къарнашы – харс, джырны къарнашы – эжиу.
- Адамны сабийин сюйген джюреги, бычакъча, джитиди.
- Акъыллы эркиши атын махтар, акъылсыз эркиши къатынын махтар.
- Аманны тукъумуна къарама, игини тукъумун сорма.
- Айранын берсенг, челегин да къызгъанма.
- Таш ата билмеген, башына урур.
- Уясында не кёрсе, учханында аны этер.
- Илму – джашауну джолу.
- Тамбла алтындан бюгюн багъыр ашхы.
- Ауурну тюбю бла, дженгилни башы бла джюрюген.
- Дууулдаса – бал чибин, къонса – къара чибин.
- Намыс сатылыб алынмайды.
- Малны кют, джерни тюрт.
- Чомарт бергенин айтмаз.
- Сууда джау джокъ, кёб сёзде магъана джокъ.
- Азыгъы аз, алгъа къабар, аты аман, алгъа чабар.
- Айтхан сёзюне табылгъан.
- Булут кёкге джарашыу, уят бетге джарашыу.
- Бойнуму джети джерден кессенг да, мен ол ишни этеллик тюлме.
- Ёлген аслан – сау чычхан.
- Гитче джилтин уллу элни джандырыр.
- Къолунгдан къуймакъ ашатсанг да, атаны борчундан къутулмазса.
- Къызын тута билмеген, тул этер, джашын тута билмеген, къул этер.
- Аш кетер да бет къалыр.
- Джырчы ёлсе, джыры къалыр.
- Бек ашыкъгъан меннге джетсин, дегенди аракъы.
СОРУУ
|
Sabr
Карантинге кёчюрюлгенди, чистить этерге. |
|
|
|
|
|
Azamat_SPb,
бошамадыгъызмы чистить этиб теманы?  къайтарыгъыз,марджа,къайтар... |
||||
|
|
|
|||
Читают тему (гостей: 1)