- Терек ауса, отунчу – кёб.
- Билим – акъылны чырагъы.
- Чёбню кёлтюрсенг, тюбюнден сёз чыгъар.
- Ашхы – джыяр, аман – джояр.
- Кёбге таш атма.
- Ата джурт – алтын бешик.
- Кёз – сюйген джерде, къол – ауругъан джерде.
- Мадар болса, къадар болур.
- Къарт бла баш аша, джаш бла аякъ аша.
- Билмезни кёзю кёрмез, этмезни къулагъы эшитмез.
- Суу да къайтады чыкъгъан джерине.
- Малны кют, джерни тюрт.
- Кийимни бир кюнню аясанг, минг кюннге джарар.
- Окъугъанны бети джарыкъ.
- Аман хансны – урлугъу кёб.
- Иги адам абынса да, джангылмаз.
- Зар адамны насыбы болмаз.
- Ач къарынны, токъ билмез
- Билмегенинги, билгеннге сор.
- Тойгъан джерден туугъан джер игиди.
- Къыз чыгъаргъан – къызыл къымжа.
- Болджал ишни бёрю ашар.
- Тилчиден кери бол.
- Оюмсуз атлагъан, аджалсыз ёлюр.
- Туз, гырджын аша, тюзлюк бла джаша.
- Кийиминг бла танылма, адамлыкъ бла таныл.
- Ёзденликни джайгъан – джокълукъ.
- Чакъырылмагъан джерге барма, чакъырылгъан джерден къалма.
- Эринчекге кюн узун.
- Чакъырылмай келген къонакъ сыйланмай кетер.
- Адамны аты башхача, акъылы да башхады.
- Мухар, кеси тойса да, кёзю тоймаз.
- Аман эсирсе, юйюн ояр.
- Ач къалгъандан, кеч къалгъан къолай.
- Ёксюзню къалачы уллу кёрюнюр.
- Гугурук къычырмаса да, тангны атары къалмаз.
- Мал тутхан – май джалар.
- Окъумагъан сокъурду, сокъур ташха абыныр!
- Къызбайны юйюне дери сюрсенг, батыр болур.
- Таякъ этден ётер, тил сюекден ётер.
- Келинин тута билмеген, къул этер, къызын тута билмеген, тул этер.
- Эл ауузу – элия.
- Кийим тукъум сордурур.
- Кюл тюбюндеги от кёрюнмейди.
- Къатыны харакетли болса, эри къымсыз болур.
- Джаралыны джастыгъында сау ёлюр.
- Айныгъанлы алты кюн, тогъайгъанлы тогъуз кюн.
- Чомартны къолун джокълукъ байлар.
- Джылыгъа джылан илешир.
- Тешигини къатында, чычхан да батыр болур.
СОРУУ
04.05.2011 00:02:29
Sabr
Карантинге кёчюрюлгенди, чистить этерге. |
|
|
|
04.05.2011 14:25:50
Azamat_SPb,
бошамадыгъызмы чистить этиб теманы? къайтарыгъыз,марджа,къайтар... |
||||
|
|
|||
Читают тему (гостей: 1)