- Халкъны джырын джырласанг, халкъ санга эжиу этер.
- Окъуусуз билим – джокъ, билимсиз кюнюнг – джокъ.
- Къар – келтирди, суу – элтди.
- Адамны адамлыгъы къыйынлыкъда айгъакъланады.
- Кёрмегеннге кебек – танг, битмегеннге сакъал – танг.
- Къарт болгъан джерде, берекет болур, сабий болгъан джерде, оюн болур.
- Джырчы ёлсе, джыры къалыр.
- Тынгылагъан тынгы бузар.
- Билген билмегенни юретген адетди.
- Танг атмайма десе да, кюн къоярыкъ тюйюлдю.
- Уллу сёзде уят джокъ.
- Къатын къылыкъсыз, эр тынчлыкъсыз.
- Ач, тоймам, дейди, тойгъан, ач болмам, дейди.
- Джюз элде джюз ёгюзюм болгъандан эсе, джюз джууугъум болсун.
- Чакъырылмагъан къонакъ – орунсуз.
- Таукелге нюр джауар.
- Тенгни тенглиги джашай барсанг билинир.
- Илму – джашауну джолу.
- Чакъырылмагъан къонакъ тёрге атламаз.
- Ойнай-ойнай кёз чыгъар.
- Аууздан келген, къолдан келсе, ким да патчах болур эди.
- Ишленмеген джаш – джюгенсиз ат, ишленмеген къыз – тузсуз хант.
- Къарт айтханны этмеген, къартаймаз.
- Намысы джокъну – дуниясы джокъ.
- Атлыны кёрсе, джаяуну буту талыр.
- Аууз сакълагъан – джан сакълар.
- Ауузу аманнга «иги», деме.
- Тамчы таш тешер.
- Къызбайны юйюне дери сюрсенг, батыр болур.
- Къонакъ аман болса, къонакъбай джунчур
- Байлыкъ келсе, акъыл кетер.
- Къонакъ болсанг, ийнакъ бол.
- Бичгенде ашыкъма, тикгенде ашыкъ.
- Сёз къанатсыз учар.
- Тик ёргени, тик энгишгеси да болады.
- Чомарт джарлы болмаз.
- Бал чибинни ургъаны – ачы, балы – татлы.
- Ач келгенни – тойдур, кеч келгенни – къондур.
- Аурууну келиую тынч, кетиую – къыйын.
- Иги сёз – джаннга азыкъ, аман сёз башха – къазыкъ.
- Хантына кёре тузу, юйюне кёре къызы.
- Къонакъ аз олтурур, кёб сынар.
- Нёгер болсанг, тенг бол, тенг болмасанг, кенг бол.
- Къуллукъчума, деб махтанма, къуллукъ – хаух джамчыды!
- Ханы къызы буюгъа-буюгъа киштик болду.
- Ауругъан – джашаудан умутчу.
- Ата Джуртча джер болмаз, туугъан элча эл болмаз.
- Сагъышы джокъ – джукъучу, акъылы джокъ – къаугъачы.
- Келинни – келгинчи, бёркню кийгинчи кёр.
- Аджашханны ызындагъы кёреди, джангылгъанны джанындагъы биледи.
[ Закрыто ] Правила форума
Читают тему (гостей: 1)