- Ач уят къоймаз.
- Ашыкъгъанны этеги бутуна чырмалыр.
- Бичгенде ашыкъма, тикгенде ашыкъ.
- Кёкдеги болмаса, джердегин кёрмейди.
- Киштикге къанат битсе, чыпчыкъ къалмаз эди.
- Эл тойса, тоймагъан, эл къойса, къоймагъан.
- Ариу сёзде ауруу джокъ.
- Аш хазыр болса, иш харам болур.
- Аууз сакълагъан – джан сакълар.
- Кёзюнде тереги болгъан, чёбю болгъаннга кюле эди.
- Чалманны аллы къалай башланса, арты да алай барады.
- Къызбайны юйюне дери сюрсенг, батыр болур.
- Тешигини къатында, чычхан да батыр болур.
- Кёзю сокъурдан – къоркъма, кёлю сокъурдан – къоркъ.
- Ачыкъ джюрекге джол – ачыкъ.
- Орундукъ тюбюнде атылсам да, орта джиликме, де да айлан.
- Тойчу джашха къарама, къойчу джашха къара.
- Иесиз малны бёрю ашар.
- Ашхы адам – халкъ байлыгъы, ашхы джер – джашау байлыгъы.
- «Ма», - дегенни билмесенг, «бер», - дегенни билмезсе.
- Ышармагъан – кюлмез, кюлмеген – къууанчны билмез.
- Биреу къой излей, биреу той излей.
- Сабийни джумушха джибер да, ызындан бар.
- Хаухну атма, ёнгкючню сатма.
- Нёгер болсанг, тенг бол, тенг болмасанг, кенг бол.
- Къоркъакъны кёзю экили кёрюр.
- Юйлю уругъа ит чабмаз.
- Намыс сатылыб алынмайды.
- Нёгерсизни джолу узун.
- Ауругъаннга – кийик саулукъ, джетген къызгъа – чилле джаулукъ.
- Кёб ант этген, кёб ётюрюк айтыр.
- Кийим тукъум сордурур.
- Игилик игилик бла сингдирилиучю затды.
- Ишлегенде эринме, ишде чолакъ кёрюнме.
- Нафысынгы айтханын этме, намысынгы айтханын эт.
- Душманны тышы – акъ, ичи – къара.
- Джарашыу сюйген – джалынчакъ.
- Ашхы сёз таш тешер.
- Эр сокъур болсун, къатын тилсиз болсун.
- Биреуге кёлтюрген таягъынг, кесинги башынга урур.
- Суу ичген шауданынга тюкюрме.
- Кесине оноу эте билмеген, халкъына да эте билмез.
- Ач – эснер, ат – кишнер.
- Джыйырма къойну юч джыйырма эбзе кюте эди.
- Къонакъны къачан кетерин сорма, къачан келлигин сор.
- Джашлыкъ этмеген, башлыкъ этмез.
- Иги – алгъыш этер, аман – къаргъыш этер.
- Дуния аламаты сен эсенг да, игиме деб айтма.
- Аджаллыгъа окъсуз шкок атылыр.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
[ Закрыто ] Правила форума
Читают тему (гостей: 1)