- Ичимден чыкъды хата, къайры барайым сата?
- Къонакъны къачан кетерин сорма, къачан келлигин сор.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Къазанны башы ачыкъ болса, итге уят керекди.
- Татлы тилде – сёз ариу, чемер къолда – иш ариу.
- Ишни ахырын ойламай, аллын башлама.
- Тыш элде солтан болгъандан эсе, кесинги элде олтан болгъан игиди!
- Ёксюзню къалачы уллу кёрюнюр.
- Халкъгъа джарагъан, джарлы къалмаз.
- Джукъу тёшек сайламайды.
- Иги сеники эсе да, сюйген кесимикин этеме.
- Джаз бир кюнню джатсанг, къыш талай кюнню абынырса.
- Адебни адебсизден юрен.
- Аджашханны ызындагъы кёреди, джангылгъанны джанындагъы биледи.
- Аман къатын алгъан, арыр, иги къатын алгъан джарыр.
- Ёлген ийнек сютлю болур.
- Сабыр джетер муратха, сабырсыз къалыр уятха.
- Ач да бол, токъ да бол – намысынга бек бол.
- Ата Джуртча джер болмаз, туугъан элча эл болмаз.
- Сёз садакъдан кючлюдю.
- Джарлыны тону джаз битер.
- Терек ауса, отунчу – кёб.
- Туз, гырджын аша, тюзлюк бла джаша.
- Тюзлюк шохлукъну бегитир.
- Эки итни арасына сюек атма, эки адамны арасында сёз чыгъарма.
- Кюн кёрмеген, кюн кёрсе, кюндюз чыракъ джандырыр.
- Урама да – ёледи, сатама да – келеди.
- Ачыу алгъа келсе, акъыл артха къалады.
- Аджал соруб келмез, келсе, къайтыб кетмез.
- Ауузу бла къуш тута айланады.
- Иги болса, тамадама – махтау, аман болса, меннге – айыб.
- Ойнаб айтсанг да, эслеб айт.
- Чыбыкълыкъда бюгюлмеген, къазыкълыкъда бюгюлмей эди.
- Нарт сёз къарт болмаз.
- Окъдан джара эртде-кеч болса да бителир, сёз джара, ёмюрге къалыр.
- Джашда акъыл джокъ, къартда къарыу джокъ.
- Чоюнну башы ачыкъ болса, итге уят керекди.
- Агъач – джерни чырайы, кийим – эрни чырайы.
- Эли джокъну – кёлю джокъ.
- Билим къая тешер.
- Къарнынг ауруса, ауузунгу тый
- Аманнга алтын чыдамаз.
- Ишлегенде эринме, ишде чолакъ кёрюнме.
- Тойчу джашха къарама, къойчу джашха къара.
- Мухар, кеси тойса да, кёзю тоймаз.
- Сыфатында болмагъаны, суратында болмаз.
- Иги сёз – джаннга азыкъ, аман сёз башха – къазыкъ.
- Бетинги сатма, малынгы сат.
- Ётюрюкчюню шагъаты – къатында.
- Биреуге кёлтюрген таягъынг, кесинги башынга урур.
[ Закрыто ] Правила форума
Читают тему (гостей: 1)